Victoriano Gaspar "Buli" Sempris buscaba conversación y mutas vedis,purque era inteligenti y liia,se mitia en profundiais ideológicas. He certu comu didi Chenchu,que o trataba y cuñucía ben,que o socialismu en o lugal,tras ideas arrastras y vivencias de seis pairis num hubera tiu continuai si en a cadea siguia pur Valerianu,Lázaru y otrus,num hubera estau El.Tabernas,baris,esquinas,soportais da plaza y algun-a seida pur fora,eran sempri púlpitus pa defendel suas ideas,mutas vedis cargas de radón.Ultimamenti estaba rebeldi de comu diba "esta España " y o mundu insolidariu.Estamus cheus de lairós y num te pois fial de naidi.A forma ruda,forti de sua figura y caráctir,ya num a volveremus a vel pur a Plaza.Sempri quiria conversación,buscaba o millol pa toos.Respetaba creencias,él tiña as suas.Se ha diu sin ritus ni ceremonias.Si mais alá hay algu boo,estoy seguru que num habendu feitu mal,tamén tendrá un lugal. Gracias Buli Tu tamén quirias mutu a San Martín.Te recordaremus.Pa toa familia y amigus abrazus. Gonzalu |