Valverde del Fresno - Caceres

A connstrucción de un Isntitutu en Valverdi nun deja de crearmi mutas dudas , seguramenti por u mei desconhocimentu du tema. U certu é que tenhu escutau mutas noticias a u respectu... Por un lau , que foi aprobau xuntu con un Centru de Formación ( Profesional imaginu, pos dau a que non estoi mui a u tantu dus tempus que corrin solu imaginu que se trata de algu así), por otru tenhu sabiu por noticias de prensa que a contestación de otrus lugaris con us Follus a cabeza, consigueran que esi proyectu, a construcción du Institutu en Valverdi quedara paralizá. Inda antiel oivi por a radiu que u Sidicatu CC.OO. tinha planteau un-a serie de preguntas sobri u feitu de que hubera seidu a licitación du repetiu Institutu y du pretendiu Centru de Formación, Y oixi, a nosa alcaldesa ficia un-as declaracions a Cadena Ser contestandu a u citau sindicatu, e u sentíu de que u que se trataba era de cumplil con as normas por as que se rigin as construcioins d'esti tipu, é dicel un control de que to se fai con arreglu as normas impostas. Por as declaracions de a nosa alcaldesa pareci que ambas concesions , U Institutu y U Centru de formación , van pa dientri, pero por otru, nun se que pensar da contestación que tuvu u proyectu por parti de otrus lugaris y agora do comunicau de Comisiones Obreras.
Me gudstaría que algun de vos que cunhoza u tema supera dar algo de luz sobri u mismu.
Tamén sería convenienti, que frenti a esas contestacions por parti de us Follus ( y u citu comu principal opositol ya que pareci tel a pretensión de que to o que signifiqui pregresu tenha sedi en esi pueblu), tuvera algun tipu de resposta por parti de tó U Val de Xálima, pos queru suponhel que tantu As Ellas comu San martín estaría a favor de que esi proyectu tenha comu sedi a Valverdi... Y tal vez, comu é de cultura u que estamus falandu, sería bó que a "Asociaicón Fala y Cultura" asumira esa defensa..Isu e u que pensu y a vel si algún de vos me aclara tó esti embrollu.
Un abrazu a tos us foreirus.

Por lo que leo en tu mensaje parece que está un poco dificil la cosa, ójalá lo hagan ahí ya que es el pueblo más alejado de la capital. Boas noitis y soidi.