San Martín de Trevejo - Caceres

Boos días a toos:
Pareci que le han feitu cassu a O CLAVO y en o B.O.O.M (Boletín Oficial dos Omis Mañegus) he líu esta mañán a siguienti

CONVOCATORIA:

A propuesta de El Clavo y otros objetos punzantes,

Se convoca un Concursu-Oposición p’a cubril un-ha plaza de

DIRECTOR D’O FORU DE SAN MARTIN.

A convocatoria constará de Ejerciciu de oposición y logu se suman os méritus que c’a un teña.

A.- EJERCICIU TEÓRICU: O aspiranti tendrá que estal falandu en manhegu duranti, por lo menus dodi minutus. En esti tempu nun poirá bebel agua ni viñu, nun tendrá que idil tacus ni palabrus, tendrá que idil O Creu o a Salvi en manhegu, y nun se le apreciará ninguna macháa d’as Ellas, ni de lugares próximus. Está proba se calificará de ceru a dé (0 a 10)

B.- PROBAS OBLIGATORIAS(Nun son eliminatorias)
O aspiranti demostrará prácticamenti seis cuñucimentus fendu toas estas probas, que o tribunal calificará de forma oportuna:
a. Catal vinhus de pichorra, idindu a procedencia, cosecha, etc...
b. Sabel encendel un carburu.
c. Construir un carru con ferramentas y material elemental.

C.- PROBAS ELIMINATORIAS:
Tendrá o aspiranti que participar en tres de estas partías, y si perdi se joei.
a. Ýugar a o chitu (observéi que está escritu con minúscula)
b. Partía de fincacha.
c. Ýugar as chapas.
d. Ýugar un-ha partía de “dápiti”
e. Ýugar a “piona”

D.- MÉRITUS.
- Por haber regau en As Alfenas, en a Relba o en A Cachina: 0,5 puntus (certificau d’o regaol)
- Por habel regau en cualquer otru lugal: 0’25 puntus (id. anterior)
- Por subilsi en O Barrocu Esparrión: 1 puntu (foto)
- Por anal encoiru en o Pozu Migreira: 0,5 puntus (foto o declaración jurá de algún amigu)
- Por anal encoiru en cualquer otru pozu dos que hay en o lugal: 0,333 puntus (id. anterior)
- Por habel síu mayordomu d’a Crú Bindita: 2 puntus (certificau)
- Por habel cargau con a imagin da Crú: 0,25 puntus (foto)
- Por insinal a Calli a Ciai a algún forasteiru: 1 puntu (certificau de algún vidiñu)
- Por habel sibíu andandu a A Pastora o día da festa: 1 puntu. Cualquer otru día 0,3 puntus. (foto o declaración de amigus)
- Por habel vistu a O Meu d’as Alfenas: 3 puntus (nun sé cumu se poirá demostral istu)
- Por habel levau “A escuadra reonda” a o taller de tiu Sisu, tiu Sindu, a fragua de tiu José o Ferreiru, a Colás o Albardeiru, a fragua de tiu Luis: 0’5 puntus por a primeira vé y 5 por as siguientes vedis (por pardillu).
- Por habel díu andando as capeas de Vilamel: 2 puntus
- Por habel estau en a escuela de D. Ciprianu o de D. David: 1 puntu (libru de escolariai)
- Por tel un moti de altu significau en o lugal: 2 puntus. (O Tribunal tendrá, previamenti que idil qué motis son essis)
(As fotografías tendrán que sel antis examináas por Indanunse y J.L. p’a evitar trampas con o FOTOCHOP o coisa paricía).
- Se le quitará 0,25 puntus por c’a níu de merrua que se sepa que quitó o aspiranti. 0,15 si eran níus de otrus paxiarus.
- Tamén se quitará 0,10 puntus por c’a vé que se quei p’a algún pilón.

TRIBUNAL:

Cumu istu é un-ha tribu, o Tribunal calificaol estará compostu por persoas de suficienti edai, cuñucimentu y sapiencia, o cual tendrán que demostral reunindu, al menus tres de estas condicions:

- Haber baialu algun-ha peza en c’a Aniana.
- Haber xiugau algun-ha partía de “tuti” en c’a Tia Binita.
- Haber bibíu vinhu en a taberna de Agustín “O Biderru”
- Habel xiugau algún partíu en o Llanu d’o Chafaril.
- Habel síu bautizau por D. Eduardu o D. Constantinu.

Esti tribunal seleccionará tres d’os aspirantes y o Foru poirá:
a. elegir a un de estis seleccionaus
b. elegir a otru, aunque nun esté seleccionau.
c. nun elegil a niñún y siguil cumu estamus agora.

Está publicau y ei sólu o transcribu p’a cuñucimentu dos furistas.

Creu que o Foru dibiría pronunciarsi a esti respectu que solicitaba o Clavu, y añadil algun-ha proba o méritu máis que se le hayan passau a o legislaool de o BOOM.

BRODAS.

Muy boa, BRODAS, me e escangallau de rixa lendua cun a miña muller , pero que imaginacion , , te advirtu que ei siria un seriu candidatu (cumu a mayoria de nosotrus) porque dispois de haber liu a combocatoria ei coicidu caixi cun un 90% das proposicios y en muy poicas fallaria porque por ejemplu :

Riguii en as Alfenas ( aunque nunca vi o MEU, mais que o que levaba ei )

Ani encoiru
Foi a buscar a escuadra reonda ancà tiu Sindu pa mei pairi
Ensini a calli a Ciai
Yugui as chapas , a o chitu , a o dàpiti , a piona que me as feya tiu Sindu de pau de encina y o picu que os forjaba mei pairi y que nun habia piona que se resistira cuandu yugabamus a "racha ", inclusu yugar a raspa con os cartos;
Y mutas mais que seguru que aprobaba o examin . Bueno tamen e verdais que mais de unha ve me quei po pilon y quiti nius, y quin nun o fidu ? ( aunque cumu digu, a competicion siria muy dura ) porque habria mutus candidatus cun un porcentaixi muy altu , cumu por ejemplu tu mismu BRODAS.


Te salua de tei parenti M/E

Me suscribu a o mañegu en o extrangeiru, muy boa, aunque claro, esta oposicion deixa fora a metai da llenti jovin (muy ben o de anal en pelotas en o pozu viga, pero o dos bautismus das momias esas, pos no).

Por certu, que e isu do meu das alfenas?

Amigu que has voitu:
¿de dóndi has voltu?
Si nun estás conformi con a convocatoria se poi poñel un recursu de
reposición, o coissa paricía, o simplimenti nun participar en a misma.
Ya temus algún candidatu. O mañegu en extran. didi que él aprobaría-. ¿quel isu idil que presenta a candidatura?
Pero de aei a faltar a o respetu a dois senhoris, aunque nun seamus partidarius de sua ideología, vai muta diferencia
Essi senhoris, a os que tú chamas momias, ¿por qué? ¿porque eran antiguus? fideran o sei trabalhu, y mutus manhegus, entre os que me encontru, les estamus muy agradicíus.
Te puía cital vinti o trenta manhegus máis angiguus que essis a os que naidi se le ocurriría faltali a o respetu.
Hay tamén otrus que, aunque ei nun cumulgu con as suas ideas, nun se me ocurriría, y menus en esti foru, faltali a o respetu. Se poi discrepal, pero dentru de un ordin. Así nun chegarás a ser Director de esti foru, cumu propón o Clavu.
Hay que tel en conta que en un-ha oposición, y máis p'a un cargu tan importanti cumu esti, o que se trata é de eliminar candidatus.

De toas formas quiçera que entenderas esa convocatoria dentru de un sintíu d'o humnor que nos ven ben en estis tempus que corrin. Too o demáis é unha coissa (cumu diría Baltasar) baladí.

Boas tardis.

BRODAS

Te he escritu una proposta enormi (en o mismu tonu festivu-populal que a tua, pero adapta), y cuandu a he mandau nun ha apariciu, me cagoentoqeusemeneaargghhhhhhh.
Respectu a o das momias, era una hiperbole pa denotal que ni siquera os e cuñuciu (conscientimenti por o menus), y nun quiria ofendel, ni por ideologias (ey soy ateu y sociata[pero de verdais, nun cumu o PSOE de SM]), ni por antigüeai.

Y nun me has contau o do Meu.
Y o nick e por que he voltu a leel por estis lugaris, y porque he voltu do lugal (o vulvi cunado o impici a usalo), y a partir de agora va a sel "Un que mira", que tamben e bastanti anonimu.

Boas tardis.

NO SE SI PREGUNTAS LO DE "" MEU DAS ALFENAS"" EN BROMA O EN SERIO.PORQUE ESO SERA UNA HISTORIA QUE HA PASADO Y PASARA DE PADRES A HIJOS.YO TE ASEGURO QUE EN MI CASO ASI HA SIDO,ME LA CONTARON MIS PADRES Y YO SE LA HE CONTADO A MIS HIJOS.BESOS.

Pues isu e o que he feitu, en vista de que nun respundia a yenti, y me he riiu mutu cuandu mo a contau mei pairi. O que no me ha aclarau e sobre que anus foi isu (cree mei pairu que sindu miña agüela jovin).

Cujunua,otru seriu candidatu pa o puestu,BRODAS nun se quin sois, pero bueno e igual.
A.-EJERCICIU TEORICU:
Falaré mañegu duranti dé minutus ( pero dispois de sél de unha pichorra).
Diré o Creu y a Salvi en mañegu.

B.-PROBAS OBLIGATORIAS:
a.Ccataré viñus de pichorra,procedencia,y cosecha , HUUUUUUUUUUUUUUUU
b.Encenderé o carburu
c.Diré as ferramenta pa o tipu de traballu.

C.-PROBAS ELIMINATORIAS:
a.Yugaré a o chitu.
b.Yugaré a fincacha.
c.Yugaré as chapas.
d.Yugaré a o dapiti con CANCHEIRA Y gañaré.
e.Yugaré a piona y a fairé dunil.

D.- MERITUS.
Rigí en As Alfenas.
Subí a o Barrocu Esparrión con JAVIEL O SOLANU ,me pareci que o Barrocu
era de seis aguelus.
Aní encoiru en o Migreia,Biga,Boti,Cura,San Lorenzu etc etc,etc.
Nun e siu mayordomu da Crú.
Ensiní a calli a Ciai a mais de un forasteiru.
Subí andandu a Pastora o dia de festa.
Uibí a o meu das Alfenas.Un dia vindu de regal d'Alfena quendu a tardi,viña andandu por a caleixa con meu,porque habia que pasal tamen por deyantri de o cementeriu,detras de a paré,un burru se puxu a rebusnal nun te digu na ,nun parí de correl hasta o cuartel.
- Por habel levau "A escuadra reonda" a o taller de tiu Sisu, tiu Sindu.
- Por habel dau a os fuellis en a fragua de tiu Jose o Ferreiru.
- Por habel díu andandu as capeas de Vilamel.
- Nun estuvi con D.Ciprianu tampocu con D.David.
- A primeira maestra miña foi Dña.PAULA, Machacon, D.Santiago q.e.d.
D.Jose Cananas q.e.d.

TRIBUNAL :

- Nun baili o baili de Aniana.
- Nun xugí o "tuti" en c'a Tia Benita.
- Pero si bibí viñu en a taberna de Agustín "O Biderru" y en a taberna de Agustín "O Gatu".
- He xugau en o llanu do chafaril
- Y he siu bautizau por D.Eduardo.

Bueno, poi sel que teña alguha probabilliai de sel director, aunque os mas bellus tendran inda mais.


Boas noitis pa tos.

Admitíu as probas de selección

Amigu Brodas; Me permitu felte unha pregunta.
¿Cuantus puntus se le puirian dal a un que un dia en a procesión de Vernis Santu mando paral a San Juan en a sua porta y entre unhos cuantos nos tuvemus que chupal unha xarra de viñu, por que o dixu El.?

jl.

En a pregunta está escritu EL con mayúsculas, se entendi que se refieri a San Xuan, por la tantu si o dixiu EL: o millor era feli cassu, bebelsi o vinhu y siguil a procesión.
De toas formas a convocatoria, según a ví ei en o BOOM, nun pon ná de issu, o que quel idil que nun debi ser méritu preferenti.
Pero a o que vamus y contemus:

Sólu se han presentau tres candidaturas: a de o Mañ. en Ext., que ha pressenta él; a de CANA, que tamén a pressenta por si mismu, y tamén a miña que ha presenta Mañ. en Ext.

En a convocatoria - istu se me ulvió copialo - se didi que ten que habel por lo menus tredi candidatus, p'a que pueda (hay que poñelo en castellanu) celebrarsi a a oposición.

Sin embargu ei queru sel d'o tribunal, pues reúnu tres d'as condicions; sólu me faltan a do baili d'a Aniana y a de tia Binita.

Agora estoy lendu un-ha coissa do BNG (essi partíu de Galicia), que pareci que afecta a San MArtín: ya vos contaré.

Tamén por aquí estan fendu probas d'a Televissión de Tíu Ibarra. Millor siría que fideran proba de chuirizu y nos a deran a probal.
Soidi a toos que hoxii é dumingu (bueno tamén os demáis días os desseu soidi)

BRODAS

Me pareci a mi que
"Un que ha voltu"
"Un que mira" Y
"Poyalis"
vivin muy cerca un d'os otrus.

BRODAS

Me poñu de pes otra ve en o foru dispois de uns cuantus petaconadus que me han dau y he tiu que repoñelmi fora da miña residencia habitual. Radós de traballu.

Empezu pro sumarmi a o pésami que Liberatu dá, por o fallecimentu de D.Carlus, quien, cuando ejercía de veterinariu, me consta que nun le negó nunca axua a naidi, insinanduli, creu, a Marcial mutas cisas das que tos os mañegus se aproveitorin cuandu falto un profesional das enfermeais animais.

He tardau en poñelmi o corrienti do que pasa en o foru y dispois de a tempestai, ya chegó a calma prumuvia por Brodas con esa elaboraa, brillanti y graciosa idea da dirección.

Te felicitu, Brodas, se ve que debis habel participau en algun Tribunal de Oposicios, o as estudiau ben. Asi que me presentu pa formar parti do tribunal, ya que será insobinabli.

Aunque: nun he baialu algun-ha peza en c’a Aniana, si estuvi alí por que me acordu me levorin meis pairis y ví vomo tocaba o manubriu, me pareci que Peiru o Topu o Jaliscu ( era muy poequenu ), creu que esta condición a cumplu.
Nun xiugau o “tuti” en c’a Tia Binita, por que nun me deisaban por sel pequenu, pero si tumí café ali , se me poi pasal ¿non?
Si he bibíu vinhu en a taberna de Agustín “O Biderru” he xugau o dapiti alí,cuandu a tiña tiu Julian
- Si he xiugau algún partíu en o Llanu d’o Chafaril y en a carreteira, cuandu os mayores estaban arriba.
- Si he síu bautizau por D. Eduardu , pero tampocu me acordu por que tamén era pequenu, y he recibiu mais de un canadu de él, com tu.

Asi que, esperu ser aceptau..Un abrazu. Chitu

Admitíu cumu miembru d'o tribunal. Ya falaremus d'as dietas.

Home, "Un que mira" y "Un que ha voltu" son a misma persoa, y respectu a Poyalis, ni me digas por que nun o coñozu (que ey sepa, claro)