San Martín de Trevejo - Cáceres

A que chamais: "Caxa de Castanhu". ¡Ten un dintel super guai!.

Pareci: qu'o primel propietariu,foi un tal "Román Alvarez" i que pirtinicía a Ordin de San Xuan.

O signu qu'apareci ena parti superiol esquerda; creu que é de caracti civil, i que puiría reprexental agún tipu de profexión.

Tan solu é un-ha hipótesis minha.

Soidi a tos

Bo retratu de "jl" cumu tos seis.

Nun sé o nomi de esi chismi, pero nun divas descamiñau
"FONTI NOVA" era o taller de un artesanu relacionau
con o textil, posiblementi fabricaría mantas.

boas tardis.

O signu qu'apareci ena parti superiol esquerda "FONTI NOVA"
se chama lanzadera "logotipu" do gremiu de fabricantis
de mantas.

boas tardis.

-Boas noitis,Chenchu. He eitau de menus a Barara. Nun sé, por qué,tomó a decixión de abandonal o foru.¡Bueno!,seis mutivus tindría.

Creu qu'estás eno certu.Ei,nun había queidu,peru esi símbulu é de un-ha lanzadera(componenti dun telar).

Comu hemus ditu en máis dun-ha ocaxión; San Martín, tuvu que tel un pasau mui interexanti e importanti.

Forti abrazu

Esteis acertaus os dois,ei viví na siguienti casa i cunhucia isu polque
mo dixu mei pairi,habia um telal nesa casa na época dos xubius,foi um'a época florecienti na que hubu um'a industria mui forti xuntu cum Béxal,
aparti habia otrus gremius i talleris artesanais que deixorin sua impronta nas entrás dos mesmus,num hai mais que dalsi um'a volta poro
Lugal pâ corraboral istu,inclusu cum seis nomis cumu esta.
Otra tendis enfrenti dondi estuvera a centralita do telefunu,na casa do
Mochu cum perdón,O'Canu,aqui habia um'a funeraria.
Ena calhi O'Portu hai mais,desde a que fora casa de postas a talheris de
zapateirus,esta calhi xuntu cum'a da Ciai eran as mais cumerciais pol sel entrá i seida pâ Castila cumu denantis se idia,pol a calzá baixaban
i subian os carrus de muas qu'era o meiu de transporti na época.
Recordei qu'o fielatu estaba na Almona,foi tan importanti esta via que
o ferrocarril estuvu proiectau paralelu,mei güelu Luis me contaba que
chegorin a estal cravas as estacas na tapá que lugu fora sua,recordaba
cumu o ingenieru vinha montau num cabalu brancu,istu num e ninhum'a
invención,e veridicu.
Sendu a entrá mais importanti estuvu situau O'Rolhu,tamén chamau Picota,
representandu o status da Vilha,hoixi desapariciu si deixal rastru.
Si,Sâ Martin foi mais importanti do que pensamus,hai rastrus de isu que
han chegau inda hasta hoixi,as peiras noso didin asina.
Forti abrazu pâ tôs.