San Martín de Trevejo - Caceres

A poesia comu disu un carteiru a Pablo Neruda, he de quin a utiliza y non de a quin fai, creu que istu ya o he ditu, pero comu veu que a genti anda pica...
Un poeta nun he un homi que fai rimas, e un mininu que fala chorandu, e unha mullel que explota de odiu hacia o sei maltrataol, e un indigenti que se alegra de tel os estoixus suficentis pa compral viñu, e un militar que se alegra de que nun haya guerra, e un dagalitu que fala con unha fotografia de sei guelu mortu, e o pensamentu puru de unha dagala a puntu de dal o primel beisu, e a alegria de unha mairi de vel a sei fillu dispois de mesis sin poel abrazalo ni sintil o sei alentu, a poesia e algu visceral, algu natural y a vecis sobrenatural, algu feitu con amor, otras con odiu, fel poesia e sel humanu, fel poesia e sentirsi mortal, y creyenti o non, sabel que sempris va a sel non inmortal si no eternu, por as suas obras, pensamentus o accios, sel poeta se mereci un apartau en a Historia, y non comu mercader da lengua sino comu filosofu, pensador y sociologu.
Un abrazu a tos aquelis que sintan poetas, musas o simplementi amantis da lengua escrita (COMU EI) Hay quea isu.