San Martín de Trevejo - Caceres

Anduriña con sardiña
tuvu muta relación
unha daba información
otra diva pa cudiña
aunque poicu fresca viña
de frescas alá se andaban,
unha semana tardaban,
a que fora o Grupu Prisa
se vindía a o sel de Misa
y as otras logu se asaban.

Dambas foran importantis
en o vivil do lugal
y e cuestion de interpretal
comu se vivía endenantis
que nun había ná abundanti
y to despacitu andaba
y a nuticia nos chegaba
comu as sardiñas,andandu
en burru,que camiñandu
mais que camiñal,!volaba!

!!Ha llegado Cañizal!!
Fijeibus que notición...
y o Dumingu hay procesión
y que temus que redal....
y sobre to y principal
sacal algunha "pirriña"
con aquilu de "ANDURIÑA"
que era o ABC do lugal
y en a hora de almodal
un bo platu de sardiñas.