San Martín de Trevejo - Caceres

Entrará ya mismu y tanquilamenti, dispois de habel feitu oixi un tempu excelenti, caixi primaveral, o dia do nosu Patrón; a Festa mayol do lugal, aquela en a que estrenábamus a roipa de envernu, mais de un, botas, o millol feitas artesanalmenti por o pairi de Brodas. Oixi recordamus aquel guerreiru, logu Obispu, que generosamenti partí a sua capa por a mitai pa que un pobri se tapara, un simbolu de generosiai que, desde logu, pareci que ha trasmitiu esi patrón a tos os meñegus, generosiai que demuestran cuando chega o forasteiru y o acatan y caixi miman pa que levi un bo recordu de esi rincón, que tan ben he cantau, sobre to O Parral. Si se quel, e un dia de añoranza pa os que, vivindu fora, nun poemus, por diversas radós, estal ahei y disfrutal tamen da primeira cata dos mostus reden cudius, que tan generosamenti, os que o tenin, cedin desiteresaamenti pa to o que chega. En fin, trataremus de compensar o dia –3- por que , como didin paquí abaisu “ Hambre que espera jartura, no es hambre ninguna “.Bo dia de festa pa tos y desde a añorana, un saluu de Chitu.

Estamus ya en a Festa de o nosu Patron San Martiñu,comprendu que añoreis nun poer estar aqui con nosotrus, celebrandu a Festa ,tendi presenti que os que estamus aqui tamen añoramus a vosa ausencia,ya nos gustaria poer estar tos yuntus,formamus ya un grupu que estamus muy unius,sintimus tos as penas y as alegrias de os demais,cuandu hay un cumplianus, flicitamus, si hay un fallecimentu nos apresuramus tos a dar o pésami istu e un auniun que mereci resaltar.Creu que o tres de Eneru será o remati pa que os que poamus asistir nos unamus inda mutu mais,oyi se lo piremus a SanMartiñu,esperu que él tamen este dispostu a que fomentemus mais a amistai y unión,. falandu de istu aproveitu a ocasión pa idili a muller de Fonti Nova, que asperamus y deseamus se pasi un bo dia con esta unión. Ya contaremus comu pasamus a Festa que pareci ser esta muy anima.VIVA SAN MARTIÑU.Bo dia pa tos.
Un saludu pa tos os do Foru y comu sempris auta a FALA.
O Saltu

Bos dias a tos os furistas, mañegus i mañegas:

Levanteivus que ya soan as salbas (as estoi vendu desde San Làdaru) i prontu soaran as campanas anunciandu a hora da misa i a procesion.

"Ya habra chegau o tiu do turron"

Aprobeitandu estas horas, ya que oixi nun traballu, pos aqui tamen e festa (Nacional), pero por otras causas mais bélicas que a do nosu Patron (aunque tamen foi soldau) aqui se celebra o dia do Armisticiu da primeira guerra mundial 14-18, chamà tamen la Gran Guerra o "Guerre des Tranchees".

Deseali un bo dia a tos os mañegus i mañegas que por sorti estan en o Lugal i a tos esis que cumu ei, andan dispersus por toa geografia terrestri sin ulvial esa terra que nos vi nacel ni a o nosu "Dia de San Martiñu".

Desde Paris, un salù pa tos


Soidi a fala i a o corderu
hasta o dia que le chegui a hora,
porque.... !!ALI ESTAREMUS!!


M/E

Pa tos os mañegus en o dia de San Martiñu UN FORTI ABRAZU

O Milanu, tamén se fai ecu de a festa, y desea a tos os mañegus y mañegas, que estén alí, en o lugal (ej: el Salto), que se o pasin mui ben.
A o Milanu tamén le gustaría estal, pero creu que debi fel mutus, mutus anus, que esta festa nun a poi celebrarl, por mutivus de traballu.
Soid a tos,
O Milanu

A tôs os mañegus y mañegas, a os que están en o lugal, y a os que estamus fora, mutas feliciáis en o día d´o Patrón.

Sabéis tôs que o feitu máis famosu de o patrón foi aquilu de que, cuandu era un xovin militar, s´encontró un probi que estaba pindu. Ya sabéis o que sigui: partí a capa en dois cachus y la do a metái.

Pero a dondi queru ei dil é a que se esa acción proben a palabra capilla, porque a meia capa de San Martín se guardó en un-ha caixa o urna y se le fidu un pequenu santuariu.
A palabra capa procedi dô latín y en latín tamén se didi meia capa: Capel-la (capilla), pareci que a xienti de entoncis idía: "vamus a redal a dondi está a capilla", y de aie ven o nomi capilla que se la da a pequenus lugaris dedicáus a o cultu de algun-ha imagin.

BÔS DÍAS TEÑÁIS.

P.D.
Minhas condolencias pâ Felix(Pirata), Forza y resignación.

Pâ que veais o que fidu tamén San Martinhu.
¡Viva San Martinhu!

¡Cuáu a os que estén por o lugal, con aquilu de "Por San Martinhu,se proban os vinhus"

-Tal día comu hoixi,vulvíamus as duas da manhán pa caxa.-Istu,solu pasaba por Samartiñu i a Cru.

-¿Dondi estábamus hasta esa hora?. Eitandu un baili conas lindas manhegas que por entoncis adornaban o Lugal.

-Vos acordais?. O Negru: tocandu o saxu encima d’aquel templeti; mientras noxotrus intentabamus bailal o máis arrimau pusibli baisu atenta mirá das mairis que nún le quitaban olhu as filhas. Logu: entre baili i baili,séiamus a tomal aquel vinhu que nos daba o Coisu.-¡Bueno!,- por chamali vinhu-.

Sin cital nomis,recordu mui ben,cualis eran as dagalas que nos gustaban i que bibíamus os airis porelas. Dispois,o distinu quixu que caún tomara rumbus distintus;queandu solu o entranhabli recordu.-Estoi seguru, qu’algún manhegu dos qu’escribin eno foru ; recordan aquelis tempus i amoris da xuventú.

Imaginu o cambiazu tan grandi qu’agora é a festa do nosu Patrón.Así,comu he estau mutas vedis ena Cru. Por Samartiñu, nun he voltu a estal desdi que sei do Lugal.

Pasei pues un gran día, tos os que poeis disfrutal desta festa eno Lugal.

Forti abrazu

FONTI NOVA

P.D.¡Brodas! "In vino veritas"

Boas tardis Foristas, Mañegas y Mañegus:
Claro que me acordu de o Baili de os "Gatus". Pol a mañan, dispois de Misa y Procesión, feyan baili y nun o cobraban, pero ya en o baili de tardi y de a noiti, cobraban mais que cualquel Dumingu o día de festa.
Tocaba a trompeta Pepi o hermanu de Agustín o "Cosiu" y o que tocaba o Saxofón era "El negro que tenía el alma blanca".
Había que sacal a bailal as dagalas, cuandu elas quirian y estandu bailandu duas yuntas, ya que sentás nun le apetecía. Tempus aquelis que a mullel se daba mais a respetal.
A mi me feyan mairugal, pa ayuali a amasal o pan a meis Pairis, pa que terminaran prontu, así que cuandu viña a noiti, tiña que dilmi pa casa a dulmil, porque a o día siguiente (San Martiñu pequenu), tamén me feyan mairugal.
Soidi a Fala, Mañegas y Mañegus.
Chalrrieira.

Comu nun voy a recoldal o dís de Sa Martiñu, agó mismu estó vendu unha futugrafía que estamus montaus en un cabalu de carton o Chitu y ei, pricisamenti con esas botas reden extrenás.Aquel homi le encasquetó a Chitu un sombreiru andalú comu si le hubera leiu sei destinu en Sevilla.
Pa tos os Mañegus dentru y fora do lugal les deseu un felí dia do nossu Patrón.
Forti Abrazu.

Aqui o tendis mascandu "chicli"
y rumiandu comu vay a felu
pa dil a dali a o cordeiru
vossu amigu Cerrumicli.

Pos sí, si que me deis envidia , si , si, ni sana ni ná , istu e pura envidia d´os que pueis estal o habeis estau alguna ve en o lugal pa poel pasal o dia de San Martiñu. Asi comu o día d´a Cru Bindita sí que he estau (nun tantas comu hubera quiriu) pero, en estas fechas nunca en miña via, desde que nos fomus do lugal, y de istu ya fai una montoná de anus, vos o aseguru.
Que disfruteis festa do patrón y de tos os placeris que vos depari a via en esis dias, hasta que o corpu aguanti, sí señol.
Que mais quixera ei que tel algún recordu dos que a vedis leu aquí. Pero me acordu dó baili do Gatu pero en miña época de junvitú y de un par de imaginis d´a niñé.
Que a o ditu, mutas filiciais a tos y toas as mañegas en estas festas.
Soidi a fala a tos os furistas.

Entonu o mea culpa y cumu castigu copiu vinti vedis:

“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".
“Cerrumicli rima muy ben con chicli".

BOAS TARDIS

B_RODAS

Nun te flagelis mutu que o dia tres nos temus que dal os "Latigadus".
Boas fotus da procesió.Gracias O Saltu.

Bo planu de Fincacha
Conserva muy ben a facha,
peru inda nu ha ditu
si vai a comel Curderitu

Estupendu o que as boigas esten abertas pa tos os que queiran entral,Chonita ten un platu en a man comu ofecendulu y man dau ganas de eitali man a o chuirizu y belbelmi un vinhu.
Forti abrazu.