San Martín de Trevejo - Caceres

Os xovis , é día de mercau aquí. Sayu esta manhán do bancu de fel un-ha gestión, i me chamó a atención,un-ha mulhel que cantaba as excelencias do sei productu: ¡cerezas,cerezas del Jerte!, ¡buenisimas!, ¡las mejores!...

-Señora!!.-Me alegro de ver producto de mi tierra por aquí-le dissi-
-¿Es Ud de Cáceres?,-contestó-
-Sí,soy de San Martín de Trevejo.
-Ah,muy bien! ,yo soy del mismo Cáceres.-No le apetece unas cerezas?.
-Bueno!,como somos paisanos, póngame Ud un Kilo. (Mais ben, o fidi por colaboral c’onun-ha mulhirita que vai de mercau en mercau vendendu cuatru Kilus de cereixas pa ganhalssi a vía).

Voi, cona minha bolsa de cereixas mais contentu qu’unhas castanhuelas. Chegu a caxa, i me didi a mulhel:
-¿Qué trais ena bolsa?
-Cereixas do Jerti-le respondu-
-Ah,mui ben!,-voi a probalas… ¿Pero nun vés,que tas han dau toas magulhás i meyu pochas?. -Maire!!,pues, si m’ha paricíu velas c’onun-ha pinta estupenda eno montón. Resulta, qu’a mui avispá,tinha solu porarriba as boas; i escundías porabaissu, as mais aplastás i as que se le diban estropeandu.

Hasta en Castilla, m’enganan os meis paissanus. Está claru, que anti un duru,sobran as atenciós i naidi se caxa con naidi. Ni siquera, estas mulhiritas temeroxas de Dios.

-Enfin!, habrá que chalrreal un poicu de to . O importanti, é qu’a chama do foru esté sempris encindía; ben sea porun tema,o por otru.-Peru que nun chegui a sangri o riu. Pues,se ven nubarrós que presagian tormenta.

Soidi a tos, FONTI NOVA

Ay amigu Fontinova! Me pareci que te han daua con queixu, menus mal que era poica coixa, hay que siguil o consellu de un amigu mei prejubilau de a Banca que agó traballa en a Bolsa, o sea que anda to dia parriba y pabaisu con a bolsa da compra siguindu os madatus da a mullel, y e un expertu en compras de frutas y pescaus. El didi que hay que miral o que te pesan, antis de pesalo y de que o envolva o vendeol, por que sinon poi pasal isu, que sacan de abaisu a mercancía menus vistosa o piol, simulandu que toa e tan boa como a que está arriba. ¡Ah ¡ si nun o sabis, te contu de dondi ben o ditu esi de que “ te han daua con queixu “.Un abrazu y que nun se te indigestin as cereixas que son dañinas. Un saluu pa tos, Chitu.

Boas noitis a tôs.
Osea Fonti Nova, cumu din en Castilha, t'andaua con queixu.
Tua intención era sana i boa, peru a pela e a pela.
Begu me tinha de postri pâ ceal cerixas, num eran do Jerti, pa xugal
a o gua eran estupendas, duras i reondas.
O dia da Crú num poemus falal mutu, esi dia tôs temus coissas i cumprumisus qu'atendel, peru ia tendremus ocasión.
As vistu o Alfena que ben ha seidu ena procesión, num se le ve poro
foru últimamenti, o eitu de menus.
Bueno, que te haian sabiu ricas as cereixas, estarian dulcis.
Forti abrazu i larga via a fala.

En Protagunista- Puntu-Radiu, de Luis del Olmo, se etá emitindu desde Plasencia y están falandu das cerezas (Picotas) y da belleda do Valli do Jerti. O que poa que o poña.
Fonti Nova, esa paisana ta "pegó ben"." Que le vas a fel", Ei que tamen traballu en a bolsa, sempris que levu fruta pa casa y otras coixas, a mullel me didi que nun se complal, que sempri me enganan y nun veas os cabreus que ma agarru. !!Cuandu as comiamus directamenti do arbul ("roibas") nun me enganaban.
Forti abrazu.

Amigu Chitu:

"Te la han dado con queso".Pues sí,cunhucía esta exprexión i o sei significau. Isu,foi exactamenti o que me passó. Solu, qu’enesti caxu, nun foi con vinhu,sinon con cereixas.

Dispois de tó,hai que vel, o sabel i o ingeniu que tenin estas perssoas.-Comu aquel homi que le preguntorin: ¿y Ud, como se las compone para salir hácia adelante? .Mire:-dissu o homi-. "Yo, compro a cuatro y vendo a siete; y con ese tres por ciento voy tirando". ¡¡Qué filosofía!!.Le darían lecciós, a mutus professionais do Marketing i economistas.

Nachitu: é verdais, qu’enun solu día nun te da tempu a na. Pues, o dumingu p’oramanhán en missa,estuvi con "O saltu" i me dissu que ya vos habíais díu tós de mairugá. Así, qu’o vinhu que pensaba tomal con voxotrus essa misma manhán,nun pu sel . Cunfíu,que tenhamus ocaxión de felo nun tardandu mutu. -Foi un placel conhocel a Bego,é, encantaora.

-Hola Cerrumicli!. Igual qu’a Cancheira, tamén a mí me fidu "Patachón"un bastón d’uliveira fai un par de verás. Pues o tenhu en gran estima,i m’acompanha os dumingus cuandu voi a compral o pan. -O que vamus!!. Pues,nunca acertas comu complacel as mulheris.

-Chegu cono pan:
-Nun vés qu’has treidu o pan poicu cudíu?.
-Deme Ud el pan más cocido -le digu a da panadería-
-Esti pan, está tan achicharrau que nun hai quin o probi.
-Pues a proxima vé, vas tú a compralo,si ques comel pan,-se monta a zapatiesta-.
-Has vistu,que mal pendá m’ha queau hoixi a peluqueira?.

Protestan cuandu fai fríu, tamén protestan si fai calor. Protestan: tantu si están contentas comu cuandu están tristis; o caxu é protestal. Pareci, comu si eno mundu,nun s’haya feitu ná a gustu d’elas.

Peru tó istu, logu quea compenssau cona valintía con que defendin aquílu que les perteneci i que conssideran sei. Enistu,están mui porencima de noxotrus.

Alguin diissu un-ha ve: a mulhel é c’omún manantial eno dessiertu cuandu estás mortu de sed. O mismu tempu, é c’omún tornau que destruyi to qu’encontra o sei passu.Cona misma faciliai que se le cai a lágrima i se pon tirnita comun-ha cordeira. Te saca un-has unhas de pantera que t’ha destrozau.

Forti abrazu a tos, FONTI NOVA

Amigu Fonti Nova.
Veu que tú solu as chegau a conclusión que chego León Tolstóy.
Cunsidera a mulhel un mal neceariu en tua via.
En cuantu a aldeana das cereixas, mulhirita temerosa de Dios, sí.
Pur aqui hai um refran que dí, a o aldeanu i a o gorrión, polvora
i perdigón, por algu será.
Forti abrazu a tôs i larga via a fala.