San Martín de Trevejo - Caceres

Feliciais a tos os mañegus y mañegas por a celebración de a festa do nosu patrón, especialmenti pa tos os que estamus fora en esti día, y do que nos acordamus con nostalgia.

Un saludu

Feliz dia de San Martiñu ,
pa tos os que tendis a sorti de estal en o lugal,vevei un vasitu, a soidi dos que estamus fora
Que san Martin ayui a tos os mañegus
Forti abrazu
Anduriña

Con perdon,
en o precedenti mensagi ,quisi idel- bebei -

Desdi aquí en o nosu lugar, estoy uvindu o tambuleiru con a sua música que nos alegra a toos os mañegus que estamus aquí, a primeira hora da festa tocorin as campanas, y dispois as salbas sin parar.
Has 11,30 h. da mañán empezó a procesión, muta xenti, y a continuación a misa concelebrá con a música da jota extremeña y en mañeu, ¡qué bonitu é o nosu dialectu! ei me emocioní cumu otros tantus.
Tamén hemus tíu de mayordomu a D. Enriqui, o mecu, que participó en a Eucaristía, y dispoís o viñitu y pinchitus, hobus frisius con farinatu, istu he típicu de a Ciai, os baris tamén estaban a topi, y o final fomus a boiga de mei hermanu Javier, alí viñu y pinchus y bailandu.

Dalí a un ratu, os tambolieurus por as callis con a sua música rural, muy bonita, por certu y detrás muta genti bailandu, y ya nun vos contu mais porque me voy a plaza a comer churrus con chocolati, y así acabu. VIVA SA MARTIÑU¡¡¡¡ Y AÚPA A FALA.

Uliveira.

Por completar un poicu o que se did do dia do Patrón, fayu algun comentariu mais sobre a Festa. Feya mais de trenta anus que nun pasaba o dia do Patrón en o lugal y esti anu me prupoxi dil por que mehabian comentau como era a coisa. Os que nun habeis puiu vil, por desgracia, nun poeis imaginalbus o que ha siu aquilu. Dispois de a Misa, en a que o cura Mañegu, Robertu, faló da via do Santu y fidu alguna que otra reflexión en mañegu sobre a generosiai y a necesiai de compartil, como él fidu, empezó a otra festa.
Frenti a dondi tiña o bar Tiu Gil q.e.d, se montó, por parti do Mayordomu, esti anu ha siu o Mecu, una pichorra,con muta cumia y bibia y, como él e de a Ciai, fariñatus con ovus frixius pa to o mundu, didin que deran mais de quinientus. Nun me extraña por que cheiraba meyu lugal a fariñatu frixiu. Logu, a genti que se habia disgregau en as distintas pichorras abertas pa to mundu, se xuntaba a vedis con un enormi grupu que diva detras de a musica, tamen visitantu pichorras. Nun se poi idel cul era a que mas tiña por que toas, absolutamenti toas as que abriran, que foran mutas, tiñan viñu en abundancia y mutas un jaón a disposición de to mundu, ademais de pinchus de toas clasis. Como ei, muta genti, caixi to o que andubu por ali, nun comei ni ceó en casa. Mais de un se foy cerca das novi da noiti a descansal.

Si o nosu patron se caracterizó por a genenrosiai, teñu que idel, que a xenti do nosu lugal sigui a norma que o Patrón deiso fielmenti. A generosiai de un lugal enteiru en a calli, compartindu o que ten en sua casa, con aligria desbordanti, e algu que os que viñeran de fora nun cumpindian, " si lo contamos fuera no se lo creen, esto hay que vivirlo " comentaban.
A xenti do nosu lugal sempris se ha caracterizau por sel despindia, generosa y acolleora dos forasteirus, pero o dia do patrón, tantu o Ondi como o Dodi, son pa vivilos. To mundo en a calli, contentu y sin percanci niñun, un lugal con unhos habitantis asi, nun mereci mais que alanzas y deseus de que sigan sempris asina. ¡Mutas gracias a tos y mutas feliciais!
O anun que ben mais inda, Soidi pa tos y pa a fala, Chitu.

Amigu chitu , yo comprendo vuestro orgullo y vuestra honra porque es que es merecedor de ello . Yo he visitado varias veces ha conocidos , y ha amigos de mis amigos , y como tu dice , esplendida generosidad , ya he dicho más de una vez , que admiro todos los pueblos de la comarca .

.. Soidi pa'tos y pa a fala , Santus .