San Martín de Trevejo - Caceres

Menus mal que Chafurdón nos vai deleitandu con esas puisías, en as que pon sintimentu.
De esta forma ulviámus a algún que otru mezucón que emplea esti foru p´a insultar, o al menus ser un faltón

Se le ve enamoráu, hasta o puntu que deiantri d´a Crú le sulicita matrimoniu a sua morena.

Isu está ben Chafurdón, dambas coisas, a puisía y que te casis con a moza que ques. repitu: Se te ven bôs sintimentus.

Tés que siguil asina, y p´a que o foru se animi, voi a colgal unas rimas que, fai un tempu tiña meiu emperchás, y que un-hos días por otrus, nun acababa de poñelas por escritu.

É un-ha historia de una familia que ven a vel o lugal, d´o que le han faláu mutu y ben. Esa familia fai un recurríu por distintus sitius y callis, y se vai animandu, a midía que recorri un-hos y otrus lugaris.
Creu que le gustó o lugal, si ben nun recordu que haia voltu. Esperu que sí.
Máis o menus didin asina:

MI VISITA A SAN MARTÍN

1
Dexió o cochi por o Forti,
cuandu chegó p´o lugal,
porque a hora de aparcal
se ve que nun tuvu sorti.
Esi homi de gran porti,
dispostu a dal un paseu,
se caló ben o chapéu,
ya que Fincacha y o Chitu,
en Sivilla he habían ditu,
que era un sitiu de recreu.

2
Con a corbatá axiustá,
con botas de meia cana,
camisa de filigrana,
con a chaqueta abrochá,
nun le faltaba de nâ.
Bocamanga con gemelus,
poicas canas en o pelu,
gafas de sol progresivas,
a mirá redia y altiva
cumu si fora un modelu.

3
Acompañáu d´as duas fillas
empezaba a camiñal,
eleganti, señorial.
- ¡¡Hay que ver que maravilla!!
esto no lo hay en Sevilla –
ripitía con insistencia.
Ni en Castilla, ni en Valencia,
ni en Mallorca, ni en Mairil
pensu que tendré que vil
por aquí con máis frecuencia.

4
P´alí lonxii ve o Conventu,
tamén mira aquel pilón;
se le ve satisfacción,
se nota que está contentu.
Sigui andando, mui atentu
tratandu de nun mollalsi
y evital tel que pegalsi
golpis en as escaleiras,
que hai mutas por a Correira
antis d´a plaza chegalsi.

5
En esa plaza pasea
y contempla o campanariu
que, cual bastión solitariu
sin iglesia alí hermosea.
Algu en a plaza le afea,
que nun pega alí, ¡por Dios!
pero ya sabemus tos,
que en Triana ni en Sivilla
nun le dirán maravillas
das cadeas ni os macetôs.

6
Ve un-ha casa señorial,
“Casa d´o Comendaol”;
alí moraba o señol
de esa "Ordin d´o Hospital"
dueña entoncis d´o lugal.
Le advirtin un-hos dagáis
que saia por os portáis.
Él le fai casu y repara
en a “ventán de Barara”,
Y an as peiras y os cancháis.


Bueno, por hoxii está ben.

Aquí, detras d´o campanariu, mirandu a VENTÁN DE BARARA, dexiamus a esta familia.
Ya veremus máis aiantri, por dondi camiñan.
Esperu que agarrin un-ha boa ruta, y que a xienti d´o lugal os trati ben, y le vaia indicandu os milloris sitius.

Cumu sempris forti abrazu pâ tôs cuantus miráis esti foru.
Y muta soidi

B_RODAS

heris un artista amigu brodas,ya era hora que a yenti de o foru se fora animandu,que ya heitaba de menus histu,y tel boas conversacios con os amigus de o foru,despois de tantus mensajis maus y sin educacion,avel si se animan os demais y temus charlas comu as de antis. chitu avel si te contas algu de esi sevilla, y nachitu igual,y os demais tamen. soidi pa continual con esti foru de os mañegus.as.

Ya didia ei qu'esti foru tiña boas persoas, y Valverdi tamen ¡ he !

,,Forti abrazu pa'tos

Esti e o nosu Foru y Brodas o nosu cronista-poeta. ¡He ditu! Soidi pa tos y pa a fala.Chitu.

Hola amigu BRODAS,gracias por esas rimas que con tantu esmeru pos en esti foru,veu que as deisau a esis vixitantis ilustris mirandu a (ventán de barara)pos a mi mas deisau con as ganas de sabel algu mais sobri esa ventán,te agradeciria que o explicaras,i ya de anticipau te doi as gracias.
un abrazu. Lalo-rokky.

O que máis sabi de esa ventán, que, en lenguaxi coloquial coñocemus en o foru como "DE BARARA", está detras das campanas, en un-ha casa, que poi sel de Ismael Canu, pero o que máis sabi de istu é o amigu FONTINOVA, cumu en sei día se puxiu en o foru.
A vel si se anima y t´o explica, con tô luju de detallis.
Esi homi que recorri o lugal ya vai subindu a costa de San Peiru, a vel si tenhu un ratu y le doi un empurrión.
Boas tardis
B_RODAS