San Martín de Trevejo - Caceres

Boos dias foristas:
Pol a experiencia que me dó cuando vivía en o lugar y tiña que dir a "Siálima" pol ésta época de calor, que e o verán, nun pasaba istu en esta Montaña.
Alá mairugandu as cincu o seis de a mañan, en plenu mes de Julio, e pasau friu, inclusivi, tiña que fel fogu paa quentarmi, ya que en as alturas de Siálima aparician unhas nubis negras y blancas que inundaban toa montaña y ei denominaba cumu "Carrunchela". Non toas mañás había "Carrunchela", pero cuandu a había, aunque levaba chaqueta posta y pantalós de pana, montau en os cabalus, sintía friu, ya que viña un ventu forti de o Norti, que refrescaba bastanti a mañan.
Logu ya a isu de as 9 ó 9,30 hs. de a mañán, cuandu o sol se había instalau ya en a altura, desaparicía a "Carrunchela" y ya num feya friu.
Avisu pa os "senderistas", que queiran mairugar a esas horas, si van a Siálima, que leven un jersey y nun desin de pedalear en a bicicleta de montaña.
Soidi a Fala, Mañegas y Mañegus.
Chalrrieira.