O Púlpitu de a Igleisia. Boas tardis, Foristas, Mañegas y Mañegus: Ei cuandu diva a igleisia de o Lugal, observaba que tiña un Púlpitu muy ben construiu que formaba parti de a Igleisia. As Igleisias y as Catedrais que ei coñozu y estan construías antis de coñocersi a luz eléctrica y sobre too os Altavodis, se feyan con un Púlpitu, pa que a yenti que hinchía a Catedral o Igleisia, escutaran o millol posibli, a palabra de Dios, predicá pol o "Cura de Almas". Según observu en os "Retratus" feitus por nosu Forista "Indanunse", que son excelentis, num apareci o Púlpitu de a nosa Igleisia y creu que o quitorin y está en a Ermita de San Peiru. Nun sé de quen partiría a idea de quital o Púlpitu de a nosa Iglesia. Ei creu que nun ha siu boa idea, porque según veu, en otras Igleisias y Catedrais antigüas, nun han quitau o Púlpitu. Soidi a Fala, Mañegas y Mañegus. Chalrrieira. |