San Martín de Trevejo - Caceres

Sa Martín a un Cristu adora
que chaman a Crú Bindita
y en unha pequena ermita
esi Cristu habita y mora,
Otra ermita encantaora
hay alá en metai da serra
que en a ladeira se aferra
y dondi vive a Señora
que e sua Mairi,a Pastora,
reina do Ceu y da Terra.

Y con estis dois amoris
mañegus y lagarteirus
ya tenin bos conselleirus
pas penas y os sinsaboris
As Ellas que a Virgín chori
Sa Martín que redi a Crú
y falánduli de Tú
y redandu unha novena
se nos diran toas as penas
y tos veremus a lú.

Vamus a ermita a redal
y entral en tratus con EL
que bo fillu ten que sel
quen a Mairi trati igual
y en a Serra y o lugal
redal a estis dois tutoris
salvación de pecaoris
que en a via,nos fain fortis
son o consuelu en a morti
y sempris...bos asesoris.


Veu que se anima o Foru.Ei aunque parezca que sólo estoy en fel versus
estoy tamén interessau en toas as coixas que se comentan.To o que se refiera a Sa Martín me interesa !!cumu non!!