Foro- Ciudad.com

San Martín de Trevejo - Caceres

Poblacion:
España > Caceres > San Martín de Trevejo
20-02-12 13:16 #9649204
Por:Chenchu

Reforma laboral
Dispiu mais fácil y baratu:
20 días por anu traballu de indemnización. Aumentará o paru
porque será mais sencillu dispir.

En dois trimestris baixarán o salariu y en tres o dispiu

A baixa de ingresus o de ventas duranti dois trimestris consecutivus,
aunque a empresa teña beneficius, será mutivu suficienti pa que rebaixin
o salariu. Y a o tercer trimestri poiran dispir a o traballaor. Ademais, a empresa poirá cambiar librementi as condicios laborais: categoria,
horariu, moviliai geográfica. O traballaro se verá obligau a escoller
entre a imposición o dispiu procedenti (20 días)

Via libri a os expedientis de regulación de ocupación (ERO)

A empresa poirá nun fer casu a os convenius dispois de dois trimestris
de disminución de ingresus

Golpi duru a engociación colectiva

A empresa poiria desvincularsi da negociaón colectiva, o sea,
nun aplicala justificandu que ten dois trimestris de disminución de ingresus.

OS traballaoris a partir de agora nun poiran opñersi a cualquer
decisión ilegal da empresa porque se encontraran que gañandu o juiciu
sayan trasquilaus. Se le pagan os 20 dias por anu traballau y a calli.

¿Se quearán sin traballu os abogaus laboralistas?


Bos diAS
Puntos:
20-02-12 18:44 #9650946 -> 9649204
Por:pichorra

RE: Reforma laboral
Nunca unha reforma laboral foi tan agresiva con los traballadoris,dereitus ganados con mutu sudor os aniquilan de un plumazo,a cortu plazu despidus masivus y a largu plazu....?,la patronal encantaa de la via,aplauden esta reforma como no.Esti governu se basa en que algo hay que fel y que para ello tiene el respaldu de las urnas,otro gallu les cantaria si antis de las eleccios hubieran explicau sus "ideas",por que esta crisis la tenemos que pagar la clase obrera?,esta reforma no va crear empleo todo lo contrario.Me temu que temus crisis pa ratu y la vamus a pagal ben os de sempris.YO DIGU NO a esta reforma del despido.Boas tardis.
Puntos:
20-02-12 21:15 #9651920 -> 9650946
Por:Cerrumicli

RE: Reforma laboral
Tenñu radonamentus pa estal contigu i otrus pa levalti a contraria, purque a radon absoluta nun a ten naidi aunque a queramus tel tos.
¿Chenchu, crees que pasaré a historia con esti aforismu?.
O que nun me gusta e que en campaña nos digan que nun hai que subil impostus etc. y logu faian to o contrariu; elis ya sabían dondi se metían logu nun ha lugal que nos mintan. Ahei tes radon.
A Reforma labaoral hai que fela sea comu sea peru buscandu un teminu meiu sin que to o peso caia sobri os mismus. O primeuru que se tinha que fel era quital de o meiu a esis cincu millós de paraus danduli faciliais a os empresarius pa contratalos. Nun se cuantas empresas hai que inda funcionin mais o menus, ofreceli que paguin a metai do sueldu elis i a otra mitai o Estau, hasta que se saia da crisis, me referu, claru está, a os que estam cobrandu o paru. Con os otrus felis otras ofertas. Despois hai que ayual as Pymen. Y despois ya se poi aplical a reforma laboral, porque un empresariu que teña perdidas e preferibli que dispia a dois o tres que cerri o kiosku.
¿ Que fai o traballaol por a empresa?, traballu a cambiu do inheiru.Si nun hai traballu quen le paga a o empresaríu.... ¿Que ten que fel o traballaol por a empresa? Un poicu de sacrificiu. ¡¡Si nun hai mata, nun hai patata.
Buenu, estaría así con mais agumentus, peru pensu ei que os que tenin que arreglal istu son os Pulícus i os Axentis Sociais que me temu ca un quel tel toa a radón.
¡¡ Joel, que conhazu he soltau !!.
Forti abrazu.
Puntos:
21-02-12 12:53 #9654500 -> 9651920
Por:Fonti Nova

RE: Reforma laboral
A mitai da vía laboral, he trabalhau por conta ajena. A otra mitai, por conta propia.

Cuandu trabalhaba pa otrus, sempris tuvi claru un-ha coixa: que defendel os interexis da emprexa, era defendel os meis propius interexis.

Mais tardi: cuandu otrus trabalhaban pa mi, así se lo fidi vel i nunca tuvi problemas. É difícil entendersi entri as persoas. Pues, o caminhu qu’a mí me poi parecel que é o correctu, otrus o ven comu equivocau. O conceptu: de que un emprexariu é por norma un explotaol, nun sempris é así. Porque si así fora, tindría mui poicu d’emprexariu.

Cuandu ambas partis, sabin perfectamenti qu’o funcionamentu é un intercambiu,-é idil: qu’un-ha parti, paga a otra poros cunhucimentus o sirvicius qu’otru vendi.-Entoncis, a coixa funciona. Porque, cuandu a emprexa ten un-ha persoa responsabli en plantilha,sólu se desprenderá d'ela cuandu se "cerri o kiosku" -Cerrumicli dixit.

Claru está, qu’istu é un puntu de vista mui personal.

Forti abrazu
Puntos:
21-02-12 13:30 #9654685 -> 9654500
Por:Chenchu

RE: Reforma laboral
Efectivamenti, nun existi a radón absoluta "Cerrumicli"
Que as relacios laborais, empresa/traballaor, se volvi
a "lucha de clasis" porque os convenius colectivus desaparecin.
Se volvi a tempus ya superarus dondi o empresariu era un explotaor
(Recomendu a peli "LA TIERRA DE LA GRAM PROMESA" de Andrzej Wajda
Revolución industrial en Polonia a finais do dedanonvi.)

¿Cuál era o objetivu da Reforma? crear mais puestUS de traballu, si se consiguira a costa de recortar os dereitus do traballaor y mais poer
a empresariu...bueno...habría que felicitar a o Gobernu, pero e que
ya didin que nun será así.
¿Pur que nun desapareci o Senau (260 senaoris)
Os alcaldis, presidentis de autonomias, consejerus etc..se baixan
o salariu un 20%? ¿Pur que nun se controla o fRaudi fiscal?
o perseguir a economia sumergida.¿Quin controla os mercaus financierus?
(¿Qué será isu?)

O alcaldi de Barcelona (CiU) cobra 109.939 euros
7.852 Euros/mes en 14 pagas mais dietas= 3066 euros mes brutus
por duas o tres reunios. A mayoria dos 41 concejais do Ayuntamentu
de Barcelona disponin de Mutua priva, disfrutan de vivienda en os distritus de mayor poer adquisitivu y levan a seis fillus a colegius
privaus o concertaus. Nun tenin confianza en o serviciu publicu.

Inversios en servicius publicus (saniai, educación I+D)

Piu SOLIDARIAI con os traballaoris que nun tenin traballu y RESPONSABILIAI pa os que tenin.

bos dias.
Puntos:
21-02-12 14:07 #9654892 -> 9654685
Por:Cerrumicli

RE: Reforma laboral
Homi Chenchu, isu se da por descontau, que tenin que desaparecel tos os privilexios que se han postu elis mismus. Isu en os cargus públicus. I por pura ética i soladirai en os privaus tinhan que fel o mismu. En ninhun casu dibirian telsi duos sodul ni dois cargus, un de elis se le está quitandu a otra familia.
Fonti Nova ha tiu as duas experiencias i sua postura en as duas e a que me pareci ejemplal i a que se tinha que seguil en esti pais si queremus sel do pozu.
Tambén había que fel un bo estudiu sociolóxicu de porqué se ha chegau a estis extremus. Si nun se poin tel castelus hai que conformasi con pequenas coixas.Comu por ejemplu: Un-a pequena mansió de luxu, un pequenu descapotabli, un-a pequena piscina climatizá........
Fontinova: Estis da Academia dos Goyas, nun tenin ni pu...idea do que e fel cini, nun nos han dau nin un "Cabezón".
Forti abrazu.
Puntos:
21-02-12 16:05 #9655453 -> 9654892
Por:Chenchu

RE: Reforma laboral
As conclusios de o pusibli estudiu sociológicu,cumu sucedi con as
encuestas, sairian a favor de quin os paga...pero o que
esta claru, siría un escándalu, que se le eitara as CULPA a os traballaoris.
"fLexibilizar el mercado de trabajo" "desregular el Derecho del Trabajo"
Cuantus menus normas, millor. Estamus ante unha INJUSTICIA SOCIAL

forti abrazu.
Puntos:
22-02-12 09:35 #9659477 -> 9655453
Por:Fonti Nova

RE: Reforma laboral
Hola Cerrumicli!!

-Esi jurau que dan os "cabezós",son un-ha cuairilha d'aprindidis.

Tantu Chenchu comu tú, dais pusiblis soluciós a crisis/paru. Elis,nun ignoran istu. Peru son demaxiaus privilegius pa perdelos.

Forti abrazu.
Puntos:

Tema (Autor) Ultimo Mensaje Resp
¡Reforma, reforma! Por: San Peiru XIV 29-11-16 12:38
Chenchu
1
As reformas da plaza Por: O CAMIÑU 04-12-05 11:30
O CAMIÑU
3
Simulador Plusvalia Municipal - Impuesto de Circulacion (IVTM) - Calculo Valor Venal
Foro-Ciudad.com - Ultima actualizacion:08/08/2020
Clausulas de responsabilidad y condiciones de uso de Foro-Ciudad.com