San Martín de Trevejo - Caceres

Novi mortus y 293 firius. A última morta é unha muller de 41 anus.
Os firius mais gravis son un mininu de tres anus, unha muller de 36
y otra de 73.

Leu: "Antonia Sánchez Gallego regaló otra vida a sus dos hijos
pequeños. Cuando paseaba con ellos por la calle del Infante Don Juan
Manuel, de Lorca, un edificio se derrumbó por los efectos del terremoto.
Varios vecinos que habían salido precipitadamente de sus casas escucharon
entre los escombros del inmueble los gritos de niños y se lanzaron
al rescate ayudados por varios agentes municipales."La mujer había
muerto en el acto, porque cuando la sacamos tenia el vientre destrozado.
Como no había nada que hacer, pensamos en auxiliar otras victimas, pero
emseguida nos dimos cuenta que los niños estaban justo debajo. No paraban de chillar",relatan los socorristas."
Manuel Altozano
EL PAIS.

Que as promesas de as diversas Administracios se cumplan, que os
puliticus nun aproveitin esta desgracia pa sua propaganda electoral...
(¿Que feya Rajoy exhibindosi en Lorca?)Que se adoptin as midias preventivas en dondi se coñoza que existan riesgus de terremotus.

A miña SOLIDARIA con as familias. Que en paz descansin os fallicius.

Bos días.

Borrado por su Autor.

Aunque materilmenti sirvan de poicu as adhesios, si sirvin anímicamenti, aunque aquelis a os que van dirigias nun as lean, si valin como testimoniu de solidariai y, o que e mais importanti, debin sirvil pa remover os corazós y os bulsillos, de maneira que ca ún, dentru do que suas posibiliais economicas le permitan, colabori con os que tantu han peridiu, nun solu en o aspectu famliar, animicu o personal, sinon tamen en o economicu, por que aunque as axuas promitias se materialicin de verdai, serán, sin duda, insuficientis. Acruz Roja, pois sel un depositariu excelenti das donacios y segurmente hab´ra conas abertas en os Bancus y Caisas, Por isu, que ca un se enteiri donde se poin fel donativus par esa causa tan nobli, y colabori.E a miña opinión y o mei deseu. Soidi pa tos y pa a fala.Chitu.

¡Bueno! Pareci que You Tube nun deisa reprodudil.

Si se poi vel, ali mismu te indica que tes que pical You Tube. muy apropiau. Ia me extrañaba que nun se falara do terremotu en o foru, pos sempris nos hemus solidarizau con toas as desgracias. A vel si e verdai toa aiua que se le está prometendu i nun pasa comu en otrus casus que aún estan esperandu as indemnizaciós. De toas formas nun he euvíu inda que se haian abertu contas pa os dagnificaus.Minhas condolencias as familias dos que perdaran a via i un deseu que recuperin os firíus i que se restauri Lorca tal i comu estaba, costi o que costi.Nunca estaría mais justicau un impostu especial.
Sobre as elecciós opinu que os programas dos partius son "papel mollau", logu as circunstacias son as que imponin os feitus. Ia o dixu Tierno Galvan, "Las promesas son para no cumplirlas". En unha situació comu a que atravesamus, os puliticus ia se puían habel corformau con unhas debatis televisivus i dexalsi da parafernalia mitinera, pos a o fin os que van, ia sabin a quen votaran.Sempris digu minha opinió, haberá mutas mais.
Forti abrazu.

A morti nun e o final, tampoicu e unha desgracia, sinún unha pena y ademais nacemus pa morrel, ¿qui e a vía compará con a eterniai......?, si vivimus con paz morreremus con paz.

De que nos juzgará Dios cuandu nos morramus? Ei y mutus opinamus si hemus siu filidis.

Aprobeitu, D.E.P. Juanitu, y deseu a pa a toa familia.

Castory Moreno

Gracias Cerrumicli!! Esti YouTube está comu un-ha cabra.

Cuandu un comendaol con quinientus anus d’experiencia pulítica nos didi: “os programas dos partíus son papel molhau” O máis sensatu que poemus fel,é feli caxu; porque nos está idindu a punheteira verdai

"Las promesas son para no cumplirlas" –idía o velhu profexol- En pulítica,así é. Tamén idía: "los bolsillos de los gobernantes,deberían ser de cristal" –Pensu, qu’os sastris dibirían tomal boa nota d’istu. –Homi sabiu, foi o velhu profexol. Él, cona milhol intención, impulsó a xuventú a "Muvía" .Seguramenti, pensó que con isu honraría a "Bucchini"(A múxica nucturna enas calhis de Mairil) Peru o resultau ha síu mui distintu. D’habelo imaginau, creu que nunca hubera feitu tal coixa.

Nun sé, si se celebrarán elecciós o próximu dumingu en Lorca. Si de mi dependera, as postergaría hasta que volvera a activiai normal. Siría a única maneira de qu’os Lurquinus veran as verdadeiras intenciós dos pulíticus.

Bueno!! comu didi Cerrumicli: tan sólu, é a minha opinión i nun necesariamenti ten que sel compartía. Pues, lógicu é que caún tenha a sua.

Forti abrazu

¡Hola Uliveira! Tú, pensas qu’a morti nun é o final. –Estoi con vos.

Bueno!! Stephen Hawking didi to o contrariu. Fai un par de días, esti pristigioxu científicu, didi enun periódicu Británicu. "Dios nun existi, i o Ceu é un contu de hadas".

Afirma: "nun hai paraixu,comu tampocu hai vía dispois da morti" Él,da a entendel qu’o universu se creó da "Na" que naidi o creó i que funciona aleatóriamenti. –Ditu d’otra maneira: d’ún plumadu s’está cargandu a creación dun universu, que surgi d’un Dios creaol sempri existenti i d’un ordin, i un-ha perfecta sincronizacíón comu é a que rigi o universu.

O que máis repatea de to istu, é a falta de coherencia dos científicus .Ia, s’están parecendu a os púliticus "Donde dije digo,digo diego" (y aquí paz y despues gloria). Pues ben, con estas declaraciós, Hawking contradi algun-hos dos seis escritus precedentis: "sería difícil explicar por qué el universo comenzó justo de esa manera; salvo que Dios pretendiese crear seres como nosotros" -entri otrus-.

En fin, caún é libri de pensal o que queira.

Forti abrazu

Bo tema seria en unha tertulia con turtilla, jamon y queixu con esi bo vihnu de Chitu.
Esa e a gran incognita: ¿quen pusu a primeira peira?
Fontinova: Nun mezclis a os politicus aqui que a algún se le poi ocurril a idea de Inagural istu antis das elecciós.
A Stephen Hawking ei ia ni le faiu casu, iá nos metei un contu con buracus negrus....
Tendu en conta que nun sabemus comu comenzó o úniversu, purque tó son teorías, alguin tuvu que encendel a mecha i esa coixa tuvu que sel de otra i asi nun acabaríamun nunca. Ben pos ei ya se cuando se acaba o mundu, ¿profeta?, nun, minha lógica: O mundu se acaba cuandu nos murremus. Logu estan as creencias de ca un, que habera mutas mais.
Forti abrazu.

Hola Cerrumicli !! Ia sabis o ditu: "ninhún profeta é admitíu ena su terra ¡Venha!, m’apuntu a esa reunión ena pichorra de Chitu; -o queixu o levu ei. –Bueno, nun sé quin encendei a mecha, peru si sé quin nun apagó.<Pasaba mei agüelu Fortoxu deiantri do cuartel, cuandu un guardia sai correndu: ¡abuelo,que le arde el bolsillo! Había incindíu o mecheiru i s’ulvió d’apagal a mecha> -istu é verdai-.

"Ex nihilo nihil fit" (de la nada nada surge) ¿Si nun había na,de dondi fidu Dios o universu? Esa, é a pregunta que nos femus a maiuría. -Un compositol,compón un-ha obra seida de ninhu-ha parti, tan sólu da sua inteligencia.Un arquitectu, crea un disenhu que nunca ha vistu; ha seidu da sua inteligencia.

Nun creu que to acabi cona morti, si así fora ¿Qué sintíu tindría a vía? -Peru hemus ditu, qu’istu o discutiríamus ena pichorra de Chitu ¿vali?.

Forti abrazu

"Ex nihilo nihil fit". Ergo toa obra ten algu de plagiu-.
Con o permisu de Chitu, será un placel probal esi queixu cauntu antis, que ia sabis que a estas alturas: "Nun dexis pa manhan o que poas fel hoxi". Tendré que leval ensaimás pa que Xabel poa disfrutala de novu,i os que nos acompañin.
Forti abrazu.