San Martín de Trevejo - Caceres

Proximu a celebral a festa de a Cru Bindita, como sempris se ha ditu,queru, desde a añoranza de non poel estal esti anu en o lugal, como fai mutus anus, aunque prometu que o anu que ven diré; queru, digu, deseal a tos os que se desplacin a o lugal y a tos os que están alí, que pasin unhas festas con muta soidi y con muta feliciai. Recomental a os que sayan a carreteira a maxima prudencia, por que nun vali dil condudindu ben, hay que conducil a defensiva, e idel, pensandu en que o otru poi cometel unha imprudencia que nos poi afectal. Ya sebeis que poin sel delitu os excesus de velociai y que a partir de a un de Mayu, condudil sin tel carné tamén e delitu y poi tel carcil.Asi que ¡ojo!con os de verdi que vos poin pillal, aunque isu nun sea o piol, o piol e que un sea un nomi mais de os desaparicius esti ponti.¡ Que haya muta sorti y a pasalo ben.Un saluu de Chitu.

Pos ei que fai tantu tempu que, por circustancias que nun queru rocoldal, nun voy por esas fechas, igual que por Sa Martiñu.... me gustaria que alguin colgara en o foru alguha afotu dos tederetis, a vel si son comu os que recordu da aquela épuca.
O que hai que tel cuau e dos maus conductoris, que os guardias están pa ayualti (nun mo creu ni ei)...o así debiría sel; o que nun me gusta e que escondan os cochis pa felti a afotu, a mi que me gusta queal ben nun te dan tempu a arreglalti a corbata y logu encima "te fain u traji".Fora de bromas, si cumplis as normas nun pasa na.
Peru si e certu que hai un fin recaudatoriu en tos os organismus, hasta en as "oficinas dos semafurus".
Fonti Nova, o foru pareci que ten "ciclus" comu a "econumía"
Veña, que o paseis ben os que estn en as festas en o lugal y os demais
dondi nos queémus.
Forti abrazu.

Ei por distintas circunstancias tampocu poyu pasar estas festas esti anu da Cru Bindita,(a nosa Cru) en o lugar, pues desde o anu 1974, que foi as últimas que pasí en o nosu quiriu San Martiñu, num e voltu a pasalas.

Teñu muy boos recordus de aquelas últimas, peru si Dios queel, nun tardaré mutus anus en pasalas novamenti.

Animu a os mañegus y furistas que estan en o lugar, a levar as andas de a nosa Cru a sua ermita, mañan dia 3 de mayu, por a tardi y tamen pora mañan en o recurriu por a nosu lugaritu.

Salu y que toos os mañegus y furistas regresin a suas casas ben, dispois de as festas de a Cru.

Aupa a fala y muta salu paa toos os mañegus y furistas.

Chalrrieira

Alguin mui cercanu a ti me dissu o día da Cru poramanhán: foi ei,quin le rompei a chalrrieira. Pues,ya nos tinha a cabeza loca de tantu tocala.

Forti abrazu, FONTI NOVA

Estimau Fontinova: A Chalrrieira me a fidu "Lalu" o de tiu "Sindu", (q.e.d os dois) y quin sabis tú, me a tiró de a ventan pa calli, así que a pobri Chalrrieira, se rompei; ya num vulví a teer Chalrrieira.

Salu pa "Fala", furistas y mañegus.

Chalrrieira.

-Amigu Chalrrieira!!.

En certa ocaxión,te truyeran un-ha armónica. "O Fado Portugués"-recordu a marca-. Te passabas,o día i a noiti sin deissal de tocala,hasta que te seiran un-has boceiras que nun puías abril a boca.

Nun sé,si foi o mecu o en caxa.-O caxu, foi que ta tuveran que quital.Si, cona chalrrieira dabas as mismas serenatas que cona armónica. Nun m'extranha; que ta tiraran pora ventán pa calhi.

Forti abrazu, FONTI NOVA

Amigu Fontinova:
Efectivamenti, me comprorin unha "armónica" "O Fadu Portugués", y aprendí a tocala ben y así me animaba en os viasis con os cabalus y a "Curra"; elis tamen diban contentus con a minha música.
De tantu tocar a armónica, a boca se fai danu,pero nun tuvi que dir a o Mecu, D. Jesús entoncis (q.e.d,) hasta que se estropeó y ya nun vulví a tocar armónica niñunha.
Soidi a "Fala" y a os Furistas y "Mañegus"
Quin se acorda de cantar:
"Somos los mañeguitos ay ay, ay ay, ja, ja , ja
los mañeguitos la vi,
los mañeguitos, pio, pio, pio, pio, cur cur cur
A mi me gusta el vino ay, ay, ay, ay....."
Un forti abrazu Fontinova.

¡¡ Rayus y tronus, por Belcebú !!
A mi me gusta el vino... me gusta el vino, jolí, pio,pio....
Esa canción a hemus cantau xuntus.¿quin eris tú, ¿ To ? más habia en o coiru. Pondré en o casu a "Tribuleti".
Forti abrazu.