San Martín de Trevejo - Caceres

Tiña a nosa María
duas bombas y un corazón,
tan grandis comu un melón
y por alma unha sandía
chea de amor y aligría
maura de sentimentu,
de bondai, un cargamentu,
y de honradé en demasía,
En o "colu" me subía
cuando era piquininu,
mira por dondi,o mininu,
le fala agora en puisía,
ela era a simpatía,
travalló en cá miña güela,
era comu a castañuela
que nos bañaba en verán
y que se diva a por pan
y nos levaba pa escuela.
Era unha escarapela
agradicía y servicial,
o mismu diva a apañal
que fregaba unha cazuela,
o feya de centinela
dos cuchinus en o ríu
o se subía pa os baldíus
a por dois facis de leña
era unha redia extremeña,
chea de forza y de bríu.
Miña güela a recollei,
viño sóla a San Martín,
cassó con un borrachín
simpáticu y parlanchín
chamau Antoniu o "chapau"
un borrachín muy honrau
él y as bombas de María
son bombadus de puisía
y un recordu emocionau.


E poica coixa o que digu de María.A recordu desde pequenu,y foi en cassa de miña güela muy importanti pa tos nosotrus.Foi da familia,unha mais en aquelis serás desgranandu o millu y as pibitas en a sala.Diva a apañal y gorda y baxita comu un tapón cargaba con as banastas de roipa pa laval en o ríu.Cuiteita,ei a quiría mutu y a queru en o corazón.Antoniu era un bo homi que le gustaba o viñu.He pa cagalsi en a leiti...¿lo quen aguantaba tanta carencia si nun era con un poicu de viñu?.Que Dios os teña en dondi se merecin,en a Gloria y de primeira clasi.Boas tardis pa tos.

probandu

Cancheira, me has emocionau con esi recurdu a esa persoa que pa ti foi tan entrañabli, he de ven nacius ser agradicius.Recurdu havel vistu a esa mullel paras por a calli a os netus de tia Antulina pa dali un beisu na mais. Sigui recordando personagis que foran y pasorin sin pena ni gloria a mayuria( aquela que nos pinchaba en ca de D.Jesus, pascasiu, Agustin o gatu, d.Ciprianu, agustin o bellu, as que vindian caramelus en a praza y le pagabamus por tiral con a escopeta de airi y tantus etcs) ¡hay que mantel o recordu das coisas da infancia y que eran coisas que conformorin a nosa via en un lugal y fideran a o lugal como agora o vemus.