San Martín de Trevejo - Caceres

En primer lugar,queru felicitar a Cana,
Que cumplas mutus anus con aligria y con soidi,(que isu é o mais importanti,)
y que por mutu tempu, en esti foru,, sigamus felicitanduti...

Tamen queru deseal a Fontinova muta soidi ,pos pareci ser que a andau de mecus..
esperu que ya estes recuperau

Nun sé, si é o invernu,o a "grisaille"de Paris ;pero ,os animus an andau un poicu vaisus...y ha habiu poicas ganas de escribil en o foru.Estoy de acordu con vosotrus en que nun poemus deisal de comunicarnus a traves de esti meyu tan extraordinariu ;pos siria unha pena...

Aqui vos enviu un articulu ,pa medital..
'O Dalai Lama le preguntorin que, que le surprindia mais de a humaniai,y respondei
"Hos homis...porque perdin a soidi por acumular o iñeiru,y dispois, perdin o iñeiru pa recobral a soidi.
Vivin tan angustiaus pensandu en o futuru ,que nun vivin o presenti,asi de esa maneira ,acaban por nun vivil ni o presenti ni o futuru..
Elis vivin cumu si nun se foran a morrel nunca....y morrin, igual que si nun huberan viviu.

Bueno a tos vosotrus amigus do foru,vos deseu muta soidi y animus pa siguil vuscandu a sabiduria
A parral ,sigui escribindu contus-leyendas-realiais de a princisita..
A Nachitu ,tu tamen, sigui escribindo to que te pasi por a cabeza...
Hasta otru ratu amigus,
pa tos un abrazu y soidi a fala
Anduriña

Ben, esta mui ben.
Num fai falta mais que salti um'a chispa pâ que istu s'encenda.
Esta noiti me vo mais contentu pâ cama, debaisu das albas sempris
quea borraiu incindiu.
Que dilema nos deisas Andurinha, algu asi comu que foi primeiru,
si u ovu o a galinha, pensaremus istu, pos da pâ pensal.
Alfena, aei estas tu, num decaias o que a sigui a cunsigui.
E mestel apoial ao conceixal de cultura purque falta le fai, me temu
que num ten mutas axuas desdi dentro o mutu me equivocu.
Asi que num te preocupi sel cumu a china que se meti eno zapatu,
o ta quitas o num veas o danu que fai.
Esta claru qu'o que se di en esti foru nâ importa purque num somus
votantis, peru num por isu vamus a deixal de dal nossa opinion.
Forti abrazu a tôs i larga via a fala.

Estimaus furistas tos:

O primeiru pil disculpas a os que nun me acurdi de os seis nomis en o mensaxi anteriol, pero nun pol nun poñelos son menus importantis: seguru que agora tamén me voy a ulvial de poñel o nick de muta xenti: Andutiña, Cana, macama, miña amiga Mañega ausente, lauryan, xiuan, a Brodas que o escribí mal postu, y a tos os que nun aparaci tampoicu en esta torpi lista de xenti que estandu en cualquel rincón do mundu estamus muy cirquita do lugal.
Comu non agradecel o ánimu a mei amigu Nachitu porque con muta xenti como él San Martin estaría bastantes pasos mais ayentri, mais cerca do ideal de lugal que tos deseamus.
Si algin me didi a dóndi van a parar as sugerencias que se fain en a página oficial do Ayuntamentu, se lo agradeceria porque si nun chega a resposta o un mensaxi de recibiu, 1º pensu mandal otra pindu que as sugerencias que se fayan dibian tel un acusi de recibu que nos dixeran, como con os e-mails que, a persoa a quen os mandamus os ha efectivamenti recibiu. 2º O siguienti pasu e si os han recibiu que digan si sirvin o non. Si sirvin cómo y dóndi os van a empleal y si nun, dóndi está o errol o a radón de que nun sirvan. 3º si se emplean cuál ha siu a postura da corporación municipal en esi asuntu.

Soidi a fala

-Hola Andurinha!.
Mutas gracias poresis desseus de soidi que menvías. Pues, a minha patología, ya tén difícil remeyu, i nun é o fríu donvernu, ni o calor do verán; o que ocurri,é questi motor anda ya algu dessaxustau. O mecu m’ha ditu,que pa estis caxus conhocí un tallel mui bo en un-ha paradissiaca isla do Pacíficu dondi hai nativas mui especializás enaxustal esti tipu de pezas. Pero a minha mulhel,nun está disposta a pagal o bilheti d’avión,me didi: que si queru dil, que me vaya anandu. Así, que por o momentu me quearé pora terra de Dª Urraca.

-Bueno!!. De cuandu en cuandu,conven eitali un poicu de pimenta o foru; do contrariu,istu vai a estal mais estirau qu’aquel Lord inglés,que durmía colgau dun-ha percha pan nun arrugalsi.

O que didi essi Dalai Lama,é un-ha verdais comun templu. Aunque, na novu nos didi en cuantu a vivir con ilusión o día,día sin obsesionarsi cono futuru.Essa filosofía de vivir,ya se estilaba en San Martín fai mutissimus anus. Pues os nossus páiris i agüelus, se guiaban poro instintu i a lei da naturaleza -essa nunca falha-.

Alfena: nun sé si cuandu te refieris a esi par de bos furistas qu’han estau maus,soi algún d’elis. Sea o nun sea, te doi as gracias,sempris te he considerau un manhegu de talha i sabel estal en to momentu altura das circunstancias. En cuantu os anus: si me qués ben,nun me desees que viva tantus, pantoncis estaría feitu un cacahueti.Pues agora voi caminhu dos (111110) anus,-imagínati o dobli- .¡Bueno!, tampocu to queru ponhel mui fácil, dedícali un ratu pa fel a conversión a decimal.

Sobri as sugerencias: fai poicu tempu dixi qu’habian cerrau o buzón i tirau a chavi do ponti de San Péiru p'abaissu.-Caulquera a encontra agora con tanta maleza!!.

Soidi i un forti abrazu a tos.

FONTI NOVA

PD. Chitu: macordu perfectamenti de "Tiu Sixtu o Peceiru".Un bo manhegu, i un bo maestru lagareiru; tamén recordu inda o nossu númeru de sociu cooperativista,"era o cuarenta i novi".