San Martín de Trevejo - Caceres

Ya se acerca San Lorenzu
que e un día de excursión
que naci da tradición
y estoy a vel si convenzu
a xenti pa dil o riu
y pa dulmil a "ruciu"
con estis versus que trenzu.
Vamus a leval un mollu
y tamen leval sandía
y tres o cuatru cogollus
de leituga,pa ensalá
chiricitus y jamón
y de spostri un bo melón
pa dispois da tomatá.
Nos vamus pa o Pozu Infernu
que ten as aguas mais frías
y con estas calurias
alí parecí que e invernu.
¿O quereis que vayamus
mais cerca,pa o Pozu o Cura
que nos chega hasta a cintura
y si queremus,anamus,
Habrá quen fendu un ensayu
dirá pa o Pozu Señoris
o escapandu das caloris
dirá pa o riu de Payu,
si nun esteis cunvincius
inda pa dondi tiramus
vamus andandu y pensamus
si vamus pa Allen do riu
pero dexei que vos diga
que mais cirquita hay un pozu
que e unha delicia y un gozu
que se chama Pozu Viga,
y do allu de patatas
lo que le vamus a fel...
si o acaborin de joel
con aquilu das fogatas,
Nossotrus frescus,anandu,
as sandías en a urilla
San Lorenzu en a parilla
y as mulleris cudiñandu,
y así pasará otru día
bucólicu,de ilusión,
con chuirizu y con melón
con o mollu y a sangría....