San Martín de Trevejo - Caceres

Algu se morri en a alma, cuandu un amigu se vai. Así didi, un-a sevillana y istu le cai muy ben a un mañegu que fidu via en Sivilla y que acordándusi sempri do lugal, se nos acaba de dil. Adios José, "pestanón". To que tiñas de grandi o tiñas de bo. Presumindu de extremeñu, fidestis aquí mutus amigus, desiándunus ejemplu de traballu, elegancia y caballerosiai.

Te cuñucí en o lugal de piquininu. Dispois con tua Mairi Tomaya y tei pairi Colacu, vos vulví a encontral en a finca sevillana dos afamaus torieirus Martín Vázquez. Comu bos mañegus num desiavis de chamarnus pa estar con voyotrus os domingus y enchernus o maleteiru de litugas, fabas, naranyas y algun-a que otra sorpreya. Así vos recordábamus a otra tardi en o velatoriu tei hermanu Jandrín, Serafín, Ángil, tei subriñus y ei.Nos hemus vistu en a calli, en bautizus, en mortis, en celebraciós de Sa Martiñu en esta ciai y en otrus temas que tú pur ocupal altus cargus responsablis en a Cru do Campu y ei pur enrealmi en mutas coiyas de Extremaura y Sivilla, nos feyan cuincidir. Sempri me abrazabas, me preguntabas pur tos. Falabamus do lugal y ei observaba o recoñocimentu, respetu y estima que tos te tiñan y ...presumía de ser pei paiyanu.

Adiós José. A o tanatoriu, foi muta yenti a iderti adiós. Abrazaban forti a tua muller y a os teis fillus. Habías sembrau cariñu, boas amistais y eras mañegu recuñuciu pur boas acciós, pur isu a idermi miña hermana que as campanas do lugal habían tañiu, con a imaginación, fidi tañel as da Giralda en yustu recoñocimentu a un gran homi que supu honral con sua forma de sel a esta ciai y tamén a aquel lugal que o ví nacel y ei que he siu testigu, nun debu calal y si pregonal que un gran mañegu, se nos ha diu.

Quiriu José, ya nun te veré mais con teis hermanus, sobríñus, calamaris, gallus, y otrus de talla, nivelandu a Cru y dandu un-as CHICOTAS que chegaban a o ceu. Anu tras anu, cargabis con ela. Me consta que hasta o últimu momentu, le has piu que te desiara con noyotrus y a o final te ha levau, sin chegal a entendel, purqué tan prontu y sendu tan bo.

A tua mullel y a os teis fillus, subriñus y netus, cuandu os teñas, le piu que sigan cargandu a Cru, que le mirin y pur ela, recordánduti. Sempre diré que o peyu mayol de esi Cristu o levaban os mais humildis y con radón a fideran patrona dos emigrantis. Nunca vi cargal con ela a niñún "RICU", pur isu y pur otras coiyas, tu y otrus mañegus comu tu, si hay recompensa a tendis ben miricía.

Un abrazu. Fincacha 41

Contertuliu Giralda ( o tamén Fincacha 41)
Magnífica a semblanza que fais de José O Pestana, a cuyus familiaris le mandu mei pésami.

Fai mutu tempu, propusi un novu verbu que ei chamí «mañegueal », refirindu a tôs aquelis que,de un-ha forma o de otra, en un lugal o en otru, dexiorin en altu o nomi d´o lugal.
Creu recordal que puixi dois ejemplus: un de tiu Luis « o Ferreiru » y otru de Chenchu.
Agô, é de xusticia felo, cumu ben didis, amigu Giralda, con esi mañegu, que, en a terra de María Santísima, fidu gala de isu: de mañegueal, de serun bó mañegu.

Descansa en pá, paisanu José. A os seis familiares, hermanus, filhus, etc, minha condolencia. Sepan o que dixiu Horacio: NON OMNIS MORIAR: No moriré del todo.
Amigu y contertuliu Giralda: nun atisbu quen eris, aunque o presumu por os datus que de o tei escritu se dedudin: gracias por esas palabras tan ben escritas.

Soidi pá tos vosotrus.

Mañán, si Dius quel, diré a o lugal a o día d’a Crú.
Istu últimu, ditu sin ánimu de dal figas.
BOAS TARDIS

B_RODAS

Didi Brodas que nun atisba quen eris peru si o presumi ( contradictoriu)....De boa pluma un mui bo panegiricu de un mañegu, que con o tempu se nos habia difuminau en a memoria a os que nun tuvimos a sorti de telo cerca. Tu nos has voltu a recordalo tal y comu era.Ei me honru en tel unha boa amistai con tos sua familia y le volvu a dal mi mais setiamu pésami.
Brodas, si ei fora "Tribuleti", te diría que Giraldas en Sevilla solu hay unha, y Giralda-Fincacha, tamen. Comu diría D. Ciprianu (que tiña un fillu chamau igual) -¡¡Coñ..pues tampoco hace falta ir a Salamanca!!
Ben, hai que quitali "ferru" a os maus tragus.
Forti abrazu.