Santibáñez el Bajo - Caceres

Soy un extremeño y buscando y buscando encontré en mi querida Extremadura esta hermosa poesía.

QUÉ GRANDI ES MI EXTREMADURA

Ondi quiera que m'acercu
afinu bien el oidu
pol si escucho alguna voz
que me regali el sentíu,
algún acentu extremeñu,
alguna voz de mi tierra,
esi es el máh grandi empeñu
al que mi alma s'aferra.
Sentil jablal de mi Cácereh,
de mi pueblu y suh aldeas,
de su vinu y suh mujerih
y el jamón de pata negra.
¡Qué grandi es mi Extremadura
dendi cerca d'Oropesa
jahta'l final de lah Jurdeh,
el Arañuelu, la Vera,
y esi Jerti que platea
sobre'l Valle de Plasencia
y esi verdi del tabacu
que va del Valle del Tietar,
y loh fértileh cerezuh
que cuanti máh leh colpeah
máh te riegan con su besu!
¡Qué grandi es mi Extremadura
dendi Badajoz a Gredus,
dendi Miraveti a mérida
y d'Arroyu a Cañameru!
¡Qué grandi es mi Extremadura!
¡Qué llanuh! ¡Qué sol! ¡Qué ciluh!
¡Qu'encinar!¡Qué tierna albura!
Con cuántu amor la recuerdu...
Por esu, si jablan de ti, Extremadura,
yo a escuchal siempri me queo;
y, ¡ay, de la voz qu'aljablarti
a ti no te mandi besus.
¡Que naide vaiga diciendu
malih de mi Extremadura,
porque yo no lo consientu
y me juegu lah asaurah.
¡Extremadura no es esu,
qu'alguna genti se cree,
no eh Comarca ni senderu,
ni es olvío ni vejez,
qu'es una parti d'España
con hitoria, rangu y ser
y jarta ya de patrañas
y de güelva osté otra vez!

Poesia de Eladio San Juan Brasero.


Buenos días.

NO QUIERU CALLALMI

No quieru callalmi,
no pueu callalmi.

Mentrah aiga:

Muchachinuh pasandu jambri,
ancianus viviendu'n la probeza,
jombrih y mujerih sufriendu
en'esta biá, toa llena de penah.

Politicuh y gobelnantih
que no son d' erechah,
tampocu d' ihquielda
la su ideologia es el dineru,
y acabal el su mandatu
con'el arca bien yena.

Religionih, qu'a tó crihtu enrean,
con trolah máh grandih que carruh
con cieluh y fueguh de infiernuh
con tó lo que puean
pa qu'asi t'asustih,
pa qu'asi no pueas,
pensal pol ti mesmu,
del mundu qu'abemus,
de lo que mos roban,
de lo que mos quean.

Mentrah aiga:

Opresion, d'unus pa otrus
La libertá, una chanza
La pá, solu en loh papelih
La josticia, una balanza
Fanaticus, de cualquier tipu
Amorfus, que de to pasan
Gentis, colgas de la boteya
Otrus, felicis con yenar la panza.

No pueu callalmi,
no quieru callalmi.

Estu, esta podriu y jiedi
unamonoh toh, hay que arrejuntalsi,
pa jacel una juerza cambiaora
que s'impliqui en cambius empoltantis,
hay que cambial la estoria
de las gerras miserias y jambris.

Hay que runchal con lo que sia
el bervu la aza o la escopeta,
es aquí aöndi sebe la ombria
no en el bar elanti ela botella

Es precisu que to estu s'acabi,
que dejemus caunu
d'empujal la nuestra noria,
qu'si arrempujamuh toh a una,
prontu mu prontinu
cambiaremuh la estoria,
y podremus desegir a los politicuh,
que d'una vé cambiin lah cosah,
y si no lo jacin loh sacamuh
de la güena vida y la vicoca.

Pa esu hai que jacel esjuerzuh
y tamien sacrificalsi,
creemus una nueva sociedá
aondi to estú, ¡no pasi!

david

Es muy bonita esta poesía pero triste porque la historia se repite
YO TAMPOCO QUIERO CALLARME saludos