San Martín de Trevejo - Caceres

Fili dumingu a tôs.
Me ven oixi o recordu dos fogus de San Xiuán.
Cuandu seiamus da escuela por'a tardi, divamus a pur tumilhus i pinhas
pâ fel a fogarea esa noiti, cumu saltabamus pur encima das chamas, idendu viva San Peiru i San Xiuán.
Recordu a calhi Batuecas dundi me crii, feiamus o fogu xiuntu a tená
de tiu Pirulu, a boa de tia Margarita sufria un ratu i num deixaba
de rinhilnus, me dis a queimal a tená, num veis que está chea de
jenu, indiciu me chamaba a mi, pareci sel que ei era o culpabri de
tô aquilu, nunca paso nâ, o arroiu era o plan de prevención contra
incendius, se eitaba o agua i asuntu resortu.
Tenhu bôs recordus d'aquela mulhel, manhega pur os cuatru costaus, pos
nunca le uivi um'a palabra en castelhanu, ei creu que num o sabia, se
asomaba os dumingus a ventán da cudinha i me preguntaba, ha tanhiu a campana pequena d'a Igreixia, sempris andaba pilha de tempu.
Bueno, tocan fagina i me ponin falta, esperu que vos acordeis de istu.
Forti abrazu a tôs i soidi por arrobas, pâ vossotrus i pâ fala.

Boos dias foristas:
Nachitu, ei cumu sabis soi un poicu mayol que tu y tamen feya fogus con tumillus y piñas de os pinus y saltábamus idendu "Viva San Peiru y San Juan" y por certu, que o actual Alcaldi de o lugal, me ayuó a trel poo o lugal, un anu, un "faci" de tumillus, ya que él e mayol que ei.
Ya que mencionas a "Tiu Pirulu", ai que idel que esti omi (q.e.d), era un gran albañil y boa persoa; creu que ten fillus y netus en o lugal que poin atestigüalo, ademáis era muy alegri y graciosu.
Me contorin unha anécdota de esti omi, peru nun voi a contala, ya que nun soi familial y nun debu comental as coisas persoais de os demais.
Hay playas en o Mar Mediterráneu que fain fogus a noiti de San Juan y concretaminti en a de Gandia, y ademais saltan as olas de o mar, varias vedis; ei o e pasau varius anus y e muy bonitu, ver tantas fogueiras en a playa cerca de a agua.
Ya aproveitu paa felicitar a os foristas que se chamin Juana o Juan.
Soidi a Fala, Mañegas y Mañegus.
Chalrrieira.