San Martín de Trevejo - Cáceres

Esta fotu, feita a finais do dedanovi principiu do vinti, nos muestra: iglexia i fachá do conventu de San Franciscu . O conventu, se funda eno últimu terciu do siglu tredi a instancias da reina "Violante" (mulhel d’Alfonsu X o sabiu). A iglexia, ten toa pinta de pertenecel a un tempranu renacimentu. O únicu que sabemus, é que tomo o máximu esplendor a principiu do siglu dedaseis conos "Pimentel".

A finais da década dos sesenta/principiu dos setenta; se tira, pa cunstruil un consultoriu mecu da SS i o juzgau. Un-ha ve mais, dexapareci o patrimoniu históricu pa dal pasu a interexis económicus.

Forti abrazu.

Hola Fonti Nova: Me pareci mu interesanti a idea de insinalnus os monumentus i un poicu da sua historia. Tamen os gobernantis que fideran esa barbariái tinhian que sel un-os zoquetis de 1ª; está vistu que por un lau o por otru sempris están jo... a marrana.
Manhan eitan "Toledo".Cuandu vea Violanti le diré o que han feitu con sua obra.Por certu, era filla de Xaimi I de Aragó que reconquistó Mallorca i desde entoncis aqui se baila a jota Aragonesa en ve do Bolero Mallorquí i a lengua oficial e Catalán en ve do Lemosín.¡¡Que Crú!!
Forti abrazu.