San Martín de Trevejo - Caceres

Estimaus Chenchu y demais furistas:
Estoy seguru de que sabreis perdoal me atrevimentu y comu tos sabemus a puru de metel a pata é mutas vedis comu millol se chega a verdai das coisas.
Me idis que ya han siu trataus temas sobre a fala. Que ante a proposta de ital a andal con un Plan que, partindu das Instituciós saqui a fala do callejón en que se encontra.Pol o que sé a Junta Ex. ya editó algunos tomus sobre a fala, de que hastas señoris ilustraus (con to o respetu) han vindu das universiais de Extremaura y Galicia pa falal sobre (valga a redundancia) a fala, que pol o vistu hay una Asociación por a defensa y o desarrollo da fala, o presidenti da asociación está en o ayuntamentu do lugal................ei cumu sempris ¿amparandumi en a ignorancia o sirvíndumi d´ela? ¡vaiti tu a sabel!
Y con tos estes señoris e instituciós a o tantu da fala ¿estamus sirvindunos de un foru pa ¿arrancal? ¿mantel? ¿aguantal? ¿intental?.....y nun sé cuantas interrogantis mais. Me sigu preguntandu ya veu que nun he siu o primeiru (he liu os correos de 14/07/07)en pensal que ¿a Junta Ex. sinti vergonza da fala? ¿sólu está catalogá comu ben cultural? y así tratan a un ben cultural? y logu tanta "pamplina" cuandu se quel milloral una fachá proque desentona con un entornu prutegiu y mandan a os peritu a fel o correspondienti informi. ¿qué peritus han mandau pa estudial a situación da fala?. Hay varias alternativas: 1º.A han vistu tan ben que estamus exagerandu y nun está tan mal comu idimus. 2º.A han vistu tan mal que encontran que nun é bo sel en a fotu con o proyectu sobre a fala porque nun ten remeyu. 3º É tan insignificanti que cómu van a invirtil fondus en algu que poi tel poicus réditus pulíticus (nun atrain a mais votantis). 4º.Nun hay naidi que crea de verdai en a fala mais que a nivel floclóricu y de chascarrillu. 5º. Os que está y poin fel algu están muy ocupaus pa preparal y presental un plan de recuperación da fala. 6º. O han intentau pero pol separau (sin tel en a conta de que poin estal interesaius os d Ás Ellas y Valverdi). 7º. O estan intentandu pero nun sabemus ná de ná. (fallaría a comunicación comu hemus ditu anteriolmenti)8º.... ¿sigu?.
Creu que nin siquera nos leen porque o foru poi sel bastanti de nostágicu, de a xenti que está fora do lugal (a mayuría que escribi estamus fora), que os que están en San Martín nun nos necesitan y les da exactamenti igual o que pensemus y poñamus.
A esti pasu ¿quí me vai a insinal a falal, a leel y escribil en mañegu?, Bueno, bueno....
Mais que nunca muta soidi a fala.

"alfena"
Ha realiai é a que é y nun hay mais cera que a que ardi.
¿Qué hacer?
pues o que estamus fendu..somus o pioneirus, nunca,jamais se había escritu en mañegu. Se levo a cabu un "Congresu da Fala" mayo do 99
asisti o académicu Don Alonso Zamora Vicente (q.e.d.)profesoris da Universiai de Extremadura, de Coimbra, de Vigu y de Barcelona;
un cursu do verán.Mingu, sin ayua de naidi, volvei a reedital o libru
"Vamus a Falal" (1994)Agora al menus sabin que existimus en a Universiai de Barcelona, De Vigu, de Mairil y de Extremadura, que fai dé anus ná de ná.
"A Fala" puia estar mutu pior porque nunca se ha escritu, to mundu didi que un milagru.Hasta os anus sesenta a genti do Valli de Xiálima vivia da agrcultura. Agora too está abandonau. Si se conservó por o aislamentu agora ésti se acabó y a fala ya nun é tal y cumu se expresa miña mairi de 96 anus, hay palabras que nun as entendu.
Claru, que tamen ya en os anus vinti Leite de Vasconcelos idia que desaparecería ("....) o nenhunm entusiasmo que os naturais mosstram de o falar, e muito menos de o escrever (...)"
E muy poicu que sea declará "ben cultural" pero menus da unha peira. Pero y si a os falantis en sua mayoría nun les interesa conservala pa as futuras generacios, pués respetemus a sua actitud. Nun le pías as Institucios que se ocupen de el.la porque si naidi presiona, o poer politicu nun se molesta en estas, pa el.lis, coisas de poica monta.

Y agora, ya...mientras tantu si alguen preparau do lugal, na de voluntarismu, PAGA cumu é dibiu montara un "Taller de escritura"
por a tardes unha hora, pa os dagalitus, siría algu extraordinariu.
¿Asistirían a clasi de manera voluntaria? pues ei cunfiu que sí.

boas noitis