San Martín de Trevejo - Caceres

E un dia cualquera d'otoñu,
dispois de mutu sol explendidu,
por fin ,chovi en o Lugal;
mais,o chovel, en San Martin de Trevellu,
nun é sinònimu de dia tristi,
si nun,mais ben to contrariu.
Istu é o que ei sintu ,
y asi queru contalvulo.

Camiñandu por as callis mollas,
sintu un perfumi,é cumu unha mezcla,
pensu ei, que sera d'os pinus ,
que aqui ,temus tan cerca,
é d'a leña ,
que en os fogus d'as casas se queima,
y tamen d'a terra mollà,
que agradicia,anuncia que esta contenta....
M'envolvi o silenciu,
que solu perturba a agua sobri as peiras.
Dia de lluvia en otoñu....
con aromas d'un pueblu da serra.

Pa meis amigus /as furistas -mañegus o nun mañegus-
,un pequenu retratu d'os sentiris d'o nosu lugal

Soidi a fala, y pa tos vosotrus
Desde San Martin de Trevellu,vos salua
Anduriña

Muy ben Anduriña é cerral os ollus y sintil o que tú as descritu.Muy ben.
Soidi pa ti en San Martin

Aduriña "CHAPEAU"

Cumu se nota que eris un-ha gran mañega, (i que estàs en S.Martin)capà de describilnus con arti a vision i hasta o cheiru de sis aromas de otoñu que solu existin en o nosu lugal.

Un abrazu .

Soidi a fala


M/A