Valverde del Fresno - Caceres

Parece que ya no comentan ni dicen nada l@s que animaban y subian fotos al foro, no dejeis de hacerlo, esto se apaga.

Lo bonito de esto ,es tener una opinión y poder expresarla libremente.Es poder hablar de algo que nos une ,como es nuestro pueblo, y tratar de mejorarlo, es responsabilidad nuestra

tienes razon,no hay que dejar que se apague,asi que hay que animarlo,sacar temas interesantes ,contar historias que conozcamos,y digo historias,no cotilleos, un saludo a todos los forero

boas tardis a tos que tal por u lugar,ha choviu algu ya?.un saludu pa tos

hola genti, pos comu dicis si a choviu pero poicu i u riu en u porti nobu inda dun corri na de agua en estas fechas ya a casi finais de noviembri. saludus

Me dijeran esti veran que cada vez que sacaban us cabalus chovía.Quizá nun sea mala idea pedirle a San Blas que chova,creo que desde su día nun u a vuelto a ficel haber si se apiada de u sei lugal.

Esti anu nun habiu boa primaveira,u veran a siu muy largu y agora que tiña que habel boa otoña,esta u campu que pareci invernu.Seguru que a campaña de tortullus ha siu un desastri,por nun dicel na da jenti que teña ganau o u verdeu que tampocu a engordau comu e debiu,vamus que u doismilnovi a siu un regaliñu.Soidi a tos

Perdona,¿qué son tortullus?nunca u había oividu,pero si e un mal añu pa u campu y de u verdeu que e de dondi más se saca al no chover ...aunque creo que ha habido boa cosecha.

PUES SI E POR US CABALUS QUE ADIENTRIN SAN BLAS,Y LOGU SE VOLVI HA FICER EN AGRDECIMENTU.BURNO U CASU E QUE CHOVA AUNQUE SEA POICU,ALGO,ES ALGO.SALUDUS PA TOS

corrigafunda TORTULLUS son los niskalos ó setas

Mutas gracias Txoni,con u que me gustan y nun saber su nomi en valverdeiru.!Innoranti de mí!

isu non e de ignorantis ,en cada sitiu le chaman de una forma non temos que saber toas.

U se ,hasta pa istu e bo u foru para transmitirnus us coñucimentos que temus,unus a otrus.Gracias

aber iznorante es el q no pregunta los tartullos son la seta de para sol q le llamamos por aki q estan muy rikas en los guisos de carnes y rebueltos un saludo

En u lugal,us tortullus son toas as setas.Por certu que estan: ricas, ricas, ricas.

cuandu era pequena ivamus miña prima i ei a buscar pa venderlas por us pinus as pagaban mui bem mein jo y apañandu nun pasamus friu me acordu de us invernus en valverdi ficia frio de coñous y con u q gañamus nus comprabamus algu de roipa q antis nun tiñamus tantus caprichus como us nosus fiyus agora

Temus que falal mais chapurrau, que está demostrau que estamus perdendu mutas palabras, hay mutas que se referían a ferramentas pu campu que se van perdendu, coisha lógica porque ya non se usan(foizi, chapoa,aguadaña,trillu, eira, artesa...) pero que se impoñan palabras en castellanu pa perdel palabras nosas non u podemus consentil, us tortullus son tortullus, se agarran en u campu en otoñu y se reproducin por esporas, igual que us ashins son verdis o coloraus, pero non son pimentus y as migrás non son granadas, y us figus non son higos, y as litugas non son lechugas, y us millus non son maiz. Desgraciamenti, sin dalnus conta, estamus perdendu a nosa forma de falal.Entre tós que ficel/facel un esforzu pa conservalu.
Soidi pa tós/ás

as ditu una verdai comu un tenplu #3916979,por ejplu agora que tú u as ditu ei hay una ferramenta que por mais que intentaba acordarmi de comu se chama,non podia hasta que non he leiu u tei mensaji,me refieru aCHAPOA,e increibli comu se podin olvidar algunas coixas de non velas,usalas ó uivilas.estoy contigu que non se nus olvidi na.un saludu

Me gusta u que dicéis, pero non estoy de acordu en unma coisa.
A us nosus maioris les dijeran sempris que elis falaban chapurrau.
Elis su creeran y asina mus lu dijeran a nos.
Chapurrau quel dicel que falamus mal unma lengua y comu us que vinhan de fora se creían mais listus que us que aquí vivían porque nun habían diu a escuela, comu les parecía portugués mal falau, les dicían a us nosus abuelus, bisabuelus, tatarabuelus: Ustedes chapurrean, ustedes hablan un chapurrao de algo.
Cuandu falamus cun us lagarteirus elis dicin que falan lagarteriu.
Cuandu falamus cun us manhegus, dicin que falan manhegu.
Entoncis ¿Por qué us valverdeirus nun falamus valverdeiru?
¿Qué pasa que nos falamus piol que us demais?
Me pareci que u valverdeiru nun e menus dignu que us otrus.
Pur isu vus pidu que si de verdais amais a vosa forma de falal, le ensinéis us vosus parentis que nos falamaus VALVERDEIRU A MUTA HONRA.
Gracias y perdoneimi si nun estáis de acordu. Depois de to, u mais importanti é que nun se perda.

E CERTU U QUE DICIS #3919612,QUE DE QUE ESTABA MAL VISTU QUE SE FALARA EN VALVERDEIRU PERO,CREU QUE CHAPURREAU SE LE DICIA A US TRES LUGARIS POR LO MENUS EI SIMPRIS QUE HE TIU QUE EXPLICAR QUE NON FALABA CASTELLANU,DICIA QUE EN U MEI LUGAR JUNTU CON OTROS DOIS MAIS QUE ESTAN CERCA FALAMUS UN DIALECTU QUE LE CHAMAMUS CHAPURREAU,POR ISU MISMU EI NON CREU QUE U VALVERDEIRU SEA MENUS QUE U LAGARTEIRU Ó U MAÑEGU,AGORA OTRA COIXA E QUE ALGUNAS PESOAS SE EXPRESIN DE UNA FORMA Ó OTRA CUANDU SE REFIERIN A FALA,A MI MAIS VEN ME PARECI QUE HE UNA COSTUMBRI DE DICELO CON ESA PALABRA.Y NON HAY NA QUE PERDONAR,YA QUE COMU SE HA DITU AQUI MUTAS VECIS EN U FORU DE VALVERDI CABIN TOAS AS OPINIOS SEMPRIS QUE SE DEN CON RESPETU Y EDUCACION,COMU TÚ U AS FEITU,GRACIS ATI POR ESTAR ENTRE ESTI GRUPU DE FORISTAS.SALUDUS

Tes toa a razón, Chapurrau quel dicel mal falau.
Tendría que sel valverdeiru o a fala, que englobaría a us tres lugaris.

Hasta logu

Ei soi de san martin y a nosotrus senpris nos an ditu que falabamus u chapurriau ,isu e um-a maneira de idilo pa os 3 lugaris agora e que venin con o dea fala ,ei pesonal menti meda igual que pensin que falamus mal estoi muy orgulloya de falal CHAPURRIAU o a FALA comu se queira idi .

miy ben ditu carrunchela,ei pensu comu tú tamen y igual que tú estoy muy argullosa de falar valverdeiru a fala ó chapurrau,y desde logu u defendere comu millol sepa semprisun. un abrazu

us tres pueblos mais bonitus de toa extremadura.



( VIVA A NOSA FALA Y AUQUE NUN SE GUSTI Q SE J...................

Mutas gracias txoni rojo
Agora que conhozu esti rincón me he dau de alta y vus vistaré mais a menudu.

no hay por que dalas,y benvindu,un saludu

Vos dias a tos us foristas,con esti tema de u chapurrau,fai mutus anus,coisa de vintiun anus,foran a Valverdi academicus da lengua y un homi que estudiaba us distintus dialectus.Y digeran que u chapurrau de us tres lugaris era un dialecto en toa regla.Por amezcla de u cstellanu antiguo,u galegu,y u purtugues,y que se recuñucia por que nun solu era en Valverdi,si non en as Ellas y en San Martin.Y nun habia mais situs en toa Extremadura que coincidan.Un abrazu y viva u Chapurrau.

Queru reivindicar para a nosa fala a categoría de a quinta lengua que se fala en España,isu me dijeran en u lugal y pur isu os comunicu esta decisión ,para que si alguen me u podi asegurar ei estaría muy agradecida y a miña proposta tendría mais pesu-Sería elevarla a misma altura que u Vascu,Galegu,Catalán y Castellanu y que a fali y hayan conservadu solamenti estos tres lugaris ten un méritu que nun se dan en ninhuna parti.Saludos

U pasau, pasau está. Pero ei preferu dicel que u que se fala en Varveri e cachapurriau antis que Fala. U términu Fala e pa mi algu administrativu, que está ficendu que us nomis de lagarteiru, mañegu y valverdeiru se perdan. Asi que si temus que removel a merda pa que nun se perda u valverdeiru, algun que otrá ve diré que ei falu cachapurriau. Que agora ya nun ten tantu sintiu despevtivu comu mus han quiriu ficel entendel para que a palabra Fala, soi pol toas partis. Arriba u Varverdeiru.

hola mapasgo benvidu a u foru,tes muta razon en u que dicis,mais cuandu mutus dus que agora dicin se chama a fala ,cuandu ei era pequena y si falaba chapurrau, elis falaban castellanu.pero bueno tampocu quel dicel na, u casu e que non se perda a nosa forma de falar se queira chamar comu se queira un saludu

Bos días a tos!
Ei tamen pensu que u mais importante de a noxa lengua e que nun se perda, pero tamen estoy mui de acordu con a opinión de u mensaji #3919612 “No reguistrau”


Cuandu falamus cun us lagarteirus elis dicin que falan lagarteriu.
Cuandu falamus cun us manhegus, dicin que falan manhegu.
Entoncis ¿Por qué us valverdeirus nun falamus valverdeiru?
¿Qué pasa que nos falamus piol que us demais?

Temus que darnus conta que, pa una pesoa que nun e de u lugal a palabra “chapurrear”ten esti significau


DICCIONARIO DE LA LENGUA ESPAÑOLA de la palabra CHAPURRAR;

1. tr. Hablar con dificultad un idioma, pronunciándolo mal y usando en él vocablos y giros exóticos.

2. tr. coloq. Mezclar un licor con otro.


Ei personalmenti prefieru chamarlu Valverdeiru.

Saludus pa tos.

"Chapurrar" e un verbu en castellanu. Y etimologicamenti tendrá que vel con u nomi o sustantivu cachapuuriau que é comu dicin inda u vellus y alguna que otra pesoa. U verbo chapurar se recolleu pol primera ve nu 1884. ¿?y si antis desa fecha ya existia u cachapurrau? U mundu da utas vortas,`pero que aposta a que u verbu nu e posterior a u nomi. De feitu, pa mi cachapurraiau me soa mas a una palabra du lugal que a una palabrá posta desde u castellanu. Nun sé si m'explicu.

En cualquier casu, ei dicia que e preferibli dicel Valverdeiru o cachapurriau antis que Fala. Que e un vocablu que aunque buninu, e de antiel, y está ficendu estragus ficendu desaparecel us nomis originais.

U que me fastidua e que levu varias vecis lendo documentus que empezan sempris dicindu: A fala es una lengua romance que se habla en la zona.... Y isu si que nun e. A Fala e una forma adminsitrativa de falar du Lagarteiru, mañegu y varverdeiru. Pero disu a sel una lengua romanci que se fala. A fala e un mediu novu de entendel un conceptu idiomático. Pero nun e una lengua.
Ei falu varverdeiru. Peru no ei falu fala. E horribli!!!

Pa colmu, as vecis nun fain referencia de que a denominación verdadeira e: Lagarteiru, mañegu y valverdeiru. Y de pasu, que se explicqui algu du cachapurriau, que a naidi le debería molestal.

Soidi y a escribil mutu!

Esti fiu me gusta.
En castejanu, en valverdeiru, lagarteiru o manhegu; da igual; u importanti é que siga vivu u interés pur u nosu.
A mí, personalmenti tampocu me gusta u nomi da FALA. É nomi de laboratoriu igual que cuandu nos falamus da rosa d'alejandría y us entendíus falan da peonia officinalis.
Peru tampocu me gusta cachipurrau, chapurral é falal mal. Entoncis cachipurral inda é falal piol.É falal mal y a cachus.
Valverdeiru creu que debería sel a nosa folma de falal u que desdi us laboratorius chaman A FALA.
Ei chamu a fala xalimegu. Istu nun quel dicel que ei tenha razón, peru FALA é algu que se poi marcal en cualquel sitiu ondi solu se fali.
Xalimegu é un sitiu ondi se fala y se escribi comu vemus agora nesti fiu, y que s'encontra ena zona de influencia du nosu accidenti geográficu mais cunhociu JÁLAMA = XÁLIMA.
U sufiju EGO, pur a ascendencia galaicu portuguesa y a terminación du sufiju (EGO) en EGU, pur a influencia leonesa que nun podemus obvial.
De toas as formas, pa mí é tan importanti o mais qu'u nomi que demus au que falamus que seamus capacis de seguil falandu pa dejalu en herencia a quen mus sigui.

Boas tardis a tos!

Que e mais antiguo u Valverdeiru o u castellán …………..boa pregunta mapasgo!

Según us entendius a historia de a lengua española comenza en u siglu V con u imperiu romanu i u sei latín vulgar (u falau por u pueblu) curiosamenti en a zona central de a península en u norte de Hispania.
Tras a derrota de u imperiu romanu, aquel latín foi u fermentu de as variedais “romances hispánicas” i u origen de a lengua española que foi en u siglu VIII.

As lenguas romancis, tamen chamadas lenguas romanicas o neolatinas comprendin un abanicu de lenguas Indo-europeas que son mutas (u francés, u castellán, u galegu, u catalán, u italianu, u portugués i toas as lenguas europeas que conhucemus con a excepción de u vascuenci) históricamenti fórum frutu de a evolución de u latín vulgar y de u latín cultu.

Alfonso Naharro i Riera sostén que a noxa reliquia lingüística d’ San Martín de Trevellu, as Ellas y Valverdi mantenin n'a actualidai unha forma de comunicación oral que se remonta mais ala d’a Baixa Edai Media.



A Baixa Edai Media vinhu despois de a Alta Edai Media que abarcaba a época desde us inicius de u siglu XI hasta u siglu XV.

Agora tamen queda preguntalsi hasta que gradu u árabi (que nun e romanci) se infiltro en a noxa lengua u Valverdeiru o en u castellanu, peru esti e un debati que non esta resoltu ni por us mais pretigiosus académicus.

Aquí os ponhu un enlaci cronológicu de as lenguas en a península i a sua evolución en u tempu.

https://pload.wikimedia.org/wikipedia/commons/4/4d/Linguistic_map_Southwestern_Europe.gif

A mí tampocu me gusta u términu fala. Ei estoy orgullosu de falal chapurrau o cachipurrau, que e u nomi con u que u chamaban us nosus agüelus. Nun creu que elis se sintiran ofendius, ei personalmenti non me sintu ofendiu, tó u contrariu u falu y falaré sempris.
Que quereis que vus diga, si a genti que falaba castellanu y se creian superioris a mayoria dus habitantis du lugal y en tonu despectivu dician que "chapurreabamus", y a genti siguiu falandu comu se falaba en casa, nun creu que se sintiran ofendius.
Ei personalmenti falu "chapurrau" o "cachipurrau", simplimenti por respetu a toas as generacions pasás, que anti us que creian que ofendian chamanduli chapurrau o cachipurrau, siguiran "chapurreandu" o "cachipurrandu" comu les habian ensinau seis padris.
Veña un saludu

Primeiru dicel que a mi me gusta mutu u nomi -Falaembardi---y u de Farraguas---a de vecis que uivi ei esis nomis...isu da fala a mi nun me gusta na- isu su an sacau du bulsiyu fai cuatru dias- nos somus valverdeirus y falamus chapurrau y tos us tres lugaris nus entendemus
peru temus dejis o tonilliñus distintus-en valverdi pronunciamus
mutu a-ñ- y a -r- y nun temus niñun tonillu y cuandu falamus u castellanu u falamus muy claru y mu ben a terminacion en consonanti sempris a dicemus con muta naturalidai --parecemus de VALLADOLID
-dici Magaspo que en 1884 que soa u de chapurrau ei tiña un guelu que naceu en 1851 y viviu mais de 80 anus ei nun u cuñuci peru us primus
mais veñus que alguns ya tenin 93 y 95 anus se acordan de barruntarli
que cuandu estaban contandu as suas coisas el le
dicia- nun vus cansais de chapurrar dejai algu pa miñan y a durmir-
ei ya u e ditu mais vecis que esa palabra segun contan foran us arabes
cuandu us aventaran de España se escondian o se quedaban dondi podian
y u nosu rincon era un bo sitiu-si viñan du norti y nun nus entendian
dician que era un chapurrau que nun cuñucian-y quen sabi u que e verdai?
non se si sera feu o lindu pero e diferenti y a mi mu ensino miña madri
y sempris u falimus- ei u falare sempris u escribu me pareci u mais entrañabli du mundu -un abrazu pat@s-y comu dicia mei guelu a durmir
que paseis boas noitis.