Espina de Tremor - Leon

PAROLAS



Antias iera d´outra manera,n´esti tiempu ya facía que la cá el fornu, teníamusla llena de lleña hasta la teinada, y el fornu bien arrojau, pa facer un amasau pa dos semanas a lu menus.Tamien teníamus una buena buelga feicha, pur mor de la ñivada que ya había caiu a éstas altuas.
Sácabase todicu el ganau,( que ya facía unus días estaba encuadrau,) y llebábase al agua y a roier urces, porque no tenían outra cousa.Diban a venir días ontovía mucho piyores, de cudra y corte, nu más a hierba, paia y fuiacos, sacándulu solo al agua, y había que faceis buelga antias.Casi había que facer túneles pa dir de casa al paiar nus meses de diciembre y eneiru, iera que la ñieve del tejau de pia, ajuntábase cu na de la calle.Aquéllus si ieran inviernus y no éstas farranducas que cayin ahora.
El lleñeiro estaba llenu,el terrau tamién y el gochu estaba en poné pesu cu nas patacas, remolacha y berzas, que ya quedaban poucas,peru ya i quedaban poucos días y menus comida.Yera hora de dir aguzando el cuchiellu pa clavailu nu gañatu.
Sentaus na piedra el llar,a la mor de la llumbre,apurpurábanse tudicus lus telares pal samartinu, había muchu llabor que facer ontubia,tampoucu había priesa, tenían que caier giladas, pa que nu se estrupieyi la chicha.Outro día faremos parola del samartinu.

SALUDOS A TODOS LOS DEL FORO POR FIN HAY INTERNET EN ESPINA ASI QUE VAMOS A VER SI LA GENTE SE ANIMA Y ENTRA MAS A MENUDO

Lo del Internet es un enredo de un rato a la semana. De momento.

Samartinu

Había caiu ya un buena, ñivada y con las jiladas que cayían, al cochu ya i tenían los días contaus.Mia madre ya i lo había dichu a tíu Doru, el de tía Paula ,que irea el matachín de tudicus los añus, pa ver si se i arreglaba pa matalu el día Santa Llucía, i ya i diju que sí.Nestoncias el día de antias no se i daba cena al cochu y se facían todicus lus llabores pa tenelu lu más apurparau.
Esperábase al matachín a primeira hora pa tumá la parba, que buena falta facía pa entrar en calor,luego diban al cubil tudicus los homes pa sacá al animalucu,que esti añu iera bien ruín, peru había que sacalu a ganchu, cumu si fura un bicharracu .El gancho se i echaba na papada,esu i lo facía unu solu y los outros: dos agarrábanlu unu pur cada orella y outru pul´ rabu.De un justrazu diba pan´cimal´ bancu, de un istante i cravaban el cuchiellu.Antias i habían atau las patas.Ahora las muieres ya i estaban cuiendu el sangre nun caldeiro i dándui vueltas pa que nu se cuaie.Ya tienen la paia apurparada pa chamuscá´l gurrín, había que dai bien la templa pa afeitalu cu nu cuchiellu, despuas llavabánlu cun´agua, que habíase calentau na llumbre, y cun piedras romas se i limpiaban hasta lus oíos, dejábanlu muy lluciu.Iera tiempu de tumá el fervíu y aguzá los cuchiellus pa abrilu i sacai las tripas, la untaza,la papada i tudicus los minudos, antias de colgalu pu las patas traseras i cabeza abaju, pa que escurra, i con una piedra entre las queijadas pa dejai la llengua fura. A si quedaba a lu menus dos días, antias de desfacer al animalucu.
Las muieres desfacían las tripas, diban a llavalas al riu i ontubía quedaba lu meior, la cumia, iera una festona el día la mata el cochu.
Qutro día faremos la parola del pemiento.

Joseluisalvarez, sigue deleitándonos con tus relatos aunque nos hagas la "puñeta"(por lo menos a mí)de obligarnos a leerlos despacito.

Saludos.

Estate tranquilo Gargapa, que agora que tenemos internet en Espina, pienso continuar aprendiendo a escribir. En verano igual me puede la vagancia, pero procuraré estar en esta ventana abierta a todos. Gracias por leerme.
Un saludo

El pemientu
Antias, cuantá y mi dios, el ochu de setiembre díbase a Biambribe al mercau y a cumprá el cochu pa criá pa outru añu si se terciaba. Nésta ucasión, entre outras almas, diba Lludivina la de tíu Felipe y cralu abían diu bien tempranu pa está allí a buena hora, ya na venta que había antias de entrá en Biambribe, quedorun de vese allí, una ve despachaus pa subí pa riba y así cada pardal fui a sou espigal. Cunque llegou la ora y furon ajuntándse, d´algunos habían feichu tratu y outros no. Mientras paruliaban de lu caru que iera tudicu, así nu se pué cumpránada chacha, queijábanse todus. Lus cochus ieran muy ruinacus, si acauso los pemintus oíase a la outra. Cun las mesmas ichorun la quilma a llombu y arrincorun pa riba. Al subí, a la tardecica, parorun a cumé un bocau y a ichá un gutín pa quit´q el secañu que trayian nu´na fuentica que abía pa ca de la Vela y descansorun un poucu y....vuelta outra ve a ichá la quilma a llombu y pa riba. Al llegá al Pielgu diban mui susegaus, cuandu se oiu a Lludivina la tíu Felipe ¡el pemiento, coñu! ¿que i pasou al pemiento? i preguntorun ¡nada! is contestou, que tiengo que vulvé a pur él, ¡ome! i dijerun ¿ pur un pemiento vas a vulvé a la fuentica? dámuste unu de lus de nuesu y nu fagas esa animalada de vulvé a date esa caminata. Lludivina no is fizu casu ningunu y volviu a pul pemientu¡coñu, cumu pa nu vulvé! había guardau las perras que i sobrorun dentro del pemiento.......cumu pa nu vulvé a pur él y ¡diantrias! ontobía lo alcontrou.

Buenas ojo cristal! ya "veyu" que le pegas al lliunes, a ver si se normaliza esto de internet en espina y sigues con tus parolas.