San Martín de Trevejo - Caceres

De boa fe se me reitera que me gusta a polémica...nun é certu. Unha cuestión é a discrepancia y otra a polémica, a bronca, a crispación...
Asi cumu respetu a opción que e millor nun responder por aquilu de
que a "palabras necias oidos sordos", sin embargu, optar por responder
"porque quien calla otorga". A RÉPLICA sempris debi darsi y é a esencia
do foru.Responder sempris, sempris y de maneira respetuosa.

Temus a listas dos candidatus mañegus pas próximas eleccios municipais.Esperamus os seis programas. Chama a atención que nun repitan, exceptu Máximu, en ambus partius. Creu que é un error do PP que Consuelo García nun encabeci a lista agora que ten experiencia. Se me dixu que cumu nun vivia en o lugal ...Nun se ha perdiu niñun plenu. Cuanta genti que residi en o lugal nun se enteira do que sucedi en o mismu. Cun istu nun queru descalificar a Carlos ("Viriato") que por certu en tempus pasaus era o simpatizaba con o PSOE. E unha persoa prepara y muy educa, pero sin "ganchu" electoral. Perteneci a "aristocracia" do lugal y o digu respetuosamenti. A o númeru tres nun o coñozu: Rafael Aguilar.O PP nun ten banquillu pues nun apareci niñun
suplenti.
Máximu repiti y se ha vistu obligau a convencer a sua filla que ben
puía habela ubicau en un tercer lugar, por estética y tamen por
ética. O he encontrau con muta forza y muy entusiasmau. Nun obstanti,
tal y cumu está o PSOE le pasará factura y nun creu que obteña mayuria
absoluta.

Cuando expoñan as fotus do pantagruelicu banqueti dos mayordomus
da Cruz, falaré do mismu. Tamen da guarderia municipal, do salon
de actus ("multiples")y da hospederia.
Y é unha pena cumu esta queando a calzá..."Quin rompi, paga" -se dixu- esperu que cuandu acabi as obras de San Joan sea restaurá.
Bos días.