Centro Penitenciario de Lugo -monterroso - Lugo

--------------------------------------------------------------------------------

Etiquetas: Muras, A Xestosa

10/06/2012 - Cristina Arias/El Progreso (Muras)

Cristianos no Imperio Romano na alta montaña en Muras. Lexionarios na procesión de San Antonio máis alá da Gañidoira. Un desfile de soldados, caracterizados pola asociación Cohors Lucense, foi un dos maiores reclamos da festa da Xestosa deste ano, unha cita que, a través dun programa que suma tradición e modernidade, reivindica o valor das celebracións populares, que pese ó paso do tempo e ó despoboamento rural, perviven e manteñen o seu poder de convocatoria.

Máis de 300 persoas, entre veciños, exhabitantes e familiares destes, achegáronse esta fin de semana á pequena tallería de Muras, un barrio con pouco máis de 15 casas habitadas na actualidade, que recupera o esplendor dos anos pasados e multiplica poboación nestes días de festa.