Villamiel - Caceres

Ya lo diji en la otra convelsación: El foru no está muertu está, dormiu.
Y ya vèis, ha despertau. Yo llevaba muchu tiempu sin passá por el; Estoy trabajandu en un nuevu proyectu: montandu una página de Villamiel con "Joomla" ya que solu tenemus la de Berdardo Pinto y otra que jici ha mucho tiempu y no hay forma de encontrala polque a los buscaoris de Intené no debi enteresali, y no salía por Villamiel pero ahora la he acogíu con un dominiu y sali si ponéis . La he jechu haci muchu y está un pocu avandoná. ¿Lástima que los dominius de Villamiel.com y .es estén ocupaus pero nadi está haciendu na en ellus. a ver si cuandu termini la nueva página me dieran el .com.
Que algunu me diga si ha nevau por villamiel. A ver si tenemus agua pa regá las lechugas de la Conquina.
Mañegu, Lucianu jué siempri buen amigu miu, ahora vivi en el norti pero tieni cassa en villamiel y de ve en cuandu vieni. Hasta prontu

Buenas tardis Foristas de Villamié:
Gracias amigu Forista "Habitanti del Barriu de la Muralla": Hay que revivi esti Foru, porque es una buena cosa el podel contal recuerdos de cuandu íbamus a las Capeas en Santiagu Apostul, el 25 de Julio, que sigui siendu Fiesta ahí, ya que en otrus pueblus y Regionis no es.
Según he leidu en un correu en esti Foru, Nachitu te llama (Pacu) y tomais algunha vé algún vinitu; pues me alegra que así sea.
Oye (P): Fíjati que estuvimus unha tardi juntus nada mas, Lucianu y yo y me dí perfectamenti cuenta, que era muy buen chicu, pol esu te lo he recordau y cumu yo lo pasé tan bien bailandu con muchachas de Villamié, pues no he olvidau aquella tardi.
Yo voi pocu pol San Martín, pero estaremus al "loro", a través de esti "Foru", por si volvemus a coincidil en Villamiel o San Martín, tantu me dá. Ya me imaginaba que Lucianu estaria pol el Norti y claru está, teniendu casa, irá mas de vé en cuandu.
Salud (P) Habitanti del Barriu de las Muralla.
Chalrrieira.

Estimadu Chalrrieira:
Ya quisiera yó habé teniu el gustu de tomá un vinitu con (P), no ha
siu posibli, o de habé provadu el vinu de Don Agapitu Roqui, padri de
(P), peru nunca es tardi, el últimu vinu que probé de Villamié jué el
del tiu Churru y jué en Sâ Martin, en la bodega del tiu Luis.
Personalmenti no nos conocemus, estamus enellu, esti veranu cuandu juí
a velu ya se habia idu, nos uni el foru y todu lo que sea jablá de
Villamié, él tieni más tiempu que yó, pues está jubiladu y de histotia
jué profesó, asi que se ponga las pilas.
Hé sabidu grácias a tí, que Villamié ya tenia cámara, mira que güenus
son los villamelanus dandu noticias del pueblu, la pena es que estus
dias ha estadu nubladu y pocu se ha podiu ve.
Habitanti del barriu de la muralla, ahora podrás ve si esta nevau o
já sol, porqui comu estes esperandu que te lo digan desdi el pueblu
no se de que nievis te van a informá.
El jondu está bién, la sierra de Santa Olalla y antis Treveju y su castillu, sobran las canastas del baloncestu, peru yo preguntu al
vientu por si alguin lo oyi, estu es lo mejó que puedi mostrá la cámara
o en su lugá no seria mejó el pueblu en si mismu. Piensu que desdi la
crú del tesu la vista del pueblu no está nada mal, peru doctoris tieni
la Iglesia, estu no es política, es cariñu a lo nuestru.
Creu que la iglesia con su torri, lo pocu que se ve de la plaza, la Cerca y que es la parti más llana de todu el pueblu tienin méritus
pâ pode mostrá, tamién el jondu de las Nameras i Machacascus tienin su
encantu y son más nuestrus y más proximus.
Si queremus turismu entiendu lo otru, peru sobran las canastas, peru
piensu que no sabemus vendernus, Treveju tieni más tirón por no habé sabiu jacerlu bién, una visita combinada mostrandu primeru Villamié
que tieni muchu que ve, la iglesia de la Magdalena, cerca el palaciu
del Déan, la plaza del Rollu, escudus y clodoveas repartius por todu el pueblu, casas señoriales etc etc.... peru pâ estu hay que sabelu, cossa
que tengu mis dudas, pâ se un güen villamelanu no basta con habé naciu
en Villamié, estoy cansau de ve comu la genti visita Treveju y marcha
a Sa martin sin ni siquiera entrá en Villamié, reflexionemus sobri
estu, va pâ el concejá de cultura si es que existi, porque lo de la
carpa todavia no acabu de velu.
No os cansu más, es que los finis de semana tengu tiempu i desentumezcu
los dedus, con esti inviernu friu que nos ha veniu casi no salgu de casa
y me calientu con estas cossas.
Un saludu a todus i salú a la Jabla que falta le jadi.

Hola Nachitu: ¡Comu se nota que la mitá de tu sangri tieni genis villamelanus.
Y qué razdón tienis de las propustas que jas sobre el desarrollo turisticu.
Pa la Semana Santa estaré en el pueblu, a ve si nos podemus ver.

Buenas tardis Foristas de Villamié y Villamelanus:
Me agrada verti pol aquí amigu Nachitu. Tú tien que partirti en dos; la mitad para ca pueblu, y así estás presenti en los dos Lugaris a la vez, (Villamiel y San Martín).
Me pareci muy bien la propuesta que haci Nachitu de situal la Cámara en el Lugal que indica, así tendría otra vista de Villamié.
Comu resulta que la de San Martín está averiá, pues pongu la de Villamié y ya creu que haci el mismu tiempu que en San Martín,(se refieri al meteorológicu).
Ya sabemus que en Villamié hubo buen vinitu sempris y comu Nachitu sabe más que yo de Villamié, pues habrá que probalo cuandu haya ocasión.
Salu a la Jabla, a los Foristas y a los habitantis de Villamié.
Chalrrieira.