San Martín de Trevejo - Caceres

O primer tiron de orellas pa mi mismu, logu pa tos os demais. Está ben que o foru sea a editorial de Cancheira y de Chechu, que nos deleitan con as suas poesias y que, o nos fain recordal persoas que significorin algu en a nosa via pasá o nos fain reflexional filosóficamenti. ¡Está ben, to isu está ben! Pero ¿nun vos pareci que temus que esforzarnus por dali a o foru esi airi criticu que produda encontru de pareceris ? ¿ ya nun pasa na en o lugal?. ¿Ondi está JL que nun da nuticia niñunha? Y Poyalis, Gorrion, Cerrumiquili, Forti, por que está ben que lagartisa y zaparrustru, como e invernu, andin aletargaus, pero os demais non. Esta ventan pa o lugal, a que nos asomamus tos os que o queremus y añoramus ten que siguil tendu atractivu y pa que nos siga tendu enganchaus a ela por que con isu pareci que siguimus cerca, como si tuvera piel o lugal y a tocáramus cuando escribimus aquí en mañegu.

Tribuleti..sigui investigandu, a ver si sacas a tos de anonimatu. Chencu,... en mañegu e ¡tenru y tinrritu! U otro (ternu) e tradudir do castellanu. E o que he uiviu sempris en o lugal. Brodas...¿te han pillau ?.Ya vali. Un abrazu pa tos. Chitu

Tamén tes radón, CHITU. Pero istu e o que hay y o foru será o que queiran que sea os furistas. Nun se poy puñel portas a o campu. E verdais que os que estamus fora queremus sabel. En Torre de don Miguel tenin una cámara enfocandu continuamente a torri da iglesia y q genti que está fora se conecta a esa Web pa sabel qué tempu fai en o sei lugal. O foru puía sirvil pa isu, comu un a especi de cámara por a que miral pa sabel cúmu está o lugal y qué pasa alí.
Otru día teñu que idil algu de isu de as normas da escritura, pero teñu que pensalo ben antis. De toas as formas nun estoy totalmenti de acordu en que o que escribamus sea a norma. Agora ya e facil fel unas normas en que tos estuvéramos de acordu y así cumpliríamos con o lema da Academia española: a nosa fala siría mais limpa, quearía fijá pa os que veñan detrás y seguru que tindría un mayol esplendol.
Hasta otra.

Hay unha fonti firía
un chafaril,de agua fría,
y estan chorandu as alfenas
hay muta pena en as almas
o valli perdei a calma
o valli chora,de pena.

y esti foru..nun se apura..
fala de amor,de ternura,
nun pensa en o meyu-ambienti,
unha fonti eta sangrandu
está to o valli chorandu
y ríndusi miña xenti...

será que nun tenin alma
será que nun tenin calma
o nun le cega a pasión
pa mi,esa fonti e dulzura,
pa mi,esa fonti e ternura
y parti do corazón.

Pues sí, por aquí andu un poicu aletargá, cumu didi Chitu. Estis días nun he tiu mutu tempu de metermi en o foru. Ya he vistu que hay muta jenti nova (¿o son os mismus con otrus nomis?)
Ha estau muy intritiu o debati sobri a ternura. Nun creu que una persona sea sempris tenra. Por ejemplu, un homi, aunque haya siu educau pa sel duru y forti poi en un momentu dau expresal ternura, con un gestu, una mirá, una palabra. Pero pensu que é mais ben o revés, que realmenti son situaciós concretas as que despertan en nosotrus esa ternura que temus tós guardaus dentru de nosotrus: cumu un bebé durmindu, unhos abuelus que pasean agarraus da mán, una anduriña dandu de comel a os seis retoñus que asoman a cabicita por o niu....

Cambiandu de tema: Pa que vamus a esperal hasta o verán pa vernus as caras? Se puía organizal un primer encontru estas Naviais purque seguramenti seremus unos cuantus furistas a andal por o lugal. Qué vos pareci? Quín vai a estal por esas fechas?

Un abrazu pa tos.

P.S:E verdais que se eita de menus a JL que nos informaba de o que pasaba por o lugal.

Amigu Chitu: Ei nun soy partidariu de que se sepan os seudónimus, asi tes mais libertai de opinión con a intriga de nun sabel con quen debatis ó le das a radón si a ten. ¿crees que tú despertarías o mismu interés si supéramus tei nomi?,¿despertaría Brodas ese interés por sabel quin e? ¿porqué quirian sabel que era Cerrumicli? ¿quen e Badila, Anduriña, etc ? Ya digu que poi habel mutas sorpressas.
Tampoicu le quitu o mérito a J.L., Cancheira, Chenchu. Tos sabemus quenis son y tenin sua misión en ó foru. Agó estoy de acordu contigu en que aunque nu haya Gramática escrita de Mañegu, a ortografía ten suas reglas, ya sean derivás do Castellanu, do Portugués o de as raidis que teña nosa Fala; comu ben didi agó Chenchu estamus fendu historia. Sinún ¿pa que temus un diccionariu?.
Camiño, reden incoporau,como ei, dirá algu sobri esti tema. A vel que opina él y restu do foru.
Temus a J.L que nos conta ó do lugal,Indanunse, Xalima,Campanariu, etc, y o mais gradi é que falamus con París, Mairil, Barcelona, Sevilla, Jerez, y mais, mutas mais.
Tribuleti,reporteiru de investigación.

P.D. Mirei si somus importantis que J.L. se cartea con IVAN, aunque nun sea o "Terribli"