San Martín de Trevejo - Caceres

por fin me estoy enteirandu das novas tecnologias y ya pollu falal con vosotrus. tiña ganas porque estoy fora do lugal y o eitu de menus. y asi se que poendu escribil en o nosu dialectu y poel conversal con vosotrus pareci que estoy mais cerca. ¡hola a tos!

Boas tardis Foristas, Mañegus y Mañegas:
Benvindu "Capitán centenu". Efectivamenti, os que nun estamus en o Lugal que nos ví nacel y tuvimus que residil en él unhos cuantus anus, agora que estamus fora de el, añoramus mutas coisas, inclusivi de os frius que pasamus cuando en o invernu dábamus paseus por a carreteira "nova" de entoncis. Te contaré, que antis de inaugural o Cuartel de a Guardia Civil, quei una nevá de meu y nos dedicamus a tirarnus nevi, un grupu desde dentru de el y otrus desde fora, se me enfriorin tantu as mas aquel día, que ni mitias en agua quenti entraban en calol.
Pues cumu ben didis: Estas novas tecnologías sirvin pa que os que estamus fora de o lugal, nos poñamus en contactu y así poemus siguil conversandu en o dialectu que nos insinorin nosus Pairis, a través de estis inventus.
Soidi a Fala, Mañegas y Mañegus.
Chalrrieira.

Ei tamen queru dalti a bienvenida "capitan centenu", ei tamen dixéramus que soy nova, así que comenzamus en un bo momentu. Y efectivamenti a sacali partiu as novas tecnologías, y a practicar o MAÑEGU, niñun aprendímus a escribilo cuandu fomus a escuela,(que me disculpin si nun estoy en o certu), pero he tantu o cariñu que le temus que se disfruta escribindo y opinu que un-os de otrus aprendemus a felo. ¿Nun te pareci?
Un salú pa ti, y pa tos.

Ei tamen te doi a bienvenia poicu a poicu vamus sendu mais.
asi que a siguil pa yantri i entral en o foru i estamus
en contactu con mais mañegus.
un salu pa tos.

Capitan centenu,mye,benvindus a o foru da hermandai mañega.Esperu que o dia tres de eneru esteis en o conclavi que se celebrara en a capilla sixtina das boigas mañegas,a de Chitu.
Creu que a boiga se queara pequena,viandas nun faltaran,cariñu tampocu,como didi un bo amigu mei,abra bibia y cumia hasta que ocurra una desgracia,je je.
Forti abrazu

Benvindus a os dois, capitan centenu, ya era hora que te puxeras a o día, agó que ya sabis mierati por internet os horarius de bus y ven a vermi algún fin de semana.
Aunque ei fella mutu tempu que nun entraba,por falta de tempu habel si ago poyu entral mais a menu.
Un forti abrazu pa tós y un muy forti pa ti capitan centenu.

Creu que Tribuleti ten que andal asustau de tantu taballu que le ha queidu pa descubril a os novus, a quin aproveitu pa dali a ben vinda. Por certu, o Capitan Centenu se habrá reformau ya desde aquilu das Torris, por que creu que era un elementu de cuau, por alí non pasaba naidi como nun pagara, hasta que un Rey Leonés viñu con tropas preparás y acabo con esi Hernan o Fernan, de apilliu Centenu,segun a leyenda o a historia nun se ben. Capitan, que seas ben vindu y nun te vayas pa as Torris, queati en o lugal y disfruta con nosotrus o dia 3. Soidi pa tos y pa a fala .Chitu

A verdais e que si, que Tribuleti ya nun daría abastus pa siguil tanta pista. Benvindu Capitan Centenu y que sea por mutu tempu, comu ves istu ya e unha gran familia. Me gustaría sabel si o Nick que te as postu e por a historia que conta Chitu de Fernan Centenu o das Torris (que, a mi nun me soa, nun era capitan ni cabu siquera; o e por un Tebeu que habia (que si me soa)que o personaxi se chamaba Capitan Centenu.Tamen estaba o Capitan Truenu, peru esti era de otru reximentu.
Si nos das pista, tiramus do filu y te sacamus a partia de nacimentu.
¡hai que vel... a cabra sempri tira a o monti!
Forti abrazu.

Benvindu capitán Centeu o capitán de bandolerus.
Fernán Centeno Porras, Senhol do castelu de Rapapelu, mirobrigensi de nacimentu, viví cerca de 100 anus en um'a época inestabri ena que se vi impricau, mui valenti i timiu, capitán do sigru XV, descendienti de
familia nubilísima da Ciái, moró eno artu da serra das Elhas, enas torris, que inda hoixi se conhoci cumu Torris de Fernán Centeu.
Tamén foi chamau xiabaríl dos canchais da Serra de Gata, purque desdi
xiovin, estuvu lutandu cum os demáis fidalgus da comarca, o en aberta
pugna cum os cumendaoris das diversas Ordinis Militaris, foi sua via um'a cuntinua luta, um trasegu cunstanti, agazapau en um'a trincheira,
surprendendu o asaltandu um castelu o apuderándusi de um'a praza forti,
cunsiguindu asina um saneau senhuriu i felsi mereceol do sobrinomi de
" O Travesu " asina le chamaban seis familiaris i demáis cabalherus
amigus do sei tempu.
Eno 1474 tomó o castelu de Trevelhu, aproveitándusi da guerra aberta entri Os Solís i Os Monrois, estis se disputaban o maestrazgu da Ordin
de Alcántara, a riu revortu ia se sabi, tamén antis s'habia feitu con
o castelu das Elhas, desdi As Torris dominaba ben os movimentus do
castelu das Elhas, aproveitandu que um dia o Senhol do castelu se tuvu que ausental fidu um'a rápida incursión i os sorprendei, peru solu pû
raptal ao filhu, máis tardi o empleó cumu moea de cambiu i asina se fidu
cum o castelu.
Falheceí eno 1479 i foi trasladau a Ciái pur voluntai de sei filhu
Fradiscu i sepultau ena capilha qu'habia fundau sei hermanu Diegu eno
monasteriu de San Fradiscu, conformi deixó dispostu en sei testamentu.
O escudu de armas dos Centeus, tén cinco manoixus de centeu cum suas espigas en campu de prata, s'encontra empotrau en um dos murus da
capilha-panteón, eno arruinau conventu de San Fradiscu do Arrabal de
a Ciái, poicu máis vos poiu idel, esperu num cansalvus cum istu.

Forti abrazu pâ tôs i soidi a Fala.

¡Jo Nachitu!¿Que poicu mais nos pois idel? Pues na, dinus o numero de movil que tiña, a vel si o localizamus po coderu.....Mmmmmmm,..creu que en aquela epoca nun habia movil ¿non?. En fin, unha ve mais hay que dalti as gracias por esa ilustración que nos fais da historia do lugal y seis alreoris. Te dibiamus nombrar cronista do lugal o algu así, por que eris un pozu de coñucimentus dos nosus antepasaus. Un saluu pa tos y aupa a fala,Chitu