San Martín de Trevejo - Cáceres

Enoraboa Daví, pa noxotrus Capitán Centéu.
Cuantus santus foran denantis guerreirus que mais tardi se cunvirtiran
i deisorin sua impronta na via riligioxa, temus noxu Patrón que logu
fora estandarti de ordinis militaris i San Inaziu de Loiola que fundó
a cumpanhia de Xesús, pero tu de momentu mui guerreiru num eris ni tes
pintas de selo, peru inda pois chegal lonxi sin duda.
Que dia mais senhalau pa ordenarti sacerdoti, dia d'a Inmaculada, nos
meis tempus era o dia d'a Mairi, pos ben, le piu a esa mairi noxa que
te mostri o pindil a siguil i te de forzas cuandu caias no desanimu
pulque somus humanus i has imprindiu uma tarea fartu difícil.
Tu pois, se ve a bondai na tua cara i didin que ésta e o espelhu do
alma, num importa si chegas o num asel Su Ilustríma, pos o lustru
ia se te nota no tei sembranti, nos queremus um curita entranhabri mui noxu ia poel sel mui manhegu, quen sabi si estis oivius meis num se veran um dia regalaus cum uma misa redá en manhegu, pulque si hai que idela cantá tamén se canta, que algu tenhu de mei güelu Luis, él
cantaba desdi o coru i num se le daba na mal.
Aiel estarías ben arroipau pur tua familia i ésta boa xienti que ten
o noxu Lugal, que se entregan i dan to que tenin i tu num te miricias
menus, uma pena que ei num poera acompanhalti, peru te tuvi to dia
presenti acordandumi da filiciai que estarías sintindu de vel que a
meta que en sei dia te marcastis a tinhas cunsiguia.
Te tendremus presenti en noxas oraciós pa que perseveris.
Um forti abrazu d'ésti humildi filigres que mutu t'aprecia.

Nazitu.