San Martín de Trevejo - Caceres

Aproveitandu que nos acaban de fel una en o lugal y habendu siu aprobá a Ley de dependencia, solamenti cuatru coixitas:
Un jubilau que teña una cumpleta autonomía necisita pa vivil unos 500 €/mes de meia.Pero temus que tel en conta que a Administración cubri algús dos gastus que tenin. En un estudiu redente de (J. Braña en o 2002)idía que o costi de a asistencia sanitaria recibía era algu mais de 400 €, pero que a istu hay que añadirli unos 27 € de gastus de farmacia. Claro, istu sin contar que teñan comu ayua social, algunos por supostu, o tema dos viaixis do Insersu, as rebaisas de os que utilicin transporti y otrus beneficius pol os que tenin un bonu de preciu redudiu. Esti estudiu os estimaba en caixi 500 €.
Otru estudiu mais redenti, detalla inda mais os costis dos sirvicius asistenciais pa persoas dependientis.Veamus:
Os de menol dependencia: una persoa que necesiti una ayua a dumiciliu (1 hora/día)genera un gastu de 343 €/mes, sumemus a istu os 500 € de manutención. Si foran 3 h/día, nos colocamus en un gastu de 1.030 €, mais os famosus 500 € de manutención.
Si esta persoa é atindía en un Centru de día, o gastu meiu é de 680 €/mes, mais so 500 €.
Si o jubilau ten que ingresal en una Residencia, o gastu se dispara (1.370 € si é dependencia moderá) a os 1.650 € (dependencia gravi. Esti últimu casu quel idil que pa poel pagal a Residencia se requel un a pensión igual a 3 vedis o SMI (salariu Mínimu Interprofesional).
Agora ben, ¿nun so han miriciu o qué? ¿Nun so tenein ben pero que requete ben gañau? Sí señol.
Soidi pa os que han dau to sei esforzu y mutas vedis mais de o que puian por deixalnus un mundu millol.