San Martín de Trevejo - Caceres

En esti dia capicúa (14-2-14),¡ bos dias y mutas feliciais!, Feliz dia de San Valentin y mutu amor pa to mundo. Nun fai falta recordalo por que ya nos o redordan bastanti tos os meyus de comunicacion, pero oixi e o dia dos enamoraus, do patrón dos enamoraus, San Valenti, Obispu que foi martirizau en o siglu III por casal, en contra da prohibicion expresa do emperaor, a soldaus con suas parellas. A igleixa potenció en sei momentu esta festiviai, como santu do amor, en contraposicion, seguramente a aquela deidai mitologicagriega -Eros- desplazá por os romanus por Cupido. Esa agradabli enfermeai, según os cienttificus doctus en a materioa, a supon enamorarsi, hay que procuraral que duri mutu, por que, sin duda, e placenteira, a pesal de que mutas vedis chegui a nun selo tantu y se torni en sufrimentu; ya se sabi que aunque o enamoramentu naci en o cerebru se sinti en o corazón, que se acelera o se encolli, según as circunstancias, por isu nos han insinau con a publiciai, a regalar corazós, de floris, de dulcis, o de oiru ( quen teña meyus pa isu). O bonitu e enamorarsi como didi a Sevillana famosa:

" si me enamoro algún dia, me desenamoraré, para tener la alegria, de enamorarme otra vez".

Bueno, pues asi as coisas,ayel, por que as festas tamén se coñocin por a vespuras, a Casa de Extremaura en Sevilla, organizó a tradicional cea de San Valentin, en un magnificu Tablau Flamencu de Sevilla " EL PALACIO ANDALUZ", que algun mienbru do foru coñoci por que cuandu un crupu de chavais viñu a Sevilla de excusión, dispois de un paseu en Barcu, fomus ali a eital un ratu. En esa cea, se homenageó a os dueñus do local, por tantas vedis como colaboran con grupus extremeñus con precius redudios pa paseal en barcu y demais y tamen a una Asociación que se chama GUADALUPEX ( Guadalupe Extremeña), que reivindica a titulariai de a Virgin de Guadalupi y to a que isu arrastra (Monasteriu etc.etec.), que anacronicamenti, sendu a patrona de Extremaura y radicandu en a Provincia de Cáceres, perteneci eclesiasticamenti a Diocesis de Toledo ¿nun vos pareci istu unha barbariai?; bueno, pues nun hay maneira de que o Cardenal de toledu, solti as riendas - seguramente por os beneficius que le comprota- de esi enclavi que, con otrus varius muunicipius de a Provincia, siguin sendu de Toledu. Esta e unha cuestion que dibiamus tratal tamén aqui entre nosotrus.
En fin, sigu contandu a festa. Tuvemus una estupenda cea con entrás de productus extremeñus de alta gama y con viñus tamen extremeñus y mentras ceabamus, un Cuadru Flemencu, titular do establecimentum, amenizó a cea con cantis y bailis de flamencu de caliai y de profesionais.Un luju. Logu os que quixeran, nos queamus tomandu algun que otru "cacharru" y bailandu hasta que nos do a gana.
Esta ve me he enrrolau mais do contu, pero o ocasion o miricia, dispois de tantu tempo o Foru inactivu y ei tamen en él. Soidi y iñeiru y amor pa tos.Chitu