San Martín de Trevejo - Caceres

Cumu as queau dispois da tamborrá.
Ia ni arrimichas pur o foru, pâ tantu ha siu.
Pareci que tas diu de retiru cum os budistas.
Esperu que t'encontris ben.
Forti abrazu.

Estimau Nachitu y demáis furistas:

Buenu comu mutus de voxotrus sabeis tanben comu ei o mais estes donostiarras so tenin criu y so sabin programal muy ben. de 20 en 20 dias se montan una festa y veña cumia bibia y jarana. Y si non fijeibus:dispois dos reyis ya tenin montá desde o 18 a o 21 a feta de San Sebastian y so montan de meu se dividin en cuadrillas de 50 0 100 persoas y van dandu a tabarra 24 horas ininterrumpias tocando por to S. Sebastian os tamboris y como le ha queidu en dumingu a fetiviai sa garran tam.en o lunis de festa. Pues pa este fin de semana ya sa tenin montá otra vé y agora e con os caldereirus, Se vistin de gitanus húngarus y van tocandu por os vbarrius satés contra cucharós o cazuelas pero con música. Y pa o siguienti dumingu son as inudes.Se disfrazan de gexti de serviciu de esas de época que diban a os parquis a ligal con os soldaus y con o mininus en os cochecitus. y dispois os dos o tres dias do carnaval...y suma y sigui
Bah que so tenin ven pensau. en meyu metin alguna festa familial y e por isu que nun tenin mais remeyu que sabel de cudiña porque to son de fest a festa y tiru por que me toca.
Ya ves amigu Natxitu, tu que vivis cerca o sabrás ben porque os bilborarras o saben fel igual de ben o millol. To istu e comel y bebel y repoñelsi dos atracós par seguil con a festa.
Con os budistas didis, cualquel dia me voy pa lá. Con esti ritmu é que nun chegamus a vellus.
Bueno, alguna cuixita si que é postu. Nun te preocupis que si que me metu tos os dias en o foru, faltaria mais y os voy lendu to o que poñeis. Tendis tantu éxitu que ya hasta ven xenti de otrus forus a chalrreal. Y logu tos voxotrus que sois una maravilla ca´un en a sua especialiai. O que pasa y por nun repitilmi que nun se mutas vedis qué poñel porque comu sabis nun coñozu gran coixa do lugal. Pero ten por seguru que vos leu. Y en esta a has armau con a tua poesia do comendaol.
Me dixisti que frenara un poicu con o da fala pero tiñamus que habel cunbvinciu a os que mandan que istu nun e un a moa pasaxeira, e a nosa fala y que por naridis, les gusti o non ten que sel p´ayantri. Ya he vistu o reportaji que feran con os dagais contandu contus en mañegu. son bos pasus pa dalnus a coñocel. Pero si esti é o principal objetivu do foru, me da a impresión que nun o estamus fendu tos os esforzus en a misma dirección o é o que a mi me pareci. O mismu estoy equivocau. Tiña que estal estudiandusi ya a nivel de Junta de Extremaura. Nun se igual e que soy muy pretencioxu. Pero to pol a Fala. y p´ayantri furistas.
Os leu y me enorgulleci sel mañegu y contalmi entre os vosus amigus.
Soidi a Fala y por extensión a tos os furistas.

Eris un bo mañegu Alfena, y o estas demostrandu con os teis escritus, a pena he que nun haya muta participacion por que por o que he analizau en o foru a mayuria de os que escribimus estamus tos fora de o lugar, por unha u otra radon a tos nos toco sel de ali, unhos por estudius, otrus pa buscar unha via millor otrus por que se foran de pequenus, como he o tey casu, pero tes meritu ya que a esa edai a mayuria ni se acorda de o lugar y tu siguis añorandu esi pueblu tan lindu dondi nos criamus,y sempris tes algu bo dedicau a o lugar.Ojala algun dia teña a sorti de volver, aunque sea cuandu me juvili aunque isu aun quea un poicu longi, pero he algu que creu que tos aspiramus,¿a que si?.Bueno, nun me queru poñel melancolica y a estas horas menus.Un abrazu pa tos os furistas y en expecial pa ti por ser un bo mañegu..........Soidi a fala

Bos dias A Cepa:

Agredezcu mutu a tuas palabras. Pero tan tu en o mei caxu comu o te tantus y tantus mañegus que nos tuvemus que dil do lugal a verdadeira zadón y o méritu to foi de nosus pairis que hasta que morreran a sua ilusión y o sei objetivu sempres foi poel volvel alguna vé a o lugal. Ei , comu en mutus otrus casu que tos coñecemus tuvi a sorti de aproveitalmi de ese cariñu que en tiñan meis pairis por San Martin. Tantu e asi que entre sus últimas voluntais estaba o de ser enterraus en terra do lugal. Volvel as suas raidis. Os que estamus fora eitamus mutu de menus a o lugal y a nosa familia procuramus pasali sempris que poemus que en un lugal, en un hermosu valli hay un cachitu de terra bindita que o nosu tesoiru que vale pa nosotrus mais que toas as riquedas y os avancis tecnológicus que poyan ten en otra regiós mais avanzás.
Vaya desde aquí y agora a tos os que, por cualquel radón se forin do lugal en busca de millora pa seis fillus pero tenin claru cual é sei norti, sei paraisu y nos o superun trasmitil.
Soidi a Fala y a tos os mañegus de ben. Gracias A Cepa con to o cariñu.

¡¡¡COLLÓS!!!! –falandu eno mais puru estilu manhegu- .Que bos manhegus i manhegas, hai por essis mundus de Dios.

É, un placer leel escritus comu estis de boa manhán,-tonifica a alma-. Alfena: levu gran parti da vía trabalhandu fora eno mundu da industria, i esti, inda nun l’aganhau a partía os anus que passí eno Lugal. Tantu é así, que tenhu dau instruciós a familia pa cuandu chegui o día , me levin po Lugal; pues nun queru que m’edeissin poraquí.

Tampocu queru estal ena Relva,sé qu’a minha mairi l’agradaría qu’estuvera conela,pero m’aterra tanta oscuriai. Pues, queru que me tostin eno fornu i esparramin as albas eno nossu campu. Ya, tenhu eligíu un sitiu precioxu,desdi alí,veré comu sai o Sol ca manhan i os precioxus atardeceris, i poranoiti,sintiré comu a carrunchela de Santa Clara m’acaricia,i contemplaré o passu sin fin das constelaciós.

A cepa: didis qu’inda tés lonxi a jubilación,issu significa que te quean inda coixas por fel, Pues ei,ya estoi enantessala, si a sabis leval,creu que é otra etapa sin duda interexanti.

Forti abrazu a os dois, FONTI NOVA

A Cepa te radó, pranticamenti tos os do foru estamus fora, os que añoramus o lugal i esti meyu e a forma de tel un contactu con él, tel algunha nuticia de alí por os que van y nos contan o que hay.
O entusiasmu de "alfena" e muy loabli, peru a vedis nun e pusibli fel to o que demandamus. Hai que tel en conta que os mañegus nombrarun unhas persoas pa que os administrasin y hai que recoñocel que se han feitu mutas coissas y si nun se fain mais será porque en istus momentus nun serán viablis. A cuestió da Fala ten muta enjundia, ya hemus falau mutu do tema, nun creu que nossas autoriais ni o concexal de cultura ni o alcaldi dexin escapal a oportuniai de fel to o que se poa. Nosotrus poemus fel propostas, peru o demais está es suas más. O que sí, igual que ya o fidu Chitu, fel unha chamá a tos o que poan entral en o foru y nun abandonal esti meyu que a os de fora y a o lugal nos te en contactu.
Vos habeis postu mu melancolicus i tendis e o "cocu" muy maus pensamentus. Hai que tel ganas de dil a o lugal peru nun pa "relva" y a Santa Clara pa dal un paseu y logu a bebel unhos viñus en boa compañia.
Hay que vivil o presenti, que ca un ten marcau sei día.¡¡ Coñu, agó que me acurdu, teñu que dil a Santander o dia 27, y comu sea esi día o do pilotu...!!
Pa Nachitu: Ei tiña un amigu que idia que a Semana Grandi de Bilbau era a mais grandi que él habia vistu. ¿que ten, oitu días?.
Forti abrazu pa t@s.

Cumu se nota que nun coñocis ben aos de Bilbau, quiriu contertuliu Cerrumicli, si nun sabrias que en Bilbau as semás tenin os dias que faian falta, oitu o veintioitu, o mais......
Dios primeiru fidu Bilbau i dispois o restu do mundu.......
Soidi a Fala

Estimaus furistas Y paisanus:

Estoy cuntigo Cerrumicli que os mañegus tuveran a oportuniai de elegil a os represetantis que quixerun. Estoy d´acordu que suponu se fairán coixas por a Fala. ¿A cuestión é que nun sabemus ná do que se fai y cómu se está constatimenti falandu en o Foru , nun estaria demais que por parti do Departamentu da promición da Fala (ten que sel un tema prioritariu por a especificiai y a importancia que ten po lugal) tiña que dalsi conta que nun nos poi ignoral a us ciudadanus que entramus en o foru pol sel parti de San Martin. Tenin que informal en a página oficial do Ayuntamentu de o qué fain y as activiais previstas a desarrollan anualmenti en favol da Fala. Si non son elis creu que hay una Asociacíón dé amigus do lugal o algu pareciu. Perdoei a ignorancia que sabeis que e grandi (a ignoracia e muy atrivia). ¿Nun hay naidi que por parti do Ayuntamentu o d´Asociación o de quen sea agarri "o toiru por os cornus" y se presenti en os plenus pa tomal nota do que ali se didi?. Nun me vali o de si qués información chama a o concejal de cultura sr. Dumingu Frade y te informará...Nun me sirvi. O interés tiña que sel por parti de que ten a información y en o momentu apropiau. Creu que os Furistas que estamus fora les estariamus agradicius. Y encima puiriamus propoñel sugerencias que puian utilizal cuandu elis quixeran. Vamus que si se fain coixas que se informi en un foru oficial y en tempu real. Nun sé si elis tiñan que sel os primeirus interexaus o muy interexaus y debian buscal tos os apoyus alí dondi foran, si estis ayuaran a o sua Concejalía. Repitu seguru que se fain coixas. Que se informi en un foru oficial.Especialmenti o que a Fala se refieri. A Fala é patrimoniu de tos y tos nos temus que sintil ben representaus y millol informaus.
Por a parti de o que das festas de Bilbau se refieri o amigu Pirata. Isu é así palabra por palabra y fai ¿un mes? Me amigu Natxitu me mandó un chisti de un aterrizaji de un avión en un aeropuertu que ilustra que ni clavau o que son os de Bilbau ¿eh Natxitu? To dixi. ¿Eh , Pirata, os de Bilbau tenin semanas d´os días que elis queiran, o mismu que sel de Bilbau y nacel dondi elis queiran. "Aiba, la H......soy de Bilbao pero he nacido en Madrid. Pero, ¿todavía no sabes que los de Bilbao podemos nacer donde queramos?". En fin bilbainadas.
Si alguin sabi dóndi sepon a información sobre os proyectus que se desarrollan anualmenti sobre a Fala mo puia idel porque igual ya se está fendu y estoy metendu a pata. Si así fora, piu dsiculpas por a miña ignorancia una ve mais.
Soidi, muta soidi y muta información sobri a Fala.

Si, si, Pirata me había ulvia de tí. He esta alí y coñozu genti de Bilbau.
Un de estis entró en unha barbiría y o barbeiru o diba a enxabomal pa afeitalo.
-¿Que haces, no sabes que yo soy de Bilbao y no necesitamos jabon?
O barbeiru, ni curtu ni peredosu empezó a quitali a barba en secu y a dois cortis dixu o de Bilbau.
Bueno...bueno.. Ponme un poco de jabon que no soy del mismo centro de Bilbao...
Esa semana ten que sel muy boa, mei amigu idia que nun sa perdiría nunca por na do mundu.
Tranquilu "alfena" que si nun e por un cauci será por otru, sempri te enteirás do que pasa en o lugal, do bo y do mau.
Forti abrazu.

Oju Cerrumicli, comu dirian os andaludis, aqui tiña que estar a semana gradi de Bilbau de boa gana a cambiaba por as semanas grandis de Betxi que he por callis y ca semana le toca a unha, entre elas a calli dondi vivu y nun veas que audisea, a toas horas sacan os toirus, que chegas a casa y tes que mirar por dondi anda y o sacas o capòti o corris con toas as ganas pa que nun te agarri o toiru y logu por ha noiti o toiru embolau que isu ya he otra historia y cuandu non ha dichosa vervena debaisu de miña casa que nun hay forma de durmir hasta as cuatru da mañan, y isu unu dia tras otru, se acaban esas festas y empezan otras, asi que nunca he vistu un pueblu tan festivaleiru,¿ asi que faleis de ha semana grandi de Bilbau?pues ya me contareis si istu he unha semana o unha eterniai, jajajajaaja. Bueno bromas aparti que aunque as do lugar nun sean tan grandis tamen tenin sey meritu y estemus dondi estemus hey creu que tos has añoramus y cuandu chegan aunque nun estemus ali nos acordamus de elas.¿estais de acordu conmigu?.Fonti nova, a tua juvilacion estara cercana, isu quel idil que tu ya cotizastis suficienti pa vivir tranquilamenti, pero nun tes que pensar en un desenlazi tan drasticu comu he a morti, que esa he inevitabli pa tos nosotrus, tu pensa en o dia a dia y mañhan Dios dira y cuandu estemus en o lugar disfrutar to que se poa, que si dios quel esti anu me toca o mes de Agostu y por fin quiza poa dil y disfrutar de unhos dias de relax escapandu de esta locura de festas pa ver a tranquiliay de o lugar.Bueno un abrazu pa tos meis paisanus y soidi a fala.....desde Betxi ...........a cepa

Estimau amigu Cerrumicli:

Partindu do presupostu de que a Fala é patrimonio de tos os habitantis de o Val de Xálima, idía en o anterior mensaxi que, o que tíñamus que exigil era informción permanenti y segura de o qué se está fendu para gestional sei matenimentu y desarrollu. É comparabli comu cuando tú tes una inversión bancaria feita y os gestoris están obligaus contigu a mantelti constanti y periódicamenti informau de ca pasu que dan en o maneju de o tei iñeiru. ¿no?
Volvendu a Fala, si tú me didis que efectívamenti ya hay fontis de información por as que nos van a chegal nuticias permanentis sobre o que se faya con a Fala, si me aseguras istu, ya me queu mutu mais tranquilu.
O que pasa é que (sempris desde a miña ignorancia, claro)leu una y otra vé en o Foru, (únia fonti non oficial, por certu que coñozu) que hay numeroxus mensaxis sobre que hay que movel o tema da Fala. Y si te das conta a inmensa mayuria dos mensaxis que enviamus acaban con esta frasi:" Soidi a Fala". Si le deseamus soidi, será porque nun a ten ¿non?.
Sendu un ben cultural y que da indentiai y esencia a o lugal o mais ampliamenti a o Val de Xálima, nun poi deisalsi supeditá a que unos representantis elixius en un momentu dau por a xenti, sepan , quieran o poan fel algu a o respectu. Istu ten que sel un TEMA ESTRUCTURAL y muy por encima de que en o Ayuntamentu estén o hayan estau unos u otrus partius pulíticus.
O que propoñu ei é que se marqui un serviciu informativu sobre temas, proyectus, memorias desarrollás y actuaciós levás a cabu sobre a Fala y que nos teñan informaus sobre que se fai. Ni mais ni menus.
Si me didis que por algún conductu me enteiraré, nun me sirvi. Queru que esi conductu esté perfectamenti delimitau, señalau y mantíu por os responsablis pulíticus y sociais a o frenti do lugal o da comarca en ese momentu independienti de os partius pulíticus que gubernin. Elis sabrá qué tenin que fel pa poñelsi dacordu. Que se movan porque a Fala e nosa tamén. Sa hemus DEIXAU pa que a gestionin comu Dios manda. Recorda o ejemplu da inversión bancaria.
¿Quín responderá cuando as futuras generaciós nos pian responsabiliais por a pasiviai que hemus tiu?
¿logu servirá de algu lamentarnus?
Pa finalizal, recordu un de os mensaxis de un bo furista: " falal, falal...os dagais de agora sí que falan, pero ya nun é o mañego de nosus pairis y menus o de nosus abuelus...".
SOIDI A FALA.
P.D.: istu é un tema más importanti que o de si a plaza do lugal é a millol de Extremaura o non.¿esteis d´a cordu?.

Estima a Cepa: Si escapandu das festasde Batxi te vas a algún sitiu te aconsellu dil a o lugal. Si coincidimus en agostu, ya tomaremus mais de un y dois viñitus ¿d´acordu?

P´a tôs cuantus estén interesaus:

Vos citu o DOE(Diariu Oficial de Extremaúra):

Orden de la Consejería de Cultura de 14 de junio de 2000, por la que se resuelve incoar el expediente para declaración de “A FALA como bien de interés cultural (DOE nº 125 de 28/10/2000)

“La Lengua pertenece a los hablantes, “A Fala” pertenece a los habitantes de estas tres localidades y han de ser ellos los que digan cómo desean practicarla, en qué medidas y con qué limitaciones”.


Decreto 45/2001 de la Consejería de Cultura de 20 de marzo (DOE nº 36 de 27/03/2001), por el que se declara a la Fala bien de interés cultural.
En su artículo único, insiste en lo mismo

“La Lengua pertenece a los hablantes, “A Fala” pertenece a los habitantes de estas tres localidades y han de ser ellos los que digan cómo desean practicarla, en qué medidas y con qué limitaciones”.


Ya o dixi otra vé: Os que nun habitamus, moramus, vivimus, residimus, etc, y cuantus sinónimus queiramus poñel: nun temus n´a que idil: Solu redal (os que sean creientis) p´a que a fala nun le pasi n´a.
Y cumu idemus mutus deseali sorti, que (Pirata dixi), boa falta le fai.

forti apertón de mâs, especial p´a Fontinova dois que, intuyu, ha tíu un-ha mâ racha.

B.RODAS

Quirius amigus contertulius: Claro que aceptu dispoñel, ca ve que se queira, do campu do honor, ruedu o como queira chamalsi, y que esi torneu incruentu, aunque haya derramamentu de viñu, se celebri cuandu dispoñais, sempris está to preparau, o fosu, as espás ( estas en miniatura y solu pa pinchal algunha chacina), os empapasangri ( lease sirvilletas das mas,que logu se tiran, que nun hay que derrochal), en fin, que nun hay problema, solu hay que idel o dia y se dispondrá.
Algu se está fendu, creu, sobre o tema de a fala y mantela viva; nun fai mutu falaba Gonzalu con unha Conselleira de la Xunta de Estremaura y le idia que, precisamenti ago que una Valverdeira estaba en o gubernu autonómicu era o momentu de promovel a creación de talleris de a fala en os tres lugares, talleris que poeran sel como clasis adicionais pa os dagais y pa to o que quixera perfeccional y estudial a fala pa chegal conócela mais y a divulgala millol. Temn pa estudial a creación de unhas reglas comús, de expresión falá y escrita. Nun se si se está fendu algu ya o en que queará a coisa, pero e verdai o que didi Alfena, a os de fora, como nun nos informi alguin que esté en o lugal, nun nos enteiramus de na. Os gobernantis nun debin tel tempu de mandal que alguin entri en o foru y conti algu, que temus dereitu a sabel como van as coisas, igual que temus dereitu a fel cuantas criticas, constructivas, desde logu, se nos ocurran, y tamen, por que non, a exigil o millol pa o nosu lugal y pa a nosa cultura, aunque mutus de nosotrus non dispoñamus de votus pa dal aei, siguimus sendu do lugal, siguimus querendu o millol pa o lugal y pa o nosa fala y isu, solu isu, ya nos legitima pa pil y exigil to aquilu que creamus que e bo, que nosotrus, creu , tos os que temus interés, si se nos pi colaboración a vamus a dal sin escatimal na, asi que, hay que siguil pindu y aunque de un golpi nun se tira un poti, de mutus milis de golpis si se derriba. Aquí nun se quel tiral na ¿Eh? aunque si se quel construil o millol mantel y milloral o que nos legorin nosus antepasaus. Pues isu, sigamus pindu que o millol nos acaban escutandu y fendu casu. ¡Información!¡ Información!¡ Información!. .Soidi pa tos y pa a fala, que aunque a fala a teña inda, que si a ten, Alfena, a soidi nunca sobra. Un saluu pa tos de Chitu

Nun creu que se nos teña que informar, o que queira sabel sobre a realiai do lugal telfonea a o ayuntamentu u entra en a WEB oficial:

Se ha colocau unha WEBCAM en o depósitu de agua de San Lázaru
"para que se nos vea en todo el mundo"

Se ha empezau "a poda de todos los árboles ornamentales del municipio"
(As plantas das jardineiras da plaza ¿son ornamentais?)

Me han regalau, chitu, unhas botellas de viñu do Penedés, Torres "Sangre de Toro" y me chama a atención o tapón de rosca.
Observu que en viñus con a D.O Ribera del Duero o tapón nun era de corchu, si non de silicona.

bos días.

¡ Colhós Fonti Nova !
¿ Tan malitu has estau que las vistu as barbas a San Peiru ?
Si a siu asi num le des voltas as coissas, a morti forma parti da via.
Peru num temus presa, cumu di Cerrumucli, ca um temus nossu dia,
mentras hai que disfrutal tô que se poa.
Cumu temus ideas paricias sobri as últimas voluntais
to voi a contal en versu.

Cuandu ei me morra
queru que me levin
pâ o nossu lugal.
Purqui alí minhas
albas han d'eital.
Num queru sepultura
purqui e mui oscura,
tampocu queru que me
venhan a choral, ai, ai,
purqui ei sempris he siu
ventu en libertai.
Ventu que ven do baissu
do Val, subi pa cumbri
do Adebu, i num se sabi
dondi vai a paral.
Esi e o ventu do
nossu lugal.
Queru que me suban as albas,
ao altu de Sálima,
eno mais altu da cancheira
as esparramin i as levi
Dios dundi queira.
Num esto tristi tendu
pul companheiru a Fonti Nova,
xiuntus veremus pasal as
constelacios i caicuandu
a luna nova.
Esi sera nossu Eden pâ
sempris i pâ tô que queira.
Bo paisaixi, agua, verdi,
pâ tô que se queira.
Mentras e mestel godal da via,
comi i bebi ca via e brevi.
Si eno lugal levantamus os
vasus pa bridal, dieremus.
A uma, as duas, brindemus
purqui nossas mulheris
num se queen viuas.

Forti abrazu i arriba esi ánimu.

Soidi pâ tôs i larga via a fala.

estimaus amigus Natxitu y Bego:

Tas descubertu y veu que eris un poeta realmenti improvisaol de bos versus. Parecis un "bertsolari". Muy boa simenti vay a habel con tanta boa xenti que quel esparcil a sus albas por os cerrus y praus do lugal.
Un abrazu pa os dois.
Soidi pa que naidi deixi viu a o otro pa isu nuca hay presa.
Soidi pa os dois.

-Caguenla Nachitu!!.

-Si estuvera en Bilbau,me quitaría a chapela. Pero en terra Castellana me quitu o sombreiru. Nunca pinssí, que talis dotis t’acompanharan.

-Mutas gracias por essis versus. Pa mí, siría un gran honor terti o mei lau; difícilmenti encontraría milhol compañía. "Pues que sepan os demais; qu’istu son plás a largu plazu de Nachitu i meis, i que naidi mais está invitau". Tamén é certu,qu’estau cona moral un poicu queida Nachitu. Será poresta juía nebla i esti friu que se resistí a deissalnus; pues comu dixestis tú, aquí hasta os lobus levan bufanda -istu me fidu muta gracia-.

A cepa/Cerrumicli: ¡¡bueno,bueno!!. Ei, nun he ditu que me queira dil con Faustu o da trompeta –Eh !!.Solamenti dissi o que quiría que fideran cunmigu o día q’estiri a pata. Pues,inda le tenhu certu apreciu a estis cansaus hossus.- Ademais! , ¿nun hemus queau en celebral un torneu ena pichorra de Chitu?. Si comu resultau dessi combati,alguin perdera a vía,-que Dios nun o queira-, nun siría un ma sitiu pa deissal esti mundu. Pues o gran Alejandru, morrei ena pichorra d’un-ha boa panzá ; (i nun foi precixamenti d’un reserva,sinon dun clareti do anu).-Vaiti a sabel,comu eran os claretis de Babilonia-.

Bromas aparti, pa cultura occidental,o conceptu da morti ,significa a mayol tragedia pa perssoa; sinembargu , nun o é tantu pa otras culturas. Ninhún dagalitu/ dagalita,sinti vergonza da sua desnudez,ni se sinti incomodu por os cheiroris que le rodean hasta que nun vai recibindu educación i le fain sintil qu’itu é así. Creu,que mais qu’amorti en si,o que nos aterra é a incertidumbri de nun sabel o que hai detrás d’ela.

Pues,tenhu encima da mexa oitu o dé invitaciós que man enviau os proveedoris pa BIEMH de Bilbau . -A verdais: dispois de leel a Cerrumicli,mo estoi pensando mutu i creu que nun diré; pues didi, qu’alí afeitan a ún en secu. Ei tenhu a barba mui dura i por o momentu,ya tenhu bastanti cono afeitau que me fideran eno hospital.

Un abrazu pa tos, FONTI NOVA

PD. Cuandu idís, qu’o Ayuntamentu nun atendi ninhun-ha sugerencia dos que escribimus eno foru .Pues, ya fai tempu que cerró o buzón i tiró a chavi.

¡Gracias BRODAS!,acabu de leel o tei escritu.

Hola Fonti Nova: La BIEMH de Bilbao puede esperar... ya habrá más Ferias y no precisamente de trabajo.
Tú recuperate bien del todo pues tenemos planes para ir en Mayo a pasar La Cruz a San Martín, así que allí te conoceremos. En Semana Santa iremos a pasar esos días con A Cepa.
Estos son nuestros deseos, que coincidamos brindando por la vida. ¡¡¡ ANIMOOOOOOOOOOO!!!!!
Un fuerte abrazo y saludos para todos los foreiros. Desde Bilbao, Bego.

Estimau Natxitu y Bego:

Tú si que sabes repartir las vacaciones. Disfruta tood lo que puedas.
Salus de Alfena

¡Gracias Bego!.
-Ditu está!!
Temus un-ha cita en mayu cona nossa Cru.-Brindaremus: por a "cándida adolescencia".

Creu que te fairé caxu,pues,nun tenhu mutas ganas de dil a Bilbau esta ve.

Forti abrazu, FONTI NOVA