Valencia de Alcántara - Caceres

¿Ondi jueron los tiempos aquellos,
que pué que no güelvan,
cuando yo juí persona leía
que jizo comedias
y aleluyas tambien, y cantaris
pa cantalos en una vigüela?

¿Ondi jueron aquellas cosinas
que llamaba ilusionis y eran
a'especie de airinos,
que atontá me tenían la mollera?
¿Ondi jueron de aquellos sentires
las delicaezas
que me jizum llorar como un neni,
de gustu y de pena?

AQUI ME SALTO UN POCO.

¡Ya no güelvin los tiempos de altoncis,
ya no tengo ilusionis de aquellas,
ni jago aleluyas,
ni jago comedias
ni jago cantaris
pa cantalos en una vigüela!

Pues mira parte de los consejos del tio Perico.

No me jimples, no me jimples, mocosina,
no t'enfurusques ni me fartes al respeto,
no regruñas, Carnación, ni esparrataques
esos ojos cuando yo te dé un consejo.

Esos ojos qu'otros días me miraban
chiqueninos, entornaos, zalameros,
y hora miran rencorosos y asustaos,
del sentir que llevas drento
y de l'honra de tu casta que derrumban
ese jambre que tu ties de dinero
y ese orgullo mardecío, porque sabes
qu'eres guapa, mas que toas las del pueblo.

SI SEÑOR TE PONGO DIEZ

UN TROCITO DE LA NACENCIA , QUE ES MI FAVORITA:



Señó, tú que lo sabes

lo mucho que la quiero.

Tú que sabes qu´estamos bien casaos,

Señó, tú qu´eres güeno;

tú que jaces que broten las simientes

qu´echamos en el suelo;

tú que jaces que granen las espigas,

cuando llega su tiempo;

tú que jaces que paran las ovejas,

sin comadres, ni méicos...

¿por qué, Señó, se va morí mi Juana,

con lo que yo la quiero,

siendo yo tan honrao

y siendo tú tan güeno?...



¡Ay! qué noche más larga

de tanto sufrimiento;

¡qué cosas pasarían

que decilas no pueo!

Jizo Dios un milagro;

¡no podía por menos!



II



Toito lleno de tierra

le levanté del suelo,

le miré mu despacio, mu despacio,

con una miaja de respeto.

Era un hijo, ¡mi hijo!,

hijo dambos, hijo nuestro...

Ella me le pedía

con los brazos abiertos,

¡Qué bonita qu´estaba

llorando y sonriyendo!



Venía clareando;

s´oïan a lo lejos

las risotás de los pastores

y el dolondón de los cencerros.

Besé a la madre y le quité mi hijo;

salí con él corriendo,

y en un regacho d´agua clara

le lavé tó su cuerpo.

Me sentí más honrao,

más cristiano, más güeno,

bautizando a mi hijo como el cura

bautiza los muchachos en el pueblo.



Tié que ser campusino,

tié que ser de los nuestros,

que por algo nació baj´una encina

del camino nuevo.



Icen que la nacencia es una cosa

que miran los señores en el pueblo;

pos pa mí que mi hijo

la tié mejor que ellos,

que Dios jizo en presona con mi Juana

de comadre y de méico.



Asina que nació besó la tierra,

que, agraecía, se pegó a su cuerpo;

y jue la mesma luna

quien le pagó aquel beso...

¡Qué saben d´estas cosas

los señores aquellos!



Dos salimos del chozo,

tres golvimos al pueblo.

Jizo dios un milagro en el camino:

¡no podía por menos!




PD- AHÍ QUEDA ESO........ EL MEJÓ DE LOS MEJORES: MI LUIS CHAMIZO.

Esta está firmada por el autor, la leí una vez que alguien mencionó lo del castúo y me dió por buscarlo (no es tan fácil como aparenta), este chico hace poesía propia en castúo y tiene un diccionário de palabras y todo: https://ww.ctv.es/USERS/daviddelgado

Aquí va:

DIOS ES UN IMBENTU


Pairi vuestru que estás
pai pal cielu,
tan altu tan altu
que ni un pirucuto,
te estolba pa belmus.

Aquí, a tí te bendin
comu argú etelnu,
comu lo más sabiu,
lo más poerosu
comu lo más güenu.

Tú que to lo vides
sin gafas d'aumentu,
tú que to lo pueis
con movel un deó,
tú qu'eris más güenu
quel pan que comemus.

Esu icin de tí,
de tí icin esu.
Del dichu a la verdá
siempri hubu güen trechu.

Apeate del burru
baja aquí un ratinu,
enchufa la teli
mirala un poquinu.

Pué qu'asi tenteris,
comu esta esti mundu
comu están sufriendu,
millonis de seris.

¡Fijatí!
en loh muchachinus
qu'están sin cobiju,
sin pairi ni mairi
ni siquía un amigu.

!Fijatí!
en aquellus que sufrin,
de calol o friu
y tamien de jambri,
sin ná pa comel
sin poel tapalsi.

¡Fijatí!
las tierras sequinas
polque nunca lluebi,
ná puein sembral
ná naci, ná se muebi.

¡Fijatí!
otras enchalcas
lluebi que te lluebi,
jadiendu destrozus
sin paral en mientis.

¡Fijatí!
lah gerras y lah epidemias
to el mal que y'an jechu,
i seguin jadiendu,
sinqui aconsigamus
ponelli un remeyu.

¡Fijatí!
el volcan comu escupi,
fuegu, laba y destroción,
fijati en los terremotus
lo dejan arrasau to,
tamien loh bientus mu juertis,
¿tú loh jicistes?. !O no¡

Y endispues de estu
piensa un poquininu,
tú tan poerosu
tú tan sabijondu
tú tan super güenu.

Comu del sumun perfectu
una cosa asin salió,
¡jicistis una chapuza!
¿o jué con mala intención.?

Yo, que no soy sabiu
poerosu, ni güenu,
solu soy un jombri
ni a DIOS me parezu,
daria con gustu la mi via
pa encontral un remeyu.

Tú que to lo pueis
no lebantas ni un deó,
¡quizías no pueis jacellu!
¡quizías no eris tan sabiu!
¡quizías no eris tan güenu!

Y no quieru oil,
estorias felosoficas,
maturrangas ni cuentus,
¡se puei o no se puei!
¡se jaci o no se jaci!
¡s'es güenu o no s'es güenu!

david 11/99



Y tiene más, por si quereis echarle un vistazo (teneis el enlace arriba)

Un saludo

RAKEL SAKURA, te he visto en un escenario REZANDOLO. Voy a intentar aprendermela de memoria, que de vez en cuando, una bronca al cielo, lo está pidiendo el mismísimo Dios.

Obra de Arte.

José María Gabriel y Galán ejerció algunos años la docencia, que abandonó al contraer matrimonio con una extremeña, para dedicarse al campo, que constituía su mayor afición y que alternó con el cultivo de las letras.

EL EMBARGO

Señol jues, pasi usté más alanti
y que entrin tos esos,
no le dé a usté ansia,
no le dé a usté mieo...
Si venís antiayel a afligila,
sos tumbo a la puerta. ¡Pero ya s'a muerto!
Embargal, embargal los avíos,
que aqui no hay dinero:
lo he gastao en comías pa ella
y en boticas que no le sirvieron,
y eso que me quea.
porque no me dió tiempo a vendello,
ya me está sobrando,
ya me está gediendo.
Embargal esi sacho de pico,
y esas jocis clavas en el techo,
y esa segureja
y esi cacho e liendro...
¡Jerramientas, que no quedí una!
¿Ya pa que las quiero?
Si tuviá que ganalo pa ella,
¡qualisquiá me quitaba a mi eso!
Pero ya no quió vel esi sacho,
esas jocis clavás en el techo,
ni esa segureja
ni ese cacho e liendro...

¡Pero a vel, señol jues: cuidaito
si alguno de esos
es osao de tocalí a esa cama
ondi ella s'a muerto:
la camita ondí yo la he querío
cuando dambos estábamos güenos;
la camita ondi yo la he cuidiao,
la camita ondí estuvo su cuerpo
cuatro meses vivo
y una nochi muerto!

¡Señol jues: que nenguno sea osao
de tocali a esa cama ni un pelo,
porque allí lo jinco
delanti usté mesmo!
Lleváisoslo todu,
todu, menos, eso,
que esas mantas tienin
suól de su cuerpo...
¡y me güelin, me güelin a ella
ca ves que las güelo!..

Todo precioso, tan sencillo, tan tierno, tan nuestro....... hombres de nuestra tierra que expresaban su bondad, su inocencia, su querer, eso define muy bien a mi EXTREMADURA. Cansados de trabajar de sol a sol sin tiempo para pensar en maldades. Los adoro.

La toñi.co tiene un video en su blog que recita La naciencia del Chamizo

y te pone los pelos de punta el oirlo.

Con permiso de Toñi, en mis primeras intervenciones en este foro, dejé el enlace...

No me dí cueta de que ella lo tenía puesto en su blog.

A los que no habéis visto esta versión, os la recomiendo... pone los pelos de punta!!!

https://ww.youtube.com/watch?v=4Fh9cwTPgWw


Saludos.

Sentil jablal de mi Cáceres,
de mi pueblu y sus aldeas,
de su vino y sus mujeres
y el jamón de patanegra.
¡Qué grandi es mi Extremadura
dendi cerca de Oropesa
jasta'l final de las Jurdes,
el Arañuelo, la Vera,
Y ese Jerti que platea
sobre el Valle de Plasencia,
y ese verdi del tabacu
que va del Valle del Tiétar!
¡Qué grandi es mi Extremadura
dendi Badajó a Gredus,que alguna genti se cree,
no es comarca, ni senderu,
ni es olvio, ni vejez.
Qu'es una parti d'España
con historia, rango y ser,
y jarta ya de patrañas
y de güelva usté otra vez.


dendi Miraveti a Mérida,
y de Arroyo a Cañameru!
¡Qué grandi es mi Extremadura!
¡Qué llanos, que sol, que cielo!
¡Qué encinar, que tierna albura!
¡Con cuánto amor la recuerdo!
Por esu, si jablan de ti,
yo a escuchar siempri me quedu,
¡y ay de la voz qu'al jablarti
a ti no te mandi besus!
¡Que naide valga diciendu
malis de mi Extremadura
porque yo no lo consiento
y me juego l'asaura!
Extremadura no es esu

Mé queau solprendiu con ehti foru, la cantiá de entelnautah que ehcribin en ehtremeñu,peru yo propongu una cosina polque no tomamuh un forinu ondi ehcribamuh toh y abel si puemuh sacal arguna concrusión, l´Asociación Curtural Pablu Gonzálbih de Miahá, eh una asociación que su cometiu eh la debulgación y fomentu del habla ehtremeña. Tamien idiruh qu´en el foru de Torre de Don Miguel, to el mundu ehcribi en ehtremeñu.Un saluinu.

Bien, bien, bien, mis felicitaciones, con cosas así y simiilares, el Foro retomará el interés que nunca debió perder.

Saludos. Nívea.

Me encanta, como otros que habéis insertado.

GABRIEL Y GALÁN

VARÓN

¡Me jiedin los hombris
que son medio jembras!
Cien vecis te ije
que no se lo dieras,
que al chinquín lo jacían marica
las gentis aquellas.
Ahora ya lo vide, y a mí no me mandis
más vecis que güelva.
Te largas tú a velo,
que pue que no creas
que tu cuerpo ha parío aquel mozu,
ni que lo cebasti con tu lechi mesma,
ni que tieni metía en la entraña
sangri de mis venas.
N'amás de mimarros
y delicaezas
que ha queao lo mesmo que un jilo
paliúcho y sin chispa de juerza.
Ca instanti se lava,
ca instanti se peina,
ca instanti se múa
toa la vestimenta,
y se encrespa los pelos con jierros
que se lo retuestan,
y en los dientis se da con boticas
de unos cacharrinos que tieni en la mesa,
y remoja el moquero con pringuis
n'amás pa que güela
¡Jiedi a señorita
dendi media lengua!
Se levanta a las nuevi corrías
y a las doci lo mesmo se acuesta.
¡Va a ponersi pochu
si acotina de aquella manera!
¡Güeno está pa mandalo a bellotas,
pa ayualmi a escuajal en la jesa,
pa jacel un carguju de tarmas
y traelo a cuestas,
u pa estalsi cavando canchalis
dende que amaneci jasta que escurezca!
Los muchachos de acá me esconfío
que mos lo apedrean
cuantis venga jaciendo pinturas
u jablando de aquella manera:
y verás cómo el mozu no tieni
ni agallas ni juerza
pa el primero que quiera molarsi
rompeli la jeta.
Ya no dici padri,
ni madri, ni agüela.
«Mi papá, mi mamá, mi abuelita...»
así chalrotea,
como si el mocoso juesi un señoruco
de los de nacencia.
Ni mienta del pueblo, ni jaci otro oficio
que dil a una escuela
y palral de bobás que allí aprendí,
que pa na le sirvin cuantis que se venga.
Pa sabel sus saberis le ije:
«Sácame la cuenta
del aceiti que hogaño mos toca
del lagal po la parti que es nuestra.
Se maquilan sesenta cuartillos
p'acá parti entera,
y nosotros tenemos, ya sabis,
una media tercia
que tu madre heredó de una quinta
que tenía tu agüela Teresa».
¡Ya ves tú que se jaci en un verbo!
Sesenta la entera,
doci pa la quinta,
cuatru pa la tercia,
quita dos pa una media, y resultan
dos pa la otra media.
Pues el mozu empringó tres papelis
de rayas y letras,
y pa ensenrearsi
de aquella maeja,
ijo que el aceiti que a mí me tocaba
era «pi menus erre», ¿te enteras?
¡Pus pués dil jacindu
las sopas con ella!
¿Y esos son saberis?
¡Esas son fachendas!
No le quise mental del guarrapo
ni icile siquiera
que hogañazo vendimus el churru
pa comprar un cachuju de tierra.
¡Allí no se jabla
de esas cosas ni en ellas se piensa!
N'amás que se jaci comel confituras,
melcal vestimentas,
dirse a los cafesis,
dirse a las comedias
y palral de bobás que no valin
ni siquiá una perra
¡Jolgacián como el nuestro muchacho
no va a haberlo, si aquí no se enmienda!
Yo no lo distingo de otros señorinos
que con él se ajuntan y jolgacianean.
¡Son como maricas!
¡Juy, qué vestimentas!
Ves una persona
por detrás, en la calle, tan tiesa
y endi lejus no sabis de cierto
si es macho u es jembra.
Güelin a lo mesmu
como las ovejas,
y p'aquí no es asín, que ca cosa
güeli a su manera:
güeli a macho la carni de hombre,
y la carni de jembra da a jembra.
Hay que dil a buscar al muchacho
cuantis que se puea,
y le dicis a aquellos señoris
que esu no quita pa que se agraeza,
pero que a su padri le jaci ya falta;
y asín se la enreas.
No lo quió jolgacián, aunque muchos
saberis trujiera.
Y no es esu solu lo que a mí me enrita,
que otras cosas me jacin más mella...
Hay que dil a buscalo ca y cuando:
que venga, que venga;
porque, mira: ¡me jiedin los hombres
que son medio jembras!...

Aqui boh endigu una puesia de JAVIER FEIJOO.


POLQUE SEMUH EHTREMEÑUH

San entornau loh pohtiguh
del porton de mi silenciu,
y pol una rehendihina
mesan ehcapau ehtuh bersuh,
no se a ondi iran ni a que tiempu
peru ondi quiera quebayan,
se enlleban marcauh a huegu
sentimientuh en cahtúu
ehcuahauh desi silenciu,
y ehculpiuh con´a marra y el
cince d´un ehtremeñu.

Ehtremaúra no rehuyah
de la boh de tuh ancehtruh ,
polque della moh sentimuh muergullosuh
loh que palramuh asina polque semuh ehtremeñuh.

que maravilloso todo estos versos/poemas y
que alegría comprobar que no estoy solo machacando
con nuestro castuo,sigamos promocionando nuestra cultura
pero no solo el idioma sino en todo,no dejemos nuestro
"deje" yo llevo 47 años en Cataluña y jamas lo deje

un saludo