Valverde del Fresno - Caceres

--------------------------------------------------------------------------------



Hola a t@s !!!!

Desde a asociaciÓn vus enviamus esti correu cun un enlaci a u periÓdicu digital d'a serra de gata, se trata de un artÍculu de upiniÓn sobre a situaciÓn actual d'a nosa fala i de u futuru que le espera.
Leiu ditiÑÍamenti pulque ten muta radÓn en us planteamentus que fai i e mu fÁcil vel comu dÍa a dÍa sintimus que se mus escapa d'as mÁs esta riqueda tan grandi que temus en u lugal que e u lagarteiru, i intÓ valli d'u rÍu eljas cun a fala dus tres lugaris.

Http://www.sierradegatadigital.es/mobile/opinion/juan-romero/el-crepusculo-de-a-fala/20121111194055005559.html

Esti foi un dus mutivus pur us que se fundÓ esta asociaciÓn i pa ivital que se perda a nosa fala se fadin mutas actividais en as que sempris temus cumu fiu cunductol a nosa fala i a su posta en valol.

Pur esti mutivu vus pidimus a tos socius desde a dirictiva que vus sigais invulucrandu cumu hasta agora, i si pueis aportal novas ideas que se vus ucurran pus toas serÁn ven ricibÍas, pero sobretÓ agradecelvus unha i mil vedis que sempris esteis dispostus a colaboral i a ital unha man en tÓ. mutas gracias.

Que pena me da leel estas coisas, i me da pena por que veu que é verdai tó u que se lee en u artículu.
Duma coisa estoi certu , i é que si queremus salval a Fala temus que sel nos us que temus que punhel us médius; as autoridais extremeña, i por supostu as nacionais non van a ficel ná por ela: ¿ Ficeram algu depois de sel declará Patrimonio Cultural?. Un títulu mui rimbobanti i ná mas que issu.

Vivu casi tó u anu fora y descunhozu a actvidai que tenha a asociación Fala i Cultura, peru fai tempu que non sé si tenim reunións , si tratan de que us aldaldis dus tres lugaris se metan de cheu nu asuntu y promovan cualquel coisa pa defendel esti tesoiru.

A unión fai a forza; As Elhas se ermanó con Us Foios , coisa mas que respetebli, pero pensu que inda mais importanti sería refforzal us lazus de lagarteirus, manhegus i valverdeirus

Sería bó que xenti nova tomara u relevu d'aquelis que nu se día ficeran posibli que se falara da Fala, que publicaran escritus i librus sobri ela; non estoi falandu de arrinconal a xenti comu Domingu Frades o u lagarteiru Severinu,o otrus que tuveram a misma preocupacón ,que non se me entenda mal, tó u contrariu, me referu que se recurra a elis pa continual a luta, que non se sintan solus, que vean que us novus sentim a misma pasión por a Fala.
Que fora d'estas terras se nos oiva con unha sola vó . Pensu que us alcaldis tenim tamen a sua responsabilidai.

En fin, me da pena pensal que non sepamus defendel algu que está tan ligau con a nossa alma. Eitai a vista atras, ¿ non estáis vindu a vossus padris y aguelus comu unha coisa exclusiva ( nu bó sentíu da palabra), comu algu que ná tinhan que vel con us de Cileirus o us de Vilamel, por punhel un exemplu,? ¿ non veis en elis algu singulal ?

Pois bem a Fala comu digu é alma de Valverdeirus, lagarterus i manhegus. Que non se nos vaia por a nossa pereza i por non sabel defendela.

Soidi.