San Martín de Trevejo - Caceres

Mesas 1 Censo 778 Escrutado 100%

2008				2004
Total votantes	626	80,46%		77,78%
Abstención	152	19,54%		22,22%
Votos nulos	9	1,44%		0,48%
Votos en blanco	2	0,32%		0,63%

2008				2004
Candidaturas	Votos			Votos		Candidaturas
PSOE	421	68,23%		58,69%	368	PSOE
PP	181	29,34%		38,28%	240	PP
IU	5	0,81%		1,44%	9	IU-SIEX
LV	4	0,65%
UPyD	2	0,32%
EXTREMADURA UNIDA	1	0,16%		0,16%	1	EU
AES	1	0,16%
Cenb	0	0%		0%	0	CENB
P.A.C.M.A.	0	0%
F.A.	0	0%		0,32%	2	FA
PCPE	0	0%		0%	0	PCPE
PUM+J	0	0%
AUN	0	0%
C's	0	0%
PFyV	0	0%		0%	0	PFyV
DN	0	0%		0%	0	DN
PH	0	0%		0%	0	PH
C.T.C.	0	0%
PSD	0	0%
FE de las JONS	0	0%		0%	0	FE de las JONS

A un Argentinu le dixu un .-Che, habeis perdido en las Malvinas.
-Bueno, quedamos subcampeones.

Ei, que ya he ditu que nun soy puliticu ni he estau nuncca mitiu en esis fregaus,lógicamenti teñu miñas simpatias, teñu que idel que fendu un analisis dos resultaus, que: Psoe ha gañau (Sin influencias de gerras, mais ben con o salvaxi atentau de Eta en sua contra) as Elecciós. O PP a siu subcampeó y que a o conxuntu de España (salvu excepciós, que haberlas hailas, le importa un carallu os nacionalismus radicais. Felicitu a os Campeós y a o subcampeó le recomendo que vaya fichandu u bo centrucampista.
Forti abrazu.

Magnificu analisis, a o que nu hay que añadil na por miña parti y si queru resaltal unha coisa, o elevau indici de participación de los manegus densaus ¡ Que lección pa o restu de a nación! ys que se ha superau a meia nacional creu.En fin, sorti pa tos, soidi a Fala y un saluu pa tos de Chitu.

Estimau Cerrumicli:
1º Nun voy a entral en disquisiós puliticas.Puntualizal algunas coixas: ¿Filicital a os gañaoris? ¿gañaoris de qué?. A to o caxu será desali que teñan mutu , pero que mutu traballu y que o sepan fel ben pa que tos os que hemos diu a votal poamus vivil millol dentru de 4 anus que hoixi.Que os que han sacau menus votus en vé de andal sempris a gresca y eitandu terra en os ollus dos que gubernan, que les eitin una man que é o que le pin os que os han votau. Sobre to en temas en os que nos xugamus mutu y que he muy fácil idil cuixitas cuando vivis a caixi 700 ó 1000 km de distancia de donde se sufrin en o dia a dia y logu dil y pintalsi as más de blanco sabendu que tú vas a dulmil seguro.

2ºte planteo una hipótesis returcia pero hipótesis (na mais)¿vali?. Vaya de anteman que sin sel puliticu teñu miñas ideas ¿vali? y te poyo idel que ni é dos "dos gañaoris ni dos subcampeós" como tú les chamas. En o tema do atentau (repitu solu una de tantas hipótesis)ni millol ni peol una mais . En terrurismo está claro que sin mover ficha nun se ha solucionau ná de ná. Levamus mutus anus y o que "te rondaré morena" si os puliticus nun movin ficha. Gusti o nun gusti tenin que "falal" . Eta o sabi. ¿con quen dos partius tenin mayol probabiliai de falal? Cómo diban os dos partius en as encuestsa dias antis das votaciós (empati técnicu). ¿cómo femus que a xenti se decanti?. Si movemus a sensibiliai da xenti, os sentimentus da xenti, bastarán unos cuantus votus para desequilibral a balanza. ¿Qué fai a xenti cuando ocurri una desgracia?. Se compadeci dos que han sufriu o dolol ¿si? os apoyan, les envian iñeiru,roipa,... de to....¡¡prubiditus!!. Si le pass algu a alguin cercanu a estas ideas.... estas ideas se verán apoyás. ¿no actúa asi a xenti?. Ya se que con xenti tan mal sólo é una hipótesis pero ahi quea dita. ¿Que me didis Cerrumicli?. ¿A favol de quen se ha desequilibrao o empati?
Repitu ni soy puliticu ni soy dos perdeoris ni dos gañaoris.

3º Que ha seidu perdendu os nacionalistas. Jo, Cerrumicli, ná de ná ¿eh?. Estas elecciós van de decisiós mais de o "cuntigu o contra mi" o con os "gañaoris o con os subcampeos" agora nun é tempu de nacionalismus. Agora é "votu útil". Mira que si me entreteñu en "minoritarius" y sai un qeu nun quiria en o gubernu..... vaya planchadu ¿no?. pos isu.
Espera en os Autonómicas y verás a dóndi habian diu os votus nacionalistas.
Amigus furistas que si hay que filicital a alguin somos os ciudadanus por estis politicus anu tras anu. Aunque hay xenti que didi que ca Pais ten os gubernantis que se mereci.
Perdoal a chapa. Ca un que pensi o que poia y o que le deixin.
Veña un abrazu pa tos os furistas. Era na mais que por chalrreal un poicu con o amigo Cerrumicli.
Soidi a Fala

Amigu Alfena, ei solu he feitu un escueto analisis das Eleciós aplicando unhos términus fubfolisticos pa que se vera que miña intenció
nun era levantal ampolas ni por un lau ni por otru y en cuantu a os nacionalismus radicais reflexu ni mais ni menus os resultaus que han tiu.Tu das a entendel que nun sendu puliticu tes unhas simpatias que nun son ni dos que han gañau y dos segundus; respetu tuas simpatias.
¿Que me ques idil, que os votus dos nacionalismus han diu pa o Psoe pa que nun seia o PP? Ei nun o entendo así, cuantus mais diputaus teñan en a Cámara mais presió puian fel tantu a un comu a u otru, aquí e dondi se dicidin as situaciós de to o Estau. En as Autonomicas ya pois sacal toas as mayurias que queiras si logu toas as propostas tenin que pasal por a Congresu.
Didis que sois os que sufrís as consecuencias de tel unhos salvaxis pegandu tirus en a nuca y os demais durmin agustu pintandusi as mas de blancu....diría que Zaragoza, Mairil, Sevilla etc. y un monton de mortus de toa España (alguhos sil sabel quin coñus son Eta) si que ya han sufríu as consecuencias.
Mira Alfena, tos queremus a nossa terra y aquelis que estamus vivindu en otra por cualquel mutivo, temen sintimus aprecio por ela y mais si a parella nossa e de alí; tu sabis que ei estoy en Mallorca, dondi si qués inda e mais complicau, porque temus nacionalistas Mallorquis, Nacionalistas Catalás y mais. Ya te contu, hai un poblu que en un plenu municipal se declaró independenti de tos os demais gobernus.
Resumindu Alfena, respetu tuas ideas y tua forma de pensal, aceptu teis comentarius peru miñus sentimentos son estis: Español, de Extremaura, de San Martin de Trevellu y residenti en Palma de Mallorca.
Y por supostu consideru que o Psoe a gañau as elecciós, que vivimus en unha democracia y temus que aceptal o que a mayuría quel. Mentras as reglas nun cambin así seré y me tendis que aceptal tal comu soy, igual que ei vos aceptu a vossotrus.
Forti abrazu pa ti,pa o foru y soidi a Fala.

A unha determiná ideología, o forma de entendel a política, o partiu, o como se le queria chamal, a ciudadania, libimenti, ha decidiu que debi siguil gobernandu. Por tantu, como, concluia a campaña que se ha feitu, contrasti de pareceris y debatis incluius, o que se evidencia e que se ha competiu por gobernal esta nación, nun creu que sea desacertau idel que o partiu que ha sacau mais apoyu, .mais votus vaya, e o que ha gañau, en términus deportivus de Cerumiquili, e o campeón de esta competición.Agora e verdai que hay que exigil que se cumpla o que se prometi. Nun soy analista políticu, pero se me ocurri pensal, tras os resultaus, que, esti pais, de algunha maneira se “centra”, por a izquerda, a xenti se ha retreidu ¿votu util? o dudu, por a dereita pareci que a coisa se estabiliza. Por os Nacionalismus, da a impresión de que, por o momentu, a xenti se desencanta y cuantu mais radicais son, parece que mais electorau han pirdiu, ahei temus o ejemplu de Ezquerra que perdi escanus y sin embargu CIU, sendu dereita, creu que moderá, se frortaleci. ¿Qué pasa?.¿ Hay tendencia a o bipartidismu a nivel nacional? ¿Con os novus Estatutus de Autonomia, se le ha tapau a boca a algunos votantis nacionalistas? ¿Se han buscau mayorias fortis pa evital crispaciós por o zancadilleu constanti? Ei me fayu estas preguntas y pa respondelas me quea tempu, hasta otras Quizas as Autonómicas, salvo en Andalucía, en a que tamen o espaciu de o partiu que quiria ser nacionalista ha queau vadiu, a coisa se aclari y, como didi Alfena, resurjan os partius Nacionalistas, pero o dudu, si os que han gañau sabin fel unha política regionalista en condiciós, dandu a ca un o que necesita, os nacionalismo radicais, nun o van a tel facil.

Desde logu, como nun se poi consintil que se cunsiga na e con un preciu de sangri, isu nunca ,y si, como se didi, a morti de esti sindicalisa vascu, militanti activu y ex concejal poera habel inclinau a balanza pa un lau, mais ben creu que se haya incitau a votal, os criminais nun o pritidian, seguru, por que esa calaña nun pretendi na, trata de impoñelsi dictatorialmenti, como tos sabemus, por isu condenalos abertamenti e o millol que se poi fel..
En fin, tamen esta e unha reflexión entre demócratas y pa demócratas. Soidi a fala y un abrazu pa tos Chitu