Valverde del Fresno - Caceres

https://ww.sierradegatadigital.es/articulo/sierra-de-gata/el-consejo-de-gobierno-aprueba-contratar-los-trabajos-para-erradicar-el-nematodo-del-pino/20120413140347001745.html

Ya tinha noticias de istu,Putigas; a vel si as consecuencias son as menoris posiblis.
Soidi

Estuvi u sábado por a zona da Toirinha afectá por esi bichu que chaman NEMATODO;de feitu ya ficeran toa a corta; había alí maquinaria pesá que cada unha d'elas fai unha función distinta. D'alí non poi sel ninhun pinu enteiru, buenu enteiru ni cortau: unha das máquinas que digu, das que ali había,fai a labol de astillalus completamente y de esa maneira se transporta a unha fabrica de Biomasa que ten ACIONA en Miajadas, aqui na provincia de Cáceres. Según me dijeran, entre transporti y traballu de corta non se por dicel que é rentabli, pero tamén me dijeran que algu se pudía sacal. A corta afectó según noticias, a unhas 80-90 hectáreas y queda baju control unha área de vinti kilólemtrus a redonda. Dentru de esa área non se poi comercial a madeira procedenti de pinus, é dicel, que solu se pudría sacal da maneira descrita, astillanduus, istu, duranti u tempu que se señali, nun sè especifical cuantu será.
Dentru du mau u desastri non ha síu de connsecuencias tan gravis comu pudría temersi, sobri tó tendu en conta u precedenti que temus con un casu similar que pasó en Villanueva de la Sierra, tamén aqui na Serra de Gata; alí foran cortás de forma indiscrimina mutas mais has( queru recordal que unhas 800)y a madeira se queimó sin daili ninhuna utilidai.

Fici algunhas fotus que iré punhendu nu Foru,
Soidi pa tós

Salgueral