San Martín de Trevejo - Caceres

Bôs dias a tôs.
He quiriu vel o Lugal na mais levantalmi i temus a cámara que num
funciona,que tristi,istu num ten arreglu.
Bueno,si o tén,si de um'a ve pol toas se pon a cámara eno campariu,
solu veremus a praza peru veremus algu.
O se pon remelhu o nus queamus sin cámara,polque digu ei que a empresa
que se dediqui ao mantenimentu estaran fartus de dil a componhel o
descompostu caicuandu,que tomin cartas eno asuntu as autoriais
competentis de um'a ve,numca he tiu um reprochi pa naidi,peru me da
que miramus pa otru lau pul num enfrentalnus a quen sea,pos no senhol,
ia esta ben,as salvaixás se castigan pa que so pensin otra ve antes de
volvel a dilinquil,si num se impón castigu num hai respetu,é lamentabli
chegal a estis extremus peru necesariu a toas ludis.
O tema ia cabrea,i num se poi anal i guardal a roipa,istu raia ena anarquia total,tô esta ben.
Soidi a Fala i soidi a cámara, que a dambas bôa falta les fai.
Soidi pa tôs,que d'istu ia nus encargamus câ um pol a conta que non ten.