Palacios del Sil - León

Emigrantes, xentes nuesas,
dexanun la sua tierrina,
sua casa, padres, harmanus,
vecinus, xentes amigas.

Pa un mundu nuevu ya ricu
a trabachar tous yiban
medrosus, peru buscandu
dineirus ya mechor vida.

Muitus, muitus s´embarcanun
ya qué poucus vulverían
al catse onde nacienun,
cuántu d´el s´alcurdarían!

Nu puertu de Buenus Aires
si puxeran xuntiquinas
tságrimas de tous etsus
rigueirinus currerían…

Achigarían a la Pampa
ya mulines molerían
cun tsagrimas ya sudores
de la nuesa xentiquina.

Eva González Fernández