San Martín de Trevejo - Caceres

Arrastraban as mulleris,
as sillitas hasta a plaza,
eran mulleris de raza,
amantis dós misereris,
finas cumu as alfileris
que levaban en o velu,
divan buscandu o señuelu
dos títiris,dos gitanus,
con cabras y con enanus,
y un osu,color "canelu",
un perru y un tamburil
y unha trompeta muy vella,
y unha dagala,doncella,
gitanita de Mairil,
y Lorenzu,o alguacil,
senteitu en primeira fila,
muy abertas as pupilas,
os dagalitus soñandu...
ven a cabrita yugandu
con a mona y o gurila,
A lú d´aquel escenariu
eran as tristis bumbillas,
en o mandil calderilla,
y tistigu o campanariu,
era dispois do rosariu
y dívamus ya,ceaus,
unhos poicus confesaus,
y otrus,mirandu a dagala
que subi a corda y escala,
de lujuria..empecataus.
Os carrus de éstis gitanus
de humildis titiriteirus
homis bos,aventureirus,
estan paraus en o llanu,
elis viñan tos os anus,
elis fideran historia
elis me train a memoria
tantas coixas que sintia....
!!Elis si que son puisia..
y tamen cachus de gloria!!

¡ Que boos recurdus CANCHEIRA, me trai esi bellu poema! Me has feitu vel aquel trapeciu y a mona y a subasta final pa sacal una piritas mais.Gracias por escribilo en mañegu, te estoy descubrindo,amigu, digan o que digan, hay vea poética y sintimentu.

Vamuns a informarnus ben do tema eólicu pero sin cunvirtilo en ná politicu ¿Eh?.A vel que contraprestacios ten y que ventaxas y que beneficios. O foru se incha, ¡ beeeeeeeen ! Un abrazu pa tos y ven vindus os novus. Chitu