San Martín de Trevejo - Caceres

Entendu qu'caum tenha sua ideologia, pos solu faltaria, peru respetandu
isu o fundamental e vivil dia a dia en boa armunia, sempris qu'hai
eleccions surgin enfrentamentus qu'num cundudin a ná pa logu estal
caisi sin falalsi hasta as siguientis i pa volvel a discutil, lástima.
Que ganhamus o perdemus, num o se ni alcanzu a velo.
Frasis cumu o qu'num roiba o num joi e pul qu'num poi e cumu idel,
Dios nos ponha dondi hai qu'tôs sabemus o uficiu, en qu'somus
diferentis si asina pensamus, lutamus entoncis pol estal no poel pâ
fel o mismu qu'criticamus, compensa istu a pérdida d'as amistais.
Sigu sin entendelo, peru o qu'menus entendu e qu'se chegui a faltal
o respetu i saia esa ma leiti, e tristi de verdais.
Sigu valorandu mais o bo entendimentu, levalsi ben i respetalsi pur
encima de tô, eo milhol d'a via, qu'cuandu vos veais num tenhais
qu'miral pa otru lau pa num falalbus, num mereci a pena, asina pensu.
Forti abrazu pa tôs i soidi por arrobas.

Estoy de acordu contigu Nachitu, o valor de amistai, da tolerancia, do respetu, da paciencia, da honestiai, da critica constructiva, da solidariai, da generosiai, do respetu, do perdon, da gratitu, da decencia, da comunicación, da prudencia, da lealtai, de o autodominiu... e o máis importanti. Si se tenin en conta creu que aixua mutu a pasal y andal, ademáis dois nun discutin si un nun quel.
Aunque si entendu que os maus entindius se debin aclarar, pero desde o respetu y sempris tendu en conta que o mais importanti son as persoas. Oixi estámus y mañan están escribindu pa dal o pesami a nosa familia, que tristeda non!!.
Tos nos conmovemus cuandu se vay, cuandu falleci, alguin do lugal, ya sea jovin o mayor, pensemus que algún dia poi sel esa persoa...
Demusli a os asuntus solamenti a importancia que merecin , y vivamus caun a via que nos toca vivil da millor forma pusibli y o "corazón", en a sua dobli función, nos o agradecerá.

Muta soidi pa tos, amigus.

mye

Dispois de unha corta ausencia que nun me ha permitiu visitar, como e habitual en mi, o nosu foru, con muta satisfacción leu as reflexios tan acertás que precedin a esti escritu de Nachitu y Mye.
¡ Que lección de cordura y sensatez y que verdais como puñus nos ponin a o descubertu! E tan efimera esta via y somus tan debilis que oixi estamus ben y mañan en a UCI, por nun idel en o otru lau da nosa existencia. Digu istu, por que un amigu, se debati entre a via y a morti tratndu de superar una suposta infección de origin descuñuciun cuandu ya estaba tan ben en sua casa dispois de un exitosu trasplanti de riñón ¿Le importan a él os avataris da politica o cualquer dimi o direti como pon o titulu de esta conversación? Pues esi a e o meollu da cuestión y habeis dau en o clavu, asi que eu tamen suscribu o qui deis. Estas reflexios que me han feitu escribil istu, dibiriamus telas en conta muy a menú y evital mutus disgustus y sinsaboris. O que hay que fel ya, e dilsi preparandu, que as vacacios están a volta da eaquina y hay que chegal a o lugal con o animu arriba pa pasalo o millol pusibli. Soid pa tos y a a fala, Chitu.

¿O problema se plantea qué postura adoptar ante o ignoranti-ebriu?
al ser un ignoranti conscientementi, o sabi to.
¿Qué fer ante quin te amenaza por expresar "dimis i diretis" o ¿Te califica de chaqueteiru?

"Nun ay lugal que aya progeasu tantu cumu esti y as pruebas me remitu.sialgen que conprobalo que beña y o vea, y o mais inportanti pa esti Axuntamentu e que nun debin un centimu a naidi con tanta cixa que se afeytu. Ya nun digu mais por que por idil coxas boas estaria aqui mutisimu mais tenpu. (8-03-11)
En cuanto a San Martin siento una inmensa alegria al ver su orogreso y las cosas tan lindas y buenas que sean echo desde que esta esta corporacion en el Ayuntamiento." (24-12-10)

¿Eris "miqui1956" un estómagu agradiciu por expresarti de
esta maneira?

Siría bo,qu'os manhegus limaran diferencias i s'hermanaran máis.

Cuandu o cunsigan,habrán dau un pasu importanti.