Valverde del Fresno - Caceres

Adiel tinha comu alternativas duas posibilidais, d'ír de Romería hasta A Divina Pastora o bem cruzar a fronterira pa visitar a Nossa Senhora do Bom Sucesso, A Santinha , comu dicimus paqui. Recordí que había estau na Santinha u anu passau y a verdai é que quedí decepcionau. Aquilu non é otra coisa que un gran mercadillu; ná que ver con aquelis tempus, cuandu de mininu y ya feitu un zagal atravesabamus u Tortu y compartiamus un dia de festa con us nossus amigus portuguesis. Tenhu bos recordus; creu que contí aqui , n'esti foru , que de pequenu pasaba algun--as temporás en terrad portuguesas, en Aldeia Do Bispo. Ali fici amigus, zagáis comu ei, con us que coincidia na Romería da santinha. Recordu as merendas sentaus nu solu con a familiua amiga, a música que se oivía era a que seia das acordoeons que tan bem tocan us portiguesis , us corridinhos. Ná de altavocis pregonandu a mercancía como agora..
, poi que sea a nostalgia y pensar aquilu de que cualquer tempu passau foi milhor.
En fin, Toas esta reflexoions me ficeran agarrar u cochi y tirar pa Ermita da Divina Pastora. Aparqui abaju, nu cruci, apenas empezá a c arretera que subi hasa Ermita. Había feitu esa ruta mais de un-a vé y sabía u paisaji que iba a disfrutal. Nu caminhu disfrutí das vistas que desdi ali se divisan de san Martin, dus castanhus y roblis en tó u sei esplendor, us verdis praus , disfrití tamén da compañía de alguns que comu ei iban a pé. Lá arriba había alguns postus de venta, u normal en esto tipiu de acontecimentus, tamén baris dondi pduías tomar un-a cerveza, acompañá de un poicu de magru , por a que tge cobraban u solu euro. .. Y vi tamén, que de isssu se trataba, a imagen da Divina Pastora. Debu reconhocel que era primeira vé que us meis paseus por aqeulis parajis coincidían con a festividai da Pastora y me sorprendeu encontrarmi con un-a iamgenm de tanta prestancia. En issu us lagarteirus ganhan por goleá a us portuguesis, que us pobris, y u digu con tós us respetus , non podin presumir de un-a Virgen , tan linda comu a Pastira das Ellas.
Fici algun-as fotus y por a noite trati de fice un vídeu pa subilu a Youtube. Trati de seguir us conselhus de Sombradeluna pa que u véramus cá nésti foru y torpi que soy, non acababa de entendel como se ficía. Asi que pusi u enlaci de Youtube nu Hilo ( milhol fio,¿ verdai?, en que esi tan bó foreiru que comparti con nos us seis cunhocimentus ( Manual para subir al Foro los viedos de YOUTUBE), y le expliquí as mimhas dificultais.
Logu, con sorpresa, veu que acaba aparecend u vídeu en cuestión. Suponhu que Sombradeluna tendra que vel en issu, o bem que a Divina Pastora ficu un milagru y permitiu que tos pudwramus vel u Guapa y engalaná que é.
Felicitu a us lagarteirus por a patroa que tenin y acabal dicendu que pasei un-a minhan mui grata, con us oivíus regalaus por esi falal tan lindu y cantarin que elis tenim.
Un abrazu pa tós,
Salgueral

Salgueral ,he leiu u tu excritu todu cheiu de nostagia , que recordus maix box

Muitu brigadu , amigu foreiru

Queru recordar desde esti foru a un lagarteiru chamadu Ricardo Urbano.El foi u que levo a imagen de a Divina Pastora a Madrid y pago su Restauracion.De istu fai ya por u menus 25 anus pues el morreu fairan mais de veinte,que Dios u teña en su gloria y un recordu por esi bellu gesto.

Que recuerdos mas buenos me tráe esto a mí, mis padres me llevaron a la divina pastora un par de veces cuando era un niño y cuando hé visto el vídeo me ha dado mucha alegría, muchas gracias por ponerlo. Boas noitis y soidi pa t@s.

Salgueral me alegru mutu de que u hayas conseguíu……….. u de puñel tu mismu teis vidius, aunque a verdai sea dita non me sorprendí na………………si foistis capa de tirarti a u ruedu en a praza de toirus, montar a cabalu a pelu aquel anu en San Blas y resolver u casu de us detectivis de u FBI i mais coixas ……………….comu non ibas a ser capa de ficel algú tan sencillu.

Me a gustau mutu u tei vidiu sobre a Divina Pastora, i as coixas que nus contas de comu pasati esi día mezclaundulu con us teis recordus.

Beña us demais animaibus a puñel vidius tamen!


Saludus i Boas tardis a tos.