San Martín de Trevejo - Caceres

En estis días de festa, he sintíu nostalgia do Lugal. Será, que con tanta agua qu’está quendu p’oraquí i sin poel sel de caxa; le da a, un, tempu de pensal en to.

Tamén s’acerca noiti boa. Sempris p’orestas fechas, me ven a memoria as naviais do Lugal. ¿Quen de noxotrus, nun guarda un destelhu de lu d’aquela época?. Os recordus máis entranhablis do día de noiti boa: cuandu vulvíamus d’apanhal, pe punhía arreol de minha mairi mientras preparaba a cea –algu queia-. Logu, diba a taberna do Biderru a buscal un cuartilhu d’anís. Tampocu faltaba a misa do galu. Pa mí, era un-ha obligación; porque tinha que leval agarrau a mei agüelu a beixal o mininu – ia poeis imaginal os mutivus-.

PD. He colgau esti vidiu, pensandu en un furista qu’esperu volva a entral aquí. Alguin, con ganas de tocal os colhós, se metei con él sin ninhún mutivu. Si alguin enesti foru, mereci o respetu i admiración de tos, esi é él.

fonti nova,mutas gracias por esis vidius tan bonitus que pos senpris en o foru que nos fan recordal a os que estamus en o lugal as coisas tan bonitas que temus que vel,hei vendu o vidiu e sintiu nostalgia de vel sitius que man feitu recordal momentus muy bonitus de cuandu era pequenu y mais agora que e tiu un acidenti con o cochi y pensaba que nun iva a contalo gracias a cru bindita me pusu a man es toi ben,pero o to terenu pa o des guaci. soidi pa fala

¡Hola Chafurdón! Pues,na sabía do accidenti.O máis importanti de to,é, que tú haias seidu ben parau.

Claru está, qu'a nosa Cru, protegi a tos os manhegus/as.Tan sólu,hai que confial enela.

Forti abrazu

!Muy lindu esti videu,Fonti Nova!!Por ei tendis muta agua,y por aqui en Paris,muta nevi...
!!!A hernia ,amigu.... tes que falal con ela....!!!que sea levi .

Chafurdon,tampoco ei sabia na do tei accidenti,pues hay que dal gracias que solu haya seidu danau o cochi....

Soidi pa tos
Anduriña

Fonti Nova, un preciosu vidiu, as feitu coincidir as imaginis con a letra y uniu as duas vodis, alta y baixa, fay un conjuntu que desde logu aflora a nostalgia y a murrinha. Te felicitu!
Tos os que por aquí estámus temus esi gratu recordu de aquelas naviáis en familia dondi se xuntaban os aguelus, os tius, os primus...y se saboreaba a millará, a sopa de almendra, o turron caseiru, feitu con almendras de aquelis almendrus centenarius. Y dispóis da misa do galu inda continuaba a tertulia y cantábamus villancicus tocandu aquelas castañuelas de maeira labrás...
Caún tendrá os seis recordus y de esa maneira inda vivimus un poicu as naviáis con aquelis que nos deixorin y que sempris os temus presentis y máis en estas fechas.

Pa Chafurdon, sintu mutu o de o accidenti, vivu en o lugal y tampocu o sabia. Pensa que o material se poi recuperal, pero a via o a soidi non, tes unhas preciosas mininas y mininu que te necesitan mutu, así cumu a tua muller. Un bo mutivu pa dali gracias esti anu a Cru Bindita, me unu a daselas tamen, y te deseu mutu ánimu.

A chuviu mutu en o lugal, os rius venin con muta agua, y cumu sempris o coloriu e espectacular.

Soidi pa tos y pa Fala.

mye

Amigu Fonti Nova, me quitu o sombreiru! vaya videu, de a emoción me has queau de peira, que sigas fendu mutus y que nos recreemus toos os furistas.

Y a ti Chafurdón, que aunque nun sé quin eris, me alegru que nun haya pasau na en o accidenti y poamus contalo.

Aúpa a Fala.

Uliveira

Como homenaji a o lugal,o vidiu nun ten preciu, Fontinova.Se pon, en expresion muy mañega, a carni galiña.E unha composición propia de un premiu en algún festival de cortus que hubera, y, como non, pa o autor dos retratus, to o mey recoñucimentu, que pa isu e familia. Esperu verti estas Naviais.
Pa Chafurdon vaya o mei deseu de recuperación rapida si e que resultó con algunha pequena lesion y si ten algún problema, que me mandi un "privau" o me chami. Soidi pa tos y pa a fala.Chitu

Tamén ei te doi os parabés sobri esti i otrus vidius anterioris,se ve
que aparti d'os automatismus te gustan estis montaixis,me gusta.
Num m'atrevu a darti remelhus sobri a hernia,despois de dalti aquel
que acabastis cum a narí esfolá,istu num e igual,cumu di Andurinha e
milhol que le susurris i si num pois cum ela pos te fais sei amigu.
Chafurdon,sintu o tei percanci i doi gracias pulque num te haia pasau
ná fisicamenti,o do tô terrenu ten sulución,to aquilu que se poa arreglal cum inheiru e mal menol.
Levantei esi ánimu,que num vos poa o mal tempu i que as adversiais d'a via num vos superin,mirei o lau bo d'as coissas.
Esta mais cerca o dia do foru,o 28 vos pareci ben a tos,num idis ná,
purcertu Fradiscu Fontinova,queru creel que acuiras cum'a familia.
Cerrumicli,Brodas,dondi andareis,um andará reparandu o niu i otru na
terra de Maria Santísima.
Hoixi filicitu a toas as Inmaculadas,en especial a minha prima que anda
pol Paris,oh lá lá,deseu que haias pasau um bo dia i que celebris mutus
mais,se que num lees o foru peru estoi seguru que Andurinha to dirá.
Que coissas,denantis era hoixi o dia d'a mairi,logu o pasorin ao primel
dumindu de Maiu,a Igreixia num é tan inmovilista cumu algum'os didin,
pos as mulheris sempris as han zarandeau ao largu d'a historia.
Que haiais pasau um'os bos dias de descansu i manhan vorta a matina,que
colpu descansau inheiru vali,peru num vos acostumbreis mal.
Forti abrazu pa tos i muta soidi.

P.D.
Fontinova,ago m'ha vindu a memoria um bo remelhu de tiu José o ferreiru
que idia. Ei ben se,qu'um bo tragu de vinhu cura mutus malis,o idia
pulque tinha um axuanti que le tembraban as mas i le idia ofrecenduli
a xarra,eita um tragu,logu se prududia o milagru,de ahei a frasi.

Chafurdón: Has tiu sorti de sel ven parau do accidenti,comu ben didin os foristas anterioris (anque sea unha putá) se poi reponhel, as persoas nun, así que a dal gracias a Crú.
Do vidiu de Fonti Nova que poemus idel que nun sepamus ya. ¡¡Magistral!!
Agó vos tenhu que iedel i con mutu pesel que de novu se me han turcíu os plas de dil a cumía. A mullel a han chamau pa operala de os deus dos pes pa o día 20, así que nun poerá andal prácticamenti en toas as festas, i menus viaxal. Ma sorti, esperu que o paseis ben i que seais mutus i que vos acordeis dos que nun estamus.
Forti abrazu.

Chafurdon me alegru que estes ben nun sabia o de o tei acidenti,bueno ya paso y gracias a Cru estas ben.Didis que se fastidio o to terrenu,si necesitas miña ayua,coñozu a mutas casas de esti tipu de cochis y poyu consiguil bos precius.
Forti Abrazu

Celebru qu’os haia gustau o vidiu. O que me pasa: soi, un juíu romanticón, que levaré cunmigu o Lugal hasta que me vaia con "Fáustu" (o da trompeta).

Cerrumicli: esperu i deseu qu’o de Maruja nun sea na . Pues, si chegais a dil o Lugal; os amigus do foru qu’alí estén, nun dudarían en agarral un-has "Andas" d’aiglexia pa levala a festona. ¿Estamus d’acordu Chitu?.

Andurinha: a esta hernia, ia l’he falau en tos os idiomas que conhozu i nun hai maneira de que me deisi. Me ten tantu carinhu, que, ni o traumatólogu cunsigui eitala d’aquí.

Nachu: nun sabis comu me gustaría estal ena festona. A familia qu’esperu pas festas de naviai, son, un-ha tía i un-aha prima da mulhel (mairi i filha) que vivin en Mairil i que nos uni un forti lazu familial. -Paulita (qu’así se chama),ten noventa i cuatru anus. Aunque está bastanti ágil, me temu, que nun estaría pora labor aunque se lo prupuixera.

En cuantu o qu’eidía tíu José o Ferreiru: -homi sabiu dondi os hubera-, estoi totalmenti d’acordu. Nun hai na, qu’un-ha boa xarra de vinhu nun poia cural. Coixa, qu’os manhegus d’antis sabían mui ben. Qu’a nosa Cru, nun pirmita qu’esa sana custumbri se perda.
Forti abrazu a tos.

PD. Vos sugieru: o cabritu/us que Chafurdón quel ponhel, que sean, entri seis/seti kilus en limpu. Pues, degustal esa delicatessen criá enos montis manhegus. É un privilegiu, que poica xenti hoixi alcanza.

Didin por Castilla: "cordeiru asau, cabritu guixau" . Sí,máis trabalhoxu, peru nun se poi comparal.

gracias a tos por a berus preocupau por mi y por o apoyu que me habeis dau que en estis momentus me a sirviu de mutu gracias a cru nun me paso na gravi quedo en o sustu se me cruzu un perru pigui un volantadu pa esquivalo y perdi o control de o cochi comiti un errol en ve de pisal o frenu tiri do frenu de man y empezo a dal voltas.mutas gracias a tos soidi pa fala

Gracias Fonti Nova por esi vidiu,que se ve en el que tes muy bó gustu pa compoñelo y reflejas en el o sintimentu que tes por o lugal,acabu de velo y cumu didin:Se pon a carni de galinha.
Un recuñucimentu tamen pa as fotus que has sibiu mezclal con a canción y o resultau EXCELENTI.
Pa o restu dos furistas deseu que pasin un bó dia reunius arreol da cumia que o dia 28 están preparandu.
Ei nun he tiu ocaxión desde que diixí o lugal pa pasal as Naviais en o lugal desde fai45 anus que me viñi.
Diferentis mutivus que impidin poel estal en estas fechas.
Tamen queru dali un recordu pa Chafurdon y que se recuperi completamenti.
Un saluu pa tos y que disfruteis da estancia en o lugal.
Lalo.