San Martín de Trevejo - Caceres

Boos dias foristas:
Que ei sepa, en esti foru nun se ha falau na de as lavoris que se feyan en as uliveiras en meis tempu, labrandu con caballirias.
Comu o nosu lugal ha viviu de os traballus de as uliveiras, mayolmenti, creu que e voo falal un poicu de elas.
Normalmenti se feyan tres lavoris en o anu as uliveiras: A primeira se chamaba "A Alzá", que viña a sel pol o mes de marzu o abril; a segunda labol, era "A Travesa", que quiria idel, que os surcus de labral, tiñan que atravesal a os feitus en a primel labol y esta se feya por os mesis de mayo y juniu y logu a última labol era en "Otoñu", paa preparal a terra de as uliveiras para recollel a adituna y levala a prensa.
Tamen se feya a labol de "arrastral", que consistía en "Allanal" a terra paa recollel millol a adituna. Os intindius en labral, pensaban que a yenti joven tardaria en aprenderl, pero era fácil.
Soidi a Fala, Mañegas y Mañegus.
Chalrrieira.