A Coruña - La Coruña

PGL – O Parlamento nega aos membros de Unión Coruñesa a possibilidade de recolherem assinaturas para apresentar umha iniciativa legislativa popular (ILP) no hemiciclo galego para debater a co-oficialidade do topónimo deturpado.

A razom aduzida polo Parlamento para nom atender à petiçom é que a legislaçom que regula as iniciativas populares exclui expressamente as referidas a questons que afectem ao desenvolvimento básico do Estatuto de Autonomia e às que, para a sua aprovaçom, precisem do voto favorável de umha maioria qualificada da Câmara.

A formaçom espanholista Unión Coruñesa, que pretende fazer oficiais as formas toponímicas castelhanizadas, ameaçou com apresentar um recurso de amparo ao Tribunal Constitucional. Porém, o informe de sete páginas com o que a presidenta do Parlamento rejeitou a solicitude de Unión Coruñesa, já está amparado por várias sentenças do Constitucional.