Valverde del Fresno - Caceres

Casi to vaverdi sabi u que pasa tos us verans,comu ya se esta comentandu
aqui enu foru,se comento que era problema da empresa que leba a agua!
Sabi algen a dimension de a piscina municipal(largu x anchu x altu)
esti veran cuandu ya se corto a agua pa a piscina en menus de 3 dias
bajo mediu metru(se evaporo se a bebeu algen?) ¿que opinais?
non estoy defendendu a naidi, cuandu nus cortan a luz nos descontan
aunque sea poicu algu da factura y a agua cuandu nus a cortan?
a miña opinion, ya que cuantu mais gastas mais cara te sai,temus
que pagal un servicio que non recivimus?
Haveis vistu u monton de averias (tuberias rotas)de fai 3 semanas paca
Y toa ha agua que se roiba(que non pasa por u contadol)
Cuandu sea otra ve veran que seguru que ven despois nus arrascamus
ha cabeza,
Saludus

segun mei padri,esa piscina,ten mutas fugas,pero aun asi me pareci mutu mediu metro en menus de tres dias

Si tes razon que he mutu,pero istu non he iventau porque he estau tos us dias hay y u he vistu ei,tamen se le poi preguntal ha os socorristas
aunque ha principius de veran antis de enchel ha piscina foran tas algunas fugas,
saludus

me imaginu que non e inventau y que cuandu u has ditu en porque,te as cerciorau de isu,u que queru dicel,e que si e tanta cantidai o a fuga e mui grandi,o non me imaginu que poi ser,aunque sendu ai en u lugar cualquer coihsa ten cabia,porque ai esplicacion pero na ofialmenti.Tomati una cervaza de esas amiña soidi,bueno millor un cafe que non esta u tempu ya pa esas cervezas

u problema de u agua en u nosu lugal raya con un delitu Ei jamás hbía vistu u petril como esti anu.Otra coisa e a Divisiña ,esa e diñeiru pa as arcas municipais.Pensu que esti anu a entrada tiña que haber sido de valde,pues la administración de u agua a sido tan pésima que ha pasadu u que ha pasadu.Nun hay dereitu todu u lugal debía deshal de pagala y que a cobraran a u ayuntamentu como multa por nun haber sabidu administrala.¿quen se ofende con as verdais?Solamente podi ser comu dici u refrán a uquen le pica.Gracias por hber sacadu de novu u tema

coorigafunda y otrus valverdeirus me pareci ven que se fali y opini ha genti agora por si estas coisas que pasan en u lugal que sepan y si
ten solucion que se encargin us que cobran (ayuntamentu?)
tamen he oiviu que cuandu cerran ha piscina esti veran querian quitarli prufundidai y saneala ya estamus en novienbri y non se ve na de isu
Si u siguenti veran he comu esti non hay agua en u petril y ha
municipal non la permitin abril (segudai)creu que dondi menus cubra non pui tel mais de un metru? si estas duas coisas sucedin dodi se baña u poicu veraneanti que ven o lugal
Saludus

E otra incognita u que pasa con us ríus da serra .Toda a vida han levau una boa leva y agora estan secus.Da u mismu que haya chuviu que non.A agus que tiñan antis no a ten agora,y nun creu que se evapori.Alí hemus d´´iu muta juventud a bañarnus en us anus mozus y esti sim que he un bo atractivu para us turistas.Nun se podi chegar a un sitiu de veraneu,estar todu u anu pagandu u agua y chegar en veran y que te a cortin.NUN HAY DEREITU.

U problema d´agua de valverdi e vellu,a mei parecel niñun alcaldi de fai trenta anus paca, asiu capa de afrontal u tema comu e debiu.
Esa charca que han feitu ¿que sintiu ten?comu nun sea pa que agarrin agua us bombeirus.Porque bombear agua du riu acosta de dejalo secu e un sinsentiu.Podian habel feitu algunha presa comu a du Acebu,o mais pequena o varias pequenas por us arrollus da serra.
A piscina desde que a ficeran poruvistu perdi agua,ya fai unhus poicus anus de isu pa puñel remediu.
As fugas por que esten as acometias vellas y us enganchis ilegais,si querin us localizan.

boas tardis a tos,non se que a pasau,dispois de estar escribindu he enviau u mensaji y non a seidu,bueno dicer que carregu tes razon,e posibli que non haya naidi que sepa resorver u problema que tenin con a agua en u lugar,si as tuberias estan vellas que as renovin que non creu que sea tan dificil,ademais si hay genti en u paru ,pues mira sera una forma de a genti traballi,y se matan dois pajarus de un tiru,otra coixa que a mi eti veran me dejo sorprendia,isu que han feitu en u petril de meter as escabadoras,se poi saber con que fin?ya que ei sempris e cuñiciu asi u riu a mi me pareci un destrozu de u cauci,non entendu pa que u han feitu

Carregu¿Quen ha estadu a u frenti de alcaldía desde hace treinta anus pa dientri?.Me pareci que exceptu alguns poicus de anus ,ha sidu genti de una familia ,o no..

Creu que en estis treinta anus a estau u PSOE y unha o duas alcaldias u PP con EU.Us que han estau e porque a genti du lugal le han votau.U que queru dicel e que me da igual quen haya estau, pero nun han solucionau u problema y encima con a cantidai de perras que le han dau estis anus a tos us lugaris.

Pero vamus a vel si nus aclaramus:

1- Esti anu apenas ha choviu, a agua e un recursu natural limitau. U clima que temus en Extremadura e de poicu chovel, y aproximamenti cada 8, 10,12 anus nus chega un ciclu de sequia, y a tós nus dá igual, seguimus gastandu a misma cantidai de agua.

2-Temus unha charca, poi sel que hubera siu millol unhas presas en u riu, pero pa u casu e u mismu, se trata de almacenal agua, y mismu dá almacenala en u riu que en unha charca, porque a gastamus igual.

3-Me pareci vergonzosu que a genti se queishi porque tenin que pagal u recibu da agua tó u anu, y cuandu se chega en verán a cortan. U que se paga en u lugal por agua en tó u anu supón u recibu de otrus sitius de ¿ un més? ¿un trimestri?. A agua non se corta solu pa us que van de fora, sinon pa tos us viciñus.Y cuandu a sequia e gravi, comu esti anu, us cortis de agua se aumentan en horas en u més de Septiembre, porque en agosto se ha duplicau a población y se ha disparau u consumu con u cual hemus mermau as reservas, y hay que dejal algu pa a genti que vivi en u lugal. Seguramenti que si vais u mes de noviembre, Diciembre, enero, febrero, marzo, abril, mayo, junio,julio non habrá restricions.

4- A agua e un serviciu, y comu tal habrá que pagalu, si non se consumi se paga un mínimu, igual que a lú, telefunu, gas...en valverdi y en tós us laus.

5-U problema e que nus creemus que e un recursu ilimitau, cuandu e limitau, hay a que hay. Quizá a solución seria mais educación y penalizal u consumu insolidariu.

Veña un saludu

Ei soy partidariu que cada cual pagui a agua que consuma,y que valla por tramus, hasta certa cantidai a un preciu y dai padiantri a otru.
Tamen nus fai falta tomal concencia comu tu dicis de que non e un recursu ilimitau.
Seguru que tes razon e nu que dicis,pero u ayuntamentu tamen esta hay pa algu.Porque si hay fugas de agua,ven sea por averias,istalacions vellas o roibu, tendra que ficel algu.

A miña opinion.Se comenta y ben feitu por esi motivu saqui esti tema,de pagal mais si se gasta mais mirais us recibus da agua? Aqui en valverdi temus 30 metrus cuvicus comu minimu y de hay pa rriva pagamus otra tarifa.Ya pregunti si alguen sabi has medias da piscina municipal?
Ei u preguntu por ha perdida de agua que ten,con u que perdi en 3 dias
tenuna familia agua pa 3 mesis,y sin contal ha de regal u cespi o setus,ya que si non pa u consumu caseiru que cerrin ha pisina y si a cortan por as noitis me pareci ben pa que non se reguin millus,patatas,etc...y cuantas piscinas particularis se se enchin con agua de pozus de sondeu, seran bos porque ya say a agua con cloru!!!
Me pareci vergonzosu que a genti se queishi porque tenin que pagal u recibu da agua tó u anu,istu u escribiu #3804430.tamen hay pueblus en
a serra de gata,ejemplu:Gata que non pagan agua tenin mais agua,si podiamus tel mais reservas de agua pue si,u arquectu que planeo a charca sabra mutu de matematicas,pensu que us calculus us fizu en envernu cuandu non se gasta agua y cundu non temus esi problema.Saludus

Si no chovi en a serra de Gata ,será en toda a rerra de Gata ,no sobri Valverdi,sin embargo en otros lugaris ,ejemplo Gata ,no solu a tenin pa elis sino que ademais le dan ,creo que a torre de Don Miguel,sino es este es otro.A mi me parece mal pagar a agua y logu nun terla por culpa de tos us que abusan de ela,y comu muy ben se di,pagarla por tramus ,u que mais gaste mais pague.Ejemplo:Todas as granjas que se han feitu.A estu y otras medidas mais ,se chama política de agua, y esu e u que no se fai ben.Corrigafunda.

Ei pensu que se trata de un problema de educación. Cuandu he falau de penalizal u consumu escesivu, nun me refieru a duas tarifas, sinon a limital u consumu a u més siguienti a cantidai de agua mínima pa subsistencia, alomillol así nus dabamus conta de que a agua e un recursu limitau, que é imprescindibli pa vida (u 70% du corpu humanu é h2o)y por mutu diñeiru que teña, non podu derrochal algu que é necesariu pá to ser vivu. Simplimenti se trata de solidaridai, de sentiu común.

En cuantu a us pozus de sondeu, quizá sea un dus problemas de que us rius levin menus aguas, ya que u facin e sacal a agua de us acuiferus subterraneus, que e de dondi manan as fontis, us rius... Coisha que ha quedau demostrá en u Parqui Nacional de as Tablas de Daimiel (ciudad Real), dondi as lagunas que habia se han secau por u abusu de pozus de sondeu. Personalmenti pensu que un pozu de sondeu e un desenvolsu económicu, con u que tés agua en a tei terrenu, pero non te dereitu á derrochala, porque a estás sacandu de un acuiferu que e de tós, u unicu que has feitu e un turacu pa sacala.

Cuandu se ha falau de Gata, non si habeis tiu en conta u númeru de habitantis (que se traduci en consumu), u relievi, a vegetación etc... En u terminu municipal du lugal, non e mismu estal en Agosto, o en diciiembre en u Val da Venta que en u Espiritu Santu, a serra fai que santu Espiritu sea mais frescu.

Y, por últimu, en cuantu a piscina, por u vistu ten perdidas de agua, estoy de acordu en que u ayuntamentu ten que solucionalu, pero tamén creu que antis de cerral algu que dá serviciu a tó u lugal, habría que prohibil enchel piscinas privás que dan serviciu a ¿5,10,20,30...? pesoas, y aunque estén enchias por pozus de sondeu, a agua sai dus acuiferus subterraneus, que e comu si foran rius subterraneus.

A agua e imprescindibli iguala que u airi, y aqui non tén que impuñelsi u "poderoso caballero Don Dinero".

En Resumen: Educación y responsabilidai.

Veña un saludu

A industria necesita agua, as granjas de polus son empresas, y en elas traballa genti, u que necesita u lugal son puestus de traballu pa que non nus veamus obligaus a emigral. Con unha racionalización dus recursus tó e posibli.

En Resumen: Educación y responsabilidai.
Estas ultimas palabras me parecin muy ben,
Hay incluis us que roiban a agua (que non pasa por contadol)
que por certu hay mutus,solamenti que to a agua que se gasta(me refieru a que sai de us depositus o charca se pagara non se consumia tanta)
ei non teño piscina pero vi enchel esti veran una y grandi que non se baño naidi,y comu isu mutas mais coisas
y escril en anonimu sabi cuaquera
Paz amor y el plus pal salon

u problema da agua es saber administrarla ben.En esto entra fugas en las tuberías,entradas clandestinas para el riego,industrias particulares....etc.No es solo responsabilidad civil es administración del agua con sentido común,que como se dice ahora es el menos común de los sentidos.A mi es un problema que me trae por la calle de la amargura, por que se sabe con certeza, que no hay ningún interés en solucionarlo.

Solu un apunti,porque du de educacion y responsabilidai con a agua estoy de acordu y tamen con u de persiguil us fraudis y derrochis que hay mutus,pero nun estoy mu de acordu con u du clima que temus porque hay que sabel que a precipitacion media anual de valverdi esta sobre us 1000litrus por metru cuadrau(1000L/m2) que ya e bastanti(Caceres capital solu esta sobre us 400 y picu) asique con boas infraestructuras(y non esa lamentabli y catastrofica charca que temus) y to u comentau anteriormenti era pa nun tel problemas de agua,ni siquera en anus comu esti que a siu extremamenti secu..
Saludus!!

Osea, que casi temus un clima atlanticu, nun sé dondi se midi a pluviometria en u lugal. Pero u que teñu claru e que hay que tel en conta mutus factoris pa asegural que non faltaria agua, entre elis estructura geologica du terrenu (a permeabilidai), a temperatura , a evaporación etc... y u mais importanti a distribución das precipitacions a u largu du anu, porque non e u mismu 1000 l/m2 en u més que 1000 l/m2 en 12 mesis, non e mismu registral 120 l/m2 en unha hora que en tó més.
As cifras absolutas non se tenin que tomal aislamenti, porque nus equivocamus,unha tormenta poi descargal mutus litrus por metru cuadrau, provocal unha inhundación y a semana siguienti estál tó u terrenu secu.
Hay que tel en conta tós us factoris meteorógicus, seamus serius.
Un saludu

Pesu que u tema se esta desviandu algu,claro que ten que vel si chovi o non pero le estais eitandu a culpa a dios? cuandu to lugal sabi que el non roiba ha agua,tampocu rompi as tuberias,ni se baña en as piscinas,
Vos mismus estais dicendu de us factoris meteorologicus,si chobera comu en u norti de España non tiñamus esti problema,y agora mismu tampocu u temus ya sabeis que non hay otoñas comu antiguamenti o esas primaveras.
Agora pasamus de invernu directus u veran y he entoncis cuandu fai falta esa agua que se foi por dondi?
Saludus

A duda ofendi,(NO REGISTRADO).Nun queria dar tantus datus personais pero bueno..Soy aficionau a meteorologia,ademais de estudianti na universidai de extremadura en a licenciatura de geografia y con estacion meteorologica propia en casa dondi registru y anotu us datus(entre elis a pluviometria)con u que creu que se un poicu(humildimenti falandu por supostu) de u tema..Esta claru que to u que as comentau influyi y u e omitiu porque falaba mais en general y respondendu mais que na au datu de que u clima nosu era mais ben secu,u cual e totalmenti falsu..
Y con respectu a distribucions das precipitacions esta claru que en veran apenas chovi pero sí estan "bastanti ben" repartias duranti u restu du anu,destacandu u peridu otoñal y parti du invernu dondi se concentran a mayor parti das precipitacions que ajudan a recuperar us manantiais...
Saludus!!

Y perdon a us demais foreirus porque comu digu solu era un apunti,nun queria desvialmi du tema que nus atañi porque comu ven dicis "Situ" us problemas reais son otrus y e u que mais tendriamus que intental aportal u graniñu de area de cada un porque por u ben du pueblu tendremus que remal tos en a misma direccion..

vdfmeteo,non tes por que diculparti ya que non has ofendiu ha naidi y dicendu ha verdai
Saludus

Osea, que tós, coincidimus en que u principal motivu por u que non temus agua e u consumu, legal o ilegal. U día que se consiga acabal con u pensamentu " ei a pago por isu a gastu" o "a gastu porque non a pagu", e dicel cuandu nus conciencemus que e un recursu limitau y u usemus comu seris racionais, que se supón que somus, poi sel que se solucioni u problema.
En cuantu a u du clima, u nivel de precipitacions e unha cifra,y comu tú sabis influyin mutus factoris, solu tes que miral a vegetación, y comprobarás que quitandu as zonas da serra, a demais non e que se diferencii mutu du restu de Extremadura. Que teñamus un clima con mais precipitacions que a media de a región, e certu, u mismu que dicel que un clima "mais ben secu" utilizandu unha clasificación climática mais general.
Veña un saludu

Nun e solu unha cifra ya que dobla a media da region e inclusu de España,y bueno a region que posei a mayor masa arborea de España e precisamenti Extremadura..
Pero bueno en u demais tes razon y estamus de acordu,e inclusu añadu otru factor muy importanti y caracteristicu du nosu lugal que e u airi..

Y a verdais e que comu ben dicemus hasta que nun seamus conscientis de que e un recursu ilimitau y nus puñamus tos as pilas nun conseguiremus solucionar na..y e que comu somus tan egoistas(u ser humanu en general) y na mais que sabemus que queisharnus por to en ve de implicarnus y aunarnus pos e u que hay y u que tendremus que intental corregil..

A verdais e que e unha pena que seamus asi,y u mismu pasa con a lu en us lugaris publicus,que esta to dia encendia e inda a genti se pensa que isu nun u estamus pagandu en realidai entre tos y que nun tiñamus que derrochal tantu us recursus..

Saludus!!

meteo das una informacion muy valiosa,muchos son los problemas de Valverde con el agua y poca la capacidad para solucionarlos.El que pensó en la charca como solución dio muestras de su inteligencia.Aparte de que es insuficiente,también es peligrosa;si cae alguien dentro,es imposible que salga,la ultima vez que la limpiaron había en el fondo animales muertos,y de ahí bebemos....Como bien se dice lo mejor sería haber hecho presas,el agua caería por su propio peso.Por cierto ¿De dónde recibe el agua la charca?porque como sólo sea del agua de lluvia. así nos va.

Bueno u da charca e ya pa "mishal y nun eital ni gota" porque vamus vaya lucis que tuveran..y e certu u dus animais porque ei mismu u vi aunque nun me extraño,era de supuñel..y a charca agarra tamen agua du riu..e que cualquera que veña de fora y u vira se eitaria as mans a cabeza..U de ficer una presa creu que hubera siu u mais logicu y se que e algu que se leva planteandu desde fai mais de 30 anus pero descuñozcu a razon de porque nun se fizu nunca porque ahi temus a de acebu que abasteci a unus 4 o 5 pueblus y encima tenin boa agua pas piscinas nu veran..
Por certu,y falandu de otru despilfarru comu u da agu,estiy en desacordu total con encendel as lucis de navidai tan prontu,e un derrochi absurdu de energia!!

si por mi foira tambenas quitariai en navidai que as poña cada uno en a sei casa

Ojala u despilfarru da agua fora igual au das lucis da navidai en Valverdi,por lo menus estis anus atras,nun se esti.
Y falandu de a charca y da agua de Valverdi,hay algu que me gustaria sabel pero e muy dificil que alguén teña esis datus,y si us ten que tus queiran dal,y si tus dan que te digan a verdai.¿Que cantidai de agua se agarra du riu y cuanta se cobra?tendu en conta a que se evapora por u Sol y u Airi,a que se usa pa apagal fogus y u porcentaji que este estipulau de perdidas.Un saludu.

isu si que e meter u dedu en a llaga....

Ya me gustaria tel esas respostas Carregu!! E algu mu complicau porque comu tu dicis inclusu aunque tus deran nun te dirian toa a verdai seguramenti,y comu ben indicas son mutas as perdidas,y u costosu de subil a agua hasta ahi pa logu volver a repartila con us desniveis que ten u lugal tan bruscus..DESPILFARRU TRAS DESPILFARRU TRAS DESPILFARRU...QUE PENA!!!

Bueno dispois de un tiron de dias xovendu,y vendu que tendremus unha pequena tregua,aproveitare pa mostral datus(propius y oficiosus) da agua que a queidu ya en valverdi esta tempora(u anu hidrologicu se conta desde septiembri hasta u siguienti septiembri,por tantu se poi dicel que desde u pasau septiembri ya estamus en otra tempora)Y ahi van us datus por si a alguen le interesa y acordi a u problema da agua que falamus:
Septiembri: 23 L/m2
Octubri: 122 L/m2
Noviembri: 100 L/m2
Diciembri: 470 L/m2

Y contandu con us 6O litrus que levamus en eneru(hasta oixi) podemus falar de casi 800L/m2 hasta agora(a media anual de valverdi pasa ligeramenti dus 1000L/m2),con u que albergan esperanza pa esti veran,que aunque queda mutu tempu y poi dal mutas voltas pareci que esti anu ya pinta miyol a coixa y nun sufriremus tantu,aunque comu falamus influyin otrus mutus factoris y esperu que a genti nun se confii y nun derrochi tantu..

Saludus y FELZI ANU a tos!!

as dau unus datus muy interesantis,he una maravilla que chova yque as coixas con relacion a agua esti anu esten millor.si alguen ten fotus de u petril con tanta agua me gustaria ver comu baja u riu.gracias y FELI ANU NOVU pa tos

Estas por ahi vdfmeteo,nus pois informal que cantidai de agua ha quidu hasta estas fechas,supoñu que ya se habra pasau de a media de otrus anus,u riu esta preciosu esperemus pero por otra parti da pena que se vai toa riu abaju y depouis en u veran non teñamus na,estoy de acordu que non se podin ficel pantanus por encima de un pueblu,hay otrus sitius que si se podia me han ditu que han estu mirandu en u arroyu matalobus creu que asi se chama u que esta detras de a charca isu se rumorea uqe ya sabeis que mutas vecis na he certu solu un rumor.
Un saludu valverdeirus y amigus de valverdi,

Boas noitis Situ..En a ultima semana an queidu mais de 50litrus(sobre to adiel con mais de 40),con u que estis dias de eneru ya levamus mais de 100litrus,por u que desde septiembri se han recoyiu ya sobre 830litrus,asique faltarian entre 200 y 300litrus pa chegal a media anual,algu que pareci facil con as previsions que hay a mediu plazu..Y a vel si un dia de estis podu ya puñel datus oficiais,aunque nun distan mutu de estis..
A pena que comu tu dicis se vai toa riu abaju,ojala se convirtan en certus esis rumoris que dicis y se ficera algu por u ben du lugal..
Saludus!!

Esta miñan en a radio escuté que en Murcia estaban regando con agua salada

Peru teni que chover,teni que chover,teni que choveeeeer,teni que chover,a cantarus...Gracias por esa valiosa información.Sera a única forma de que esti anu no nus cortin u agua.

Sempris que dispoña de datus us pondre porque con esa informacion e mais facil podel opinar..Y de pasu dicer que ya se han recogiu a dia de oishi 925 L/m2..(pinta ben a coisha esti anu).Si quereis,en a pagina de AEMET se poi vel un graficu dondi se reflejan estis datus meis en u apartau de "balance hidrico"..