San Martín de Trevejo - Caceres

Amgu Alfena: Comu sempris ya veo que eris un defensor de afala,to que se faya por que esta fala nosa nun se perda será puicu,y sempris será ven empleau, tos os procedimentus que nos inventemus,para que istu se le vi a boo fin.Pero amigu Alfena,aqui por desgracia o a radiu nun se escuta mais que por a noiti, de dia nun se agarra na y yta se ha luchau mutu pa ver si puñian un antena,pero na,nunca hemus consigui na,.Por isu o que fai a hermana de Nachitu, esta muy ben y aqui nos vindria de perilla,pa propagar a fala,pero isu nun alcanzaremus nunca,pues se ha propostu ya mutas vedis y naidi fai casu,seremus nosotrus con o Foru os que a propagaremus y puicu a poicu, sed van unindu mais, y mutus que leen a Foru,y se quean conas ganas de entrar pero se aburrin por que intentan una y otra vez registrarsi y nun le fain ni casu,ei se de varius que le gustaria escribir, pero que nun son capa de entrar.Te mandi otu dia un as fotografias,pero nun se si as recibiu o non.Ya me enteiru de a parez, ya falaremus. Un abrazu pa tos,.
Un saludu pa tos os fristas y comu sempri, Aupa a Fala.
O Saltu

Boas noitis, amigu ( o saltu) acabuu de entrar en o foru y me pareci que a explicadcion de Alfena nun a entendestis.Aver a radiu de internet nun he esa que se escuta por sateliti ni a radiu tradicional, eh unha radiu que se escuta en o ordenaor, eh muy facil, agregas a o msn a direccion que ha dau alfena, en a radiu de internet te aceptan y te mandan o enlaci pa poer escutala,chega a toas partis de españa.Bueno si alguien quel probar entru a radiar normalmenti desde as ondi a unha de a noiti ,pa os que teñan interes en coñocel esta forma de comunicacion y estaré encantá de dedicar algunha cancion pa o nosa terra.Bueno, por mi parti nun teñu mais que contar, me voy a ver si ceu algu y me voy a radiar, un abrazu pa tos os mañegus y soidi a fala......a cepa

¡ Interesanti ! Poi sel unha formula ideal pa que, por lo menus os que queiran, poan uivil a radio de dia en o Lugal y, ademais, en mañegu, a idea hay que pulila, quizas,mais, pero e interesanti. De momentu, Cepa, da instruccios detallás pa que poamus entral, ya se que Alfena didi y tu didis, pero to completu pa que o entenda to mundu, sea mais o menus expertu en istu de interné. Animu con a idea y aupa a fala. Tes radón Nachitu, o lugal e o lugal, aunque sea bañandusi en o Pozu sartén, como feyamus de pequenus. Aunque ei compartu os dois sitius afortunamentí, de playa me saturu prontu. Un salu de Chitu.

Mei gran amigo o saltu:

ya veo que tas preocupau en contestalmi a o mensaxi sobre a promocion dea fala por otrus meyus de comunicación que puian sel interesantis. Inda mais si a que puia fel isu e encima do lugal y poi fel a promoción gratis sin tel que pagal niñun euru. Acabu de vel as fotus das hortensias y estan verdadeiramenti espectacularis. Por o da paré pi o que faya falta y mo mandas.
Pa tos vosotrus un abrazu entrañabli.
Si a alguin se le ocurri qué se puia fel para promocional a Fala que o propoña.
Por aqui, en a feria de turismo pasa entri otrus o stand de Extremadura y sei que se puia intental metel coixas a nivel da Comarca de Gata. Se fai una propuesta a Diputación o a qui sea y se train productus do lugal o de a Comarca para dalos a coñocel. Se poin fel mais coixas ¿pero e que nun interexa o que?

Soidi a fala

Boos dias foristas:
Está muy ben que por internet se escuti a radio y sea "A Cepa", quin se encargui de falar en a misma y dedicarnus algún mensaje o canción en a nosa "Fala".
O Que ei queru saber desde as 23,00 hs. hasta o final, que forma hay que adoptar paa escutar a radio en internet.
O que didi nosu amigu "El Salto", sobre as antenas paa escutar a radiu de forma "tradicional", isu habria que proclamalo: Que nun entran as ondas "herzianas" en o nosu lugar y solicitado a toos organismus oficiais y tamen a algunha Cadea de Radio: "Cope", "Ser", "Nacional, 1 , 2, etc." Istu nun debi queel en ulviu.
Otru asuntu eh os que están Registraus y nun poin entrar en o "Foru". Ei me registrí y tardorin varius mesis en darmi de alta, pero a o final me pusieran en a lista.
Soidi a "Fala", Mañegas, Mañegus y Foristas.
Chalrrieira.

Amigu chalrriera, pa que poas escutar a radiu de internet, o tes muy facil, nun tes mais que agregar a siguienti direccion en o tey messenger(elrincondelaamistad.radio@hotmail.com)se te adimiti, tu abris unha ventan saluandu a quiene esté radiandu en esi momentu que si nu estoy radiandu estará algunha compañeira o compañeiru que te mandaran un enlaci pa que poas escutar a radiu, si entrais algun solu tendis que idel que sois amigus de Marieta que asi me chaman por esta zona, y se vos recivirá con mutu agradu, esta noiti creu que chegaré algu mais tardi pero estará algunha compañeira cubrindu a hora que me toca hasta que chegui.Bueno esperu haber aclarau a forma de conectarsi.un abrazu pa tos y soidi a fala.......a cepa